ꤚꤥꤗꤢꤩ꤬ 3:8 - ลีเทส่อพ๊าอาเซ เร๊อ เห่ขุทวาลู๊

⁸ เหย่ซี เฮ๊เออ อา เก่ โต เฮ๊เรอ, เป โหล่เฮ๊เกอ เน๊อ, “แซ่ฮู๊ อู เก่ ถู่เซ๊แถ่ จอแปแหร่ เร๊อ อา เมเต เนอ อา โตแพ๊ อาเงเนอ, ตูรู๊ เม แลแค เตซื๊อเนอ,” โหล่เฮ๊เกอ ฮู๊เออแพ๊กอ. แกแย เด๊อ อา เฮ๊ ฮู๊เนอ เต๊เห่หม่า จอแปแหร่ เมจากาคยา ลู เนอ อา โตแพ๊. หม่าแน๊เรอ แกแย เต๊เห่เห่เนอ, อา แด๊ ลอ แวแหย่โย เร๊อ แว อิซว๊า อู ฮู๊เนอ. หม่าแน๊เรอ แว อิซว๊า อู ฮู๊เนอ หม่าโต่.

Eastern Kayah Shadaw Dialect

⁸ ꤛꤢꤩ꤬ꤞꤤ꤭ ꤟꤢꤩꤣꤧ꤭ ꤢ꤬ ꤊꤢꤩ꤬ ꤒꤥ꤭ ꤟꤢꤩꤚꤣꤧ꤬, ꤕꤢꤩ꤬ ꤜ꤫ꤥ꤬ꤟꤢꤩꤊꤣꤧ꤭ ꤔꤢꤧ, “ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤗꤢꤩ꤬ꤒꤢꤩ꤬ ꤔꤣꤧ꤬ ꤢ꤬ ꤒꤥ꤭ꤖꤢꤧ ꤢ꤬ꤑꤢꤩ꤭ꤔꤣꤧ꤬, ꤒꤣꤧ꤬ꤚꤢꤨ ꤗꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ꤞꤢꤦꤔꤣꤧ꤬,” ꤜ꤫ꤥ꤬ꤟꤢꤩꤊꤣꤧ꤭ ꤟꤢꤨꤣꤧ꤭ꤖꤢꤧꤊꤢꤪ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤜꤢꤨ꤭ ꤔꤣꤧ꤬ ꤢ꤬ ꤒꤥ꤭ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤘꤢꤧ ꤜꤢꤪ꤭ ꤠꤢꤧ꤭ꤛ꤫ꤢꤧ꤬ꤛꤥ꤬ ꤔꤢꤧ ꤠꤢꤧ꤭ ꤤ꤬ꤞꤝꤢ ꤢꤨ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤤ꤬ꤞꤝꤢ ꤢꤨ꤭ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯

ꤚꤥꤗꤢꤩ꤬ 3:8 ပူးပေါင်းရင်းမြစ်များ

ꤚꤥꤗꤢꤩ꤬ 6:1

เก่ เมฮู๊เนอ เฮ๊เรอ, เป เก่ เฮ๊ ฮู๊เต? แซ่ฮู๊ จอแปแหร่ อาบุ๊ยอาเตอเรอ เก่ โอ่เอ๊แถ่ เร๊อ เอ๊แถ่ อาเงเนอเรอ, เป โตเบ่ เม แฮเง ลาโป่ เตซื๊อ แอ?

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.

ꤚꤥꤗꤢꤩ꤬ 7:7

เมฮู๊เนอเรอ เป เก่ เฮ๊ ฮู๊เต? เตซว๊าเตแส่ หม่า อาซื๊อ แพ๊ เป เก่ เฮ๊ ฮู๊เนอ แอ? เป เฮ๊ ฮู๊เนอหม่า อา โตโต่. เน เม ฮู๊เนอหม่า อาซื๊อ เตซว๊าเตแส่ เก่ ยูโล โต่ เฮ๊เนอ, เต เด๊อ แว เมซื๊อ โทเฮ๊อ แคร๋ อิเตเนอ แว ซิเง กาคยา เกอเร๊อ หม่าแหน่โต่. เฮ๊โก๊หลื่อ, “ซิหยื่อซิลอ แต่ อู เต แต่เหม่ นี๋,” เก่ เตซว๊าเตแส่ ราโล ฮู๊เออ โต่ เฮ๊เรอ, ซิหยื่อซิลอ อูเต เนอหม่า อา ทวา เตซื๊อ เฮ๊อ เนอ, แว ซิเง โต่.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

มัทธิว 5:11

“เบ๊อะอู เป๊อเจ่ออิแช๊ ซี, อู เมจาเมจือ ซี, อู เกบูเกบย่า ซี เร๊อ อู เฮ๊ มู๊แหม่รีแจ่ ซี เด๊อ แวขว่าแวคยา เต๊เห่เนอ, ซี พย๊าหนิ เตเด๊อะบุ๊ยเด๊อะเตอเรอ.

โครินธ์ เนอบ่า ต๊าบ่า 6:8

เพร ถู่เซ๊ เป หม่า อา โอ่โอ่, เพร เป๊อเจ่อ เป หม่า อา โอ่โอ่. เพร เฮ๊เบ่แร๊ เป หม่า อา โอ่โอ่, เพร เฮ๊มู๊แหม่ เป หม่า อา โอ่โอ่. เพร เฮ๊ เป เร๊อ แกแยแลโฮ เต๊เห่ เนอหม่า อา โอ่โอ่, หม่าแน๊เรอ เป หม่า แกแย เด๊อ อา เฮ๊เบ่จ๊อ เต เต๊เห่ แพ๊.

โครินธ์ เนอบ่า ต๊าบ่า 11:15

ฮู๊เนอเรอ, โลเน๊มู๊แหม่รีแจ่ กู่กล๊อ อาหลู่เล๊ เต๊เห่ กลว่า แลโฮแจ่ แซ่เกอ อาเหน่ ฮู๊ จอแปแหร่ อาหลู่เล๊ เด๊อ อาจ๊ออาเต เต๊เห่ เนอหม่า เหล่คย๊ายื๊อ เน๊อ เตอเจ๋อ โต่. เด๊อ คยาตื๊อดื่อ ปา, ฮู๊ เหย่ซี เมซื๊อ โทเฮ๊อเนอ, เหย่ซี เก่ ข่าเบ่ เมจากาคยาแกฮู๊ อา โต เร๊อ เหย่ซี เนอ ปา.