ꤚꤥꤗꤢꤩ꤬ 3:31 - ลีเทส่อพ๊าอาเซ เร๊อ เห่ขุทวาลู๊

³¹ จอแปแหร่ เก่ แด่จ๊อแด่เต เป เร๊อ เป เตหยื่อเตแหน่ ขว่าคยา แพ๊, เก่เฮ๊เรอ เตซว๊าเตแส่ เออเต๊เห่ เนอหม่า, อา ตาพูแก ลอเฮ๊อ กอ? อา ตาพูแก โต่. ซี เฮ๊ แต่ เน๊อ อา ตาพูแก แต่เหม่, อา ลื๋อ เม ฉว่าแถ่ชอแถ่ เล๊อ ปา เตเปล่เจ๊อ, เมเตเฮ๊เรอ เก่ เป หยื่อเอ่ เหย่ซู่ เฮ๊เนอ, เป เหล่ หนิดา แร๊แฮ เล๊อ โป่โป่ เตซว๊าเตแส่ เจ๊อ.

Eastern Kayah Shadaw Dialect

³¹ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤋꤝꤢ꤬ꤋꤛꤢ꤭ ꤖꤢꤧ ꤊꤢꤩ꤬ꤟꤢꤩꤚꤣꤧ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤒꤣꤧ꤬ꤖꤢꤨ꤭ꤊꤢꤧ꤭ ꤜꤢꤪ꤭ꤟꤣꤧ ꤊꤢꤪ꤭? ꤢ꤬ ꤒꤣꤧ꤬ꤖꤢꤨ꤭ꤊꤢꤧ꤭ ꤒꤥ꤬꤯ ꤞꤤ꤭ ꤟꤢꤩ ꤒ꤫ꤢꤧ꤬ ꤔꤢꤧ ꤢ꤬ ꤒꤣꤧ꤬ꤖꤢꤨ꤭ꤊꤢꤧ꤭ ꤒ꤫ꤢꤧ꤬ꤗꤢꤩ꤬, ꤢ꤬ ꤜꤢꤦ ꤗꤢꤩ꤬ ꤏꤝꤢ꤬ꤓꤢꤧ꤬ꤏꤢꤪ꤭ꤓꤢꤧ꤬ ꤜꤣ ꤕꤢ꤬ ꤒꤣꤧ꤬ꤕꤜꤢꤩ꤬ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤢꤩ꤬ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤔꤣꤧ꤬ ꤕꤢꤩ꤬ ꤜꤢꤦ ꤔ꤫ꤤ꤬ꤘꤢ꤭ ꤚꤢꤧꤟꤢꤧ꤭ ꤜꤣ ꤕ꤫ꤥ꤬ꤕ꤫ꤥ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤡꤣꤧ꤯

ꤚꤥꤗꤢꤩ꤬ 3:31 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 2:21

แว วี๊แก จอแปแหร่ อาบุ๊ยอาเตอเรอ โต่, เมเตเฮ๊เรอ แกแย เตเพรเพร เก่ ทวาแถ่ เบ๊แจ่ แกแยจ๊อแกแยเต เร๊อ ลือครวาเม เตซว๊าเตแส่ อาคยา แพ๊ เก่เฮ๊เรอ, ครี๊ ข่าเซอ อาซิปล่อ เออเนอหมา อา แกเด ลอเฮ๊อ”

มัทธิว 5:17

“เตเนซื๊อ แต่ แลแค แว เน๊อ แว แฮเมปย๊า คูโมเสส อา เตซว๊าเตแส่ เร๊อ ลี เด๊อ เพรโพร ราแก เนอเต๊เห่ แต่เหม่ นี๋. แว แฮ เด๊อ แว เก่ แฮ เมปย๊าเมหลู่ เตเนอ เต๊เห่ หม่าโต่. แว แฮ เมเล๊อเมบา เป่ เต รา หนื่ออื่อ เออเต๊เห่ เนอแพ๊.

