ꤚꤥꤗꤢꤩ꤬ 3:19 - ลีเทส่อพ๊าอาเซ เร๊อ เห่ขุทวาลู๊

¹⁹ เป ซิเง เน๊อ ลอ เตซว๊าเตแส่ แด๊โฉ่ เต๊เห่เนอ, อา เฮ๊ เป่ แกแย เด๊อ อา พย๊าหนิ เตซว๊าเตแส่ เนอเต๊เห่ อาเงแพ๊. แซ่ฮู๊ เป เก่ เฮ๊เบ่ แลเปล๊แจ่ เกอ เร๊อ ปาแต่ เปเหน่ เร๊อ เป เม เตซื๊อ อาคยา เออ แต่เหม่ เนอเรอ, จอแปแหร่ เด๊อะตา เป่ เป เตซว๊าเตแส่ เออเนอ แพ๊. โท๊โต่ แซ่ฮู๊ จอแปแหร่ เก่ เมจากาคยา ล๋อ แกแย โอ่ เด๊อ เห่ขุ เออต๊าบ่า ปว๋า เตเพร ปา เนอเรอ, อา เด๊อะตา แพ๊.

Eastern Kayah Shadaw Dialect

¹⁹ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤜꤢꤪ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩꤏꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤖꤢꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢ꤬ ꤒ꤫ꤢꤧ꤬ ꤕꤢꤩ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤞꤢꤦ ꤢ꤬ꤋꤛꤢ꤭ꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤖꤢꤧ꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭ ꤔꤣꤧ꤬ꤚꤣꤧ꤬, ꤢ꤬ ꤘꤣꤧꤒꤢ꤭ ꤖꤢꤧ꤯

ꤚꤥꤗꤢꤩ꤬ 3:19 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

ꤚꤥꤗꤢꤩ꤬ 3:9

ฮู๊เนอเรอ, เป เก่ เฮ๊ ฮู๊เต? เป แกแยยิวพู๊ เต๊เห่ หม่า เป แร๊เล๊อ เร๊อ แกแยยิวพู๊ หม่าโต่ เต๊เห่ แอ? เป แร๊เล๊อ เน๊อ ตีกี๋โต่. เป เด๊อะโล โทเฮ๊อ เร๊อ แกแยยิวพู๊ เบ่เบ่, แกแยยิวพู๊ หม่าโต่ เบ่เบ่, เหย่ซี โอ่ลอปลี แพ๊ เด๊อ เตซื๊อเตปล๊า อา เตอเรอฉว่าชอ อาเล แพ๊.

ꤊꤢ꤬ꤜꤢ꤬ꤒꤤ 5:18

แหย่โยบูโพ๊ แบ่เจ่ เก่ ซู ซี เฮ๊เรอ, ซี โอ่ ปา เด๊อ เตซว๊าเตแส่ อาเล โต่ เฮ๊อ.

โครินธ์ อาเหร่อเล๊อ ต๊าบ่า 1:29

ฮู๊เนอเรอ, เด๊อ จอแปแหร่ อา เป๊เส่เงเนอ, อู พย๊าแถ่โล แจ่ อูเหน่ เตเพร่ว โต่.

ꤚꤥꤗꤢꤩ꤬ 3:23

เมเตเฮ๊เรอ แกแย ปว๋า เตเพร เม เตซื๊อเตปล๊า. อา ลือ แถ่โต่ ทว๊าเบ๊ จอแปแหร่ แด่ม๊า อา เตอเรอดุเตอเรอทู เออเนอ เตเพร่ว โต่.

ꤊꤢ꤬ꤜꤢ꤬ꤒꤤ 4:21

ซี เด๊อ อา ซิหยื่อ นอทวาแถ่ เตซว๊าเตแส่ เออเนอ เร๊อ ซีแบ่เจ่ เต๊เห่ ซี๋ เตซว๊าเตแส่ เฮ๊ ฮู๊เตเนอหม่า ซี หนิโฮน๊อ เกออู โต่ แอ? แด๊โฉ่ เป่แม๊ แว.

ꤊꤢ꤬ꤜꤢ꤬ꤒꤤ 4:5

เมเตเฮ๊เรอ, แซ่ฮู๊ อา เก่ แฮ อี๊ถ่า แกแย โอ่เซอเพร เด๊อ เตซว๊าเตแส่ อาเล เนอเต๊เห่, โท๊โต่ แซ่ฮู๊ เป เก่ ทวาแถ่ จอแปแหร่ อาพู๊อาเลอ เต๊เห่ อาเงเนอ อา นอแฮ อาพู๊คู แพ๊.

