ꤚꤥꤗꤢꤩ꤬ 3:21 - ลีเทส่อพ๊าอาเซ เร๊อ เห่ขุทวาลู๊

²¹ หม่าแน๊เรอ กู๊แหน่เออ, แซ่ฮู๊ แกแย เก่ ทวาแถ่ แกแยจ๊อแกแยเต เด๊อ จอแปแหร่ อา เป๊เส่เง เนอ, อา เม โค๊ดื่อ แกล๊ เด๊อ อาโร โตโบ เร๊อ อาเหน่. จอแปแหร่ อาแกล๊เออ เนอหม่า, เด๊อ เป หนิดา จูเอ่ เตซว๊าเตแส่ อาขว่าอาคยา เนอ หม่าโต่. คูโมเสส เร๊อ เพรโพร เต๊เห่ ราหนื่ออื่อ โทเฮ๊อ เด๊อ ลีเทส่อพ๊ากู มู๋หนู่เค ปา เจ๊อ.

Eastern Kayah Shadaw Dialect

²¹ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬, ꤢ꤬ ꤗꤢꤩ꤬ ꤋꤥꤘꤢꤦ꤬ ꤊꤜꤢꤧ ꤘꤣ ꤢ꤬ꤚꤥ꤬ ꤒꤣ꤬ꤙꤥ꤭ ꤔꤢꤧ ꤢ꤬ꤔ꤫ꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤜꤢꤧꤣꤧ꤭ ꤔꤣꤧ꤬ꤗꤢ꤬ ꤘꤣ ꤕꤢꤩ꤬ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤋꤢꤨ꤭ꤗꤢꤪꤎꤢꤧ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤚꤢ꤭ꤥ꤬ꤔꤢꤩ꤬ ꤓꤥ꤭ꤟꤣꤧ ꤘꤣ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤕꤢ꤬ ꤡꤣꤧ꤯

ꤚꤥꤗꤢꤩ꤬ 3:21 ပူးပေါင်းရင်းမြစ်များ

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤊꤢ꤬ꤜꤢ꤬ꤒꤤ 3:8

ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

ꤚꤥꤗꤢꤩ꤬ 1:2

เตซิครือมีลา เออเนอ, จอแปแหร่ อ๊อแล หนื่ออื่อ อางย๊าลาเฮ๊อ อาโหง่ มู๋ หนู่เค เร๊อ อาเพรโพร เต๊เห่ ฮู๊ อา ราหนื่ออื่อ โทเฮ๊อ เด๊อ ลีเทส่อพ๊า อากูเนอ.

เพรโด่แนพู๊ เต๊เห่ 15:11

จว๊าเม แลแคเตฮู๊เนอ แต่เหม่, เด๊อ แบ่เจ่ เหย่ซู่ อาบุ๊ยอาเตอเรอ อาขว่าอาคยา, เป พย๊าหนิ เตเมแลเปล๊กา แพ๊ เป หยื่อเอ่ ฮู๊เนอ. เหย่ซี๋ หม่า อา พย๊าหนิ แซ่เกอดื่อ เตเมแลเปล๊กา ฮู๊ เป พย๊าหนิ เนอเนอ แพ๊,” คูเปโตร เฮ๊ เหย่ซี ฮู๊เนอ.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

เปโตร อาเหร่อเล๊อ ต๊าบ่า 1:10

เมแลเปล๊กา อาหรี่อาแก เออเนอ, เพรโพร เต๊เห่ แม๊ปูซิเง เร๊อ แด๊เฮอ เจแม๊ ตาเต โท เฮ๊อ. โทเร๊อ เตบุ๊ยดุเตอเรอทู อาเชหยู่ เด๊อ จอแปแหร่ เก่ เด๊อะแล ซี ปา เออเนอ, เพรโพร เต๊เห่ เฮ๊โพร หนื่ออื่อ โทเฮ๊อ อาหรี่อาแก เฮ๊อ.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ꤚꤥꤗꤢꤩ꤬ 16:26

หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ.

