ꤚꤥꤗꤢꤩ꤬ 3:28 - ลีเทส่อพ๊าอาเซ เร๊อ เห่ขุทวาลู๊28 เมเตเฮ๊เรอ แกแย ลือครวาเม เกอ เตซว๊าเตแส่ อาคยา เร๊อ จอแปแหร่ แด่จ๊อแด่เต เหย่ซี ฮู๊เนอ หม่าโต่. เด๊อ เหย่ซี หยื่อเอ่แหน่เอ่เต ขว่าคยาเนอ, อา แด่จ๊อแด่เต ลู แพ๊. အခန်းကိုကြည့်ပါ။Eastern Kayah Shadaw Dialect28 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤋꤝꤢ꤬ꤋꤛꤢ꤭ꤚꤣꤧ꤬, ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤨ꤭ ꤖꤢꤧ꤯ အခန်းကိုကြည့်ပါ။ |
ꤚꤥꤗꤢꤩ꤬ 3:28
20 ပူးပေါင်းရင်းမြစ်များ
หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.
ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.
หม่าแน๊เรอ กู๊แหน่เออ อา เก่ เด๊อะโล เร๊อ อา เม เตเออ อาโต แพ๊ อาเงเนอ, อา นอแฮ เหย่ซู่ เร๊อ อา เก่ แฮ ข่าเซอ เด๊อ อู ปว๋า เตเพร อาเง. ฮู๊เนอ อาขว่าอาคยา, จอแปแหร่ อาเหน่ แบ่เจ่ เร๊อดื่อ อา เด๊อะโล เร๊อ อา เมจ๊อเมเต แพ๊. เร๊อ อา แด่จ๊อแด่เต แกแย เด๊อ อา หยื่อเอ่ เหย่ซู่ เนอเต๊เห่ เร๊อ อาเหน่ เร๊อดื่อ.
เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.
เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.
เฮ๊โก๊หลื่อ แกแย เตเพร เก่ เฮ๊ เน๊อ, “แกแย เต๊เห่เห่ เนอ อาโอ่ เน๊อ เตหยื่อ, เต๊เห่เห่ เร๊อ อาโอ่ เน๊อ เตเมแร๊ เต.” เก่ เฮ๊ เร๊อ แว เก่ เฮ๊ฉื่อ อา เน๊อ, เด๊อะโล เป่ แว เน เตหยื่อ เด๊อ อา โชโด เน๊อ เตเม เออเนอ, เร๊อ แว เก่ เด๊อะโล เป่ เกอลาติ เน เน๊อ แว เตหยื่อ เด๊อ อาโอ่ เน๊อ เตเมเออ ปา แว เก่ เฮ๊ฉื่อ อา ฮู๊เนอ.
ကြော်ငြာတွေ