โครินธ์ อาเหร่อเล๊อ ต๊าบ่า 9:21

แซ่ฮู๊ แกแย เด๊อ อา ซิเง เกออู คูโมเสส อา เตซว๊าเตแส่ โต่ เต๊เห่ เก่ หยื่อเอ่ เกออู แบ่เจ่ เหย่ซู่ครี๊ อาเงเนอ, เบ๊อะแว โอ่ เกอ เด๊อ เหย่ซีเกล เบ๊อะเนอ, แว เมฮู๊ เป แกแยยิวพู๊ อาเหล่โกล เมเนอ โต่, แว เม แซ่เกอ ฮู๊ เหย่ซี เมเนอ แพ๊. หม่าแน๊เรอ แว ครวาลือ เม เกอ จอแปแหร่ อา เตซว๊าเตแส่ โต่, แว เฮ๊ ฮู๊เนอ หม่าโต่. เก่ เฮ๊ตาต๋าหม่า แว หม่า แกแย เตเพร เด๊อ อา ลือครวา เม แหน่เจ๊อ ครี๊ อา เตซว๊าเตแส่ เตเพร เจ๊อ.

ꤚꤥꤗꤢꤩ꤬ 10:4

แซ่ฮู๊ จอแปแหร่ เก่ แด่จ๊อแด่เต ลอ แกแย เด๊อ อา หยื่อเอ่ ครี๊ เนอเต๊เห่ อาเงเนอเรอ, ครี๊ เมโทแก ปลื๊อลอเฮ๊อ เตซว๊าเตแส่ อา เตเตเนหนื่ออื่อ เต๊เห่ เฮ๊อ.

ꤚꤥꤗꤢꤩ꤬ 8:4

แซ่ฮู๊ เป เก่ เมเล๊อเมบา เป่ลอ เตซว๊าเตแส่ อาเตกุย เต๊เห่เนอ, จอแปแหร่ เม เป่โทเฮ๊อ เด๊อ เปเง เฮ๊อ. เป เด๊อ อา หนิดา ครวาเม เกอ ปา เหน่กล่อพ๊าหย่า อา เตซิหยื่อซิลอ โต่ เออเต๊เห่, เร๊อ เป เม ฮู๊ แหย่โยบูโพ๊ แบ่เจ่ ยูแกล๊ยูโกล เป เออเต๊เห่ อาเงเนอ, จอแปแหร่ เม เป่โท ลอเฮ๊อ เป เฮ๊อ.

ꤊꤢ꤬ꤜꤢ꤬ꤒꤤ 2:19

เบ๊อะแว แอ๊จื๊อ ลือครวาเม เตซว๊าเตแส่ เบ๊อะเนออาเค, แว ลือ เมโต เบ๊แจ่ จอแปแหร่ อาซิปล่อ โตโพ๋ โต่. ฮู๊เนอเร๊อ แซ่ฮู๊ แว เก่ โอ่เซอเพรเบ๊ เป่ เด๊อ จอแปแหร่ อาเงเนอเรอ, แว เซอแกเฮ๊อ เด๊อ เตซว๊าเตแส่ อากู เฮ๊อ.

ꤚꤥꤗꤢꤩ꤬ 7:25

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ เด๊อ เป แบ่เจ่ เหย่ซู่ครี๊ อาขว่าอาคยาเร๊อ, อา เมแลเปล๊กา เฮ๊อ แว เฮ๊อ. ฮู๊เนอเรอ เตเมทวาแถ่ อาเหน่ เร๊อ แว หม่า ฮู๊เตเฮ๊เร๊อ แว ซิปล่อ เออเนอ, อา ซิหยื่อ เม โชชื่อ แพ๊ จอแปแหร่ อา เตซว๊าเตแส่ หม่าแน๊เรอ แวพ๊าแวหย่า อา เตซิหยื่อซิลอ เออเนอ อา เม โชชื่อแพ๊ เต เด๊อ อาเหล่โกล เมโป๊เนอ เตซื๊อ เออเนอเต๊เห่ แพ๊.

ꤚꤥꤗꤢꤩ꤬ 7:22

เด๊อ แว ซิปล่อกู เนอ แว โม แหน่เจ๊อ จอแปแหร่ อา เตซว๊าเตแส่ เจ๊อ.