ꤚꤥꤗꤢꤩ꤬ 1:20

เมเตเฮ๊เรอ เป๊อแถ่ เด๊อ จอแปแหร่ แบ๊แลลู่เห่ขุ เบ๊อะเนอ, แกแย เต๊เห่ ซิเงโปล แร๊แร๊แหน่แหน่ เจ๊อ เร๊อ จอแปแหร่ โอ่ เร๊อ อา เตอเรอฉว่าชอ ตูจูเพร เจ๊อ, โท๊โต่ เหย่ซี ซิเง โปล ปลื๊อ เจ๊อ เร๊อ อา หม่า จอแปแหร่ อา หม่าแหน่ เตเพรเจ๊อ. จอแปแหร่ อา เตอเรอฉว่าชอ ตูจูเพร เออเต๊เห่เนอ, เร๊อ อา หม่า จอแปแหร่ หม่าแหน่ เตเพร เจ๊อ เออเนอ, เหย่ซี แม๊เถอะแจ่ โต่ หม่าแน๊เรอ เหย่ซี ซิเงแจ่ แพ๊. เหย่ซี ย๋อ แม๊เถอะ จอแปแหร่ แบ๊ทวาแล เตเออเต๊เห่ อาขว่าอาคยา, เหย่ซี ซิเงแจ่ แลแค จอแปแหร่ อาหรี่อาแก เออเต๊เห่ แพ๊. ฮู๊เนอ อาขว่าอาคยา, ล๋อ เตเด๊อ เหย่ซี เมโทเฮ๊อ เต๊เห่เนอ, เหย่ซี เฮ๊โทเฮ๊แล แจ่ ปาโต่.

ꤛꤥ꤭ꤟꤢ꤬ 8:9

เบ๊อะเหย่ซี หนิโฮเฮ๊อ เหย่ซู่ เฮ๊ฮู๊เนอ เบ๊อะเนอ, เหย่ซี เถ่กาคยา ลอ เตเพร โท เตเพร. อา โหมะเผระ เต๊เห่ เถ่กา เหร่อเล๊อ อู. เด๊อคยา เร๊อ เพรเหมาะ เนอเตเพร ก๊อถ่อ โอ่แก ตื้อเกอดื่อ เร๊อ เหย่ซู่ แพ๊.

ꤚꤥꤗꤢꤩ꤬ 3:4

อา ตาพูแก เร๊อ ตีกี๋โต่. แกแย ล๋อ ปลี ทวาลอ เจ๊อ แกแย แลโฮแลแห่ เจ๊อ เบ่เบ่, จอแปแหร่ จ๊อ ตื๊อดื่อปา แหน่ เร๊อ อาโหง่ แพ๊. ลีเทส่อพ๊ากู เฮ๊ เนอ, “แกแย เก่ เฮ๊ เน เน๊อ เน เฮ๊เบ่ บ๊อเกเต๋ เบ่เบ่, อาโตอาเบ่ ลอ แพ๊. อู เก่ เน เตซื๊อ เด๊อ เน เม เตโตโต่ บ๊อเกเต๋ เบ่เบ่ เนอ, อู แลจู่แก เน เหล่โอ่ แพ๊.”

ꤚꤥꤗꤢꤩ꤬ 3:2

ทวา แกแยยิวพู๊ เตเพร เนอหม่า อาบุ๊ยเตอเรอ โอ่เอ๊ หม่าแหน่ เจ๊อ. เตเด๊อ อาบุ๊ยเตอเรอ โอ่เล๊ออู เต๊อเจ่อ เนอหม่า, หม่าเฮ๊อ จอแปแหร่ หยื่อเอ่หนิ เป แกแยยิวพู๊ เต๊เห่ อาขว่าอาคยา, อา แด๊โฉ่โล เป่ เปโหง่ เด๊อ อา ซิหยื่อ แด๊โฉ่ เป่ อู เนอเต๊เห่ เฮ๊อ.

ꤛꤥ꤭ꤟꤢ꤬ 15:25

หม่าแน๊เรอ เออเนอหม่า, เหย่ซี เมเล๊อเมบาแถ่ เป่เฮ๊อ ฮู๊ ลีเทส่อพ๊า เฮ๊โอ่ โทเฮ๊อ เน๊อ, ‘แว เม ซิเถ่ซิฮาน๊อ เหย่ซี เน๊อ แวเหน่ เตอเจ๋อ โต่ ตื๊อดื่อเรอ เหย่ซี ซิเถ่ แว.’