เพรโด่แนพู๊ เต๊เห่ 26:22

หม่าแน๊เรอ, จอแปแหร่ เมจว่า แว อาขว่าอาคยา, โต่เด๊อ เออเตอ เนอ แว ก๊อถ่อ ข่าเฮ๊โล เป่ปา เน๊อ แกแย เด๊อ อา โอ่ เบ๊อะเออ ปว๋า เตเพร. แกแย เด๊อ อู เตเนดุ ลู เบ่เบ่, อู เตเน ปีตี๊ ลู เบ่เบ่ แว แด๊โฉ่โล แซ๊เป่ ลอ ลู. เตหรี่เตแก เด๊อ แว เฮ๊ เป่ เหย่ซี เออเนอหมา, เตอเจอเจ๋อ แพ๊ ลู เร๊อ เพรโพร เต๊เห่ เร๊อ คูโมเสส แด๊โฉ่หนื่ออื่อ โทเฮ๊อ เนอเต๊เห่ แพ๊, เร๊อ อา เฮ๊ แลแค เน๊อ,

ꤛꤥ꤭ꤟꤢ꤬ 1:45

คูฟีลิป แม๊เถอะ คูนาธานาเอล เร๊อ อา เฮ๊ ลู เน๊อ, “เป แม๊เถอะเฮ๊อ แกแย เด๊อ คูโมเสส รา ลูหรี่ลูแก เด๊อ ลี เตซว๊าเตแส่ อากูเนอ เร๊อ เพรโพร เต๊เห่ ราเกอ ลูหรี่ลูแก เนอ เตเพร เฮ๊อ. อา หม่า เพโยเซฟ อาพู๊คู เหย่ซู่ เร๊อ อา หม่า แกแย วีนาซาเร็ธพู๊.”

เห่ขุทวาลู่ 15:6

คูอับราม หยื่อเอ่ จอแปแหร่ ตูจูเพร อาขว่าอาคยา, จอแปแหร่ แด่ เฮ๊อ ลู ฮู๊ แกแยจ๊อแกแยเต เตเพร.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤚꤥꤗꤢꤩ꤬ 9:30

เก่ เมฮู๊เนอเรอ, เป เก่ เฮ๊ ฮู๊เต? แกแยยิวพู๊ หม่าโต่ เต๊เห่เนอ, อา แม๊ปู เกออู แกล๊ เด๊อ จอแปแหร่ แด่จ๊อแด่เต อู เออเนอโตโบ โต่ หม่าแน๊เรอ เหย่ซี พย๊าหนิ เฮ๊อ. เด๊อ เหย่ซี เตหยื่อเตแหน่ อาขว่าอาคยา, เร๊อ จอแปแหร่ แด่จ๊อแด่เต เฮ๊อ เหย่ซี เฮ๊อ.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

ꤚꤥꤗꤢꤩ꤬ 3:28

เมเตเฮ๊เรอ แกแย ลือครวาเม เกอ เตซว๊าเตแส่ อาคยา เร๊อ จอแปแหร่ แด่จ๊อแด่เต เหย่ซี ฮู๊เนอ หม่าโต่. เด๊อ เหย่ซี หยื่อเอ่แหน่เอ่เต ขว่าคยาเนอ, อา แด่จ๊อแด่เต ลู แพ๊.

โครินธ์ เนอบ่า ต๊าบ่า 3:9

เตอ๊อแล อาเลอ เด๊อ อา พย๊าแฮ แพ๊ เตเซอ เออเนอ, อา เก่ โอ่ เร๊อ อาลีอาเตเค ฉว่าชอ เก่เฮ๊เรอ, เตอ๊อแล อาเซ เด๊อ อา เมจ๊อเมเต เฮ๊อ เป เด๊อ จอแปแหร่ อาเป๊เส่เง เออเนอ, อา เตลีเตตาเค ฉว่าชอ เก่ ดุเล๊อ เจ๊อแหน่ เฮ๊อ เร๊อ เนอ เฮ๊อ.