ꤚꤥꤗꤢꤩ꤬ 2:9 - ลีเทส่อพ๊าอาเซ เร๊อ เห่ขุทวาลู๊9 ล๋อ แกแย เด๊อ อา เม เตมู๊แหม่ เต๊เห่เนอ, อา ข่าเบ่ เตแป่เตเช เร๊อ เตกู่เตแก ปา. แกแยยิวพู๊ เต๊เห่ เก่ ข่าเบ่ เหร่อเล๊อ ปา, โทปาเร๊อ แกแยยิวพู๊ หม่าโต่ เต๊เห่ เก่ ข่าเบ่เกอ เนอ เด๊อ คยา ปา. အခန်းကိုကြည့်ပါ။Eastern Kayah Shadaw Dialect9 ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤢꤧꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤔꤢꤧ ꤒꤢꤩ꤬