ꤚꤥꤗꤢꤩ꤬ 4:14

จอแปแหร่ เก่ อ๊อแล เร๊อ แกแย เด๊อ อา ลือครวาเม เกอ เตซว๊าเตแส่ เออเต๊เห่เนอ, อา เก่ พย๊าหนิ จอแปแหร่ อา เตอ๊อแล ปา เก่เฮ๊เรอ เตหยื่อเตแหน่ เออเนอ อาบุ๊ยเตอเรอ โอ่ ปา โต่ เฮ๊อ. เตอ๊อแล เออเนอ อาโหง่แลช๊า โอ่ปา เตอเจ๋อโต่ เฮ๊อ.

ꤚꤥꤗꤢꤩ꤬ 3:4

อา ตาพูแก เร๊อ ตีกี๋โต่. แกแย ล๋อ ปลี ทวาลอ เจ๊อ แกแย แลโฮแลแห่ เจ๊อ เบ่เบ่, จอแปแหร่ จ๊อ ตื๊อดื่อปา แหน่ เร๊อ อาโหง่ แพ๊. ลีเทส่อพ๊ากู เฮ๊ เนอ, “แกแย เก่ เฮ๊ เน เน๊อ เน เฮ๊เบ่ บ๊อเกเต๋ เบ่เบ่, อาโตอาเบ่ ลอ แพ๊. อู เก่ เน เตซื๊อ เด๊อ เน เม เตโตโต่ บ๊อเกเต๋ เบ่เบ่ เนอ, อู แลจู่แก เน เหล่โอ่ แพ๊.”

มัทธิว 15:6

แกแย เตเพรเพร เก่ กา เฮ๊ อาโหมะอาเพ ฮู๊เนอ เฮ๊เรอ, ซี นอ เบ่หยื่อเบ่แหน่ปา อู เน๊อ อูโหมะ อู เพโต่ เฮ๊อ. ซี ลือ ครวา ซีเพอโพ เหล่โกล อาขว่าอาคยา, ซี เม ตูพู แก ลอ เฮ๊อ จอแปแหร่ อา โหง่เฮ๊แก เออ ตือมือ เฮ๊อ.

มัทธิว 5:20

ฮู๊เนอเร๊อ แว เฮ๊จ๊อจ๊อ ซี, ซี เก่จ๊อเก่เตเล๊อ เร๊อ เพรอิซว๊า เตซว๊าเตแส่ อาซ๊าร๊า เออเต๊เห่ เร๊อ ฟาริสี เออเต๊เห่ โต่ เฮ๊เนอหม่า, ซี โนเบ๊ แจ่ เด๊อ ม๊อขุ เทอเลเก่กู ตีกี๋ โต่.”

มัทธิว 3:15

เหย่ซู่ เฮ๊ฉื่อ ลู เน๊อ, “กู๊แหน่ เรอ ตูรู๊ เจ เป่ มอ แว, เมเตเฮ๊เรอ เป โตเบ่ เมเล๊อบา ลอ ล๋อ จอแปแหร่ อา เตซิหยื่อ นอเม เป เนอเต๊เห่,” อา เฮ๊ เร๊อ คูยอห์น ซิปล่อโอ่ เจ เป่ ลู.

ꤜꤢꤨꤊꤢ꤬ 20:16

อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!”

ꤚꤥꤗꤢꤩ꤬ 2:20

เน เตเน เกอเร๊อ เนเหน่ เร๊อ เน ยูเบ๊ เป่ แกแย ตอครอ เออเต๊เห่ อาแกล๊ เร๊อ เน อิซว๊าอี๊แส่แจ่ เป่ แกแย เด๊อ อาแซ่เน๊อ เป๊เจ่ เด๊อ อา อินู๊ ปา เออเต๊เห่, เมเตเฮ๊เรอ เตซว๊าเตแส่ ยูแกล๊ยูโกล เป่ ลอ เฮ๊อ ซี เร๊อ ซี เก่ ซิเง จอแปแหร่ อาหรี่อาแก เร๊อ เตหมะเตจ๊อ เต๊เห่ เฮ๊อ.

ꤚꤥꤗꤢꤩ꤬ 3:6

เก่ เฮ๊ฮู๊เนอหม่า อา โตโต่. จอแปแหร่ เมเตเออ เก่ อา โตโต่ เฮ๊เรอ อา เก่ เมจากาคยา โต แจ่ แกแย ฮู๊เต ปา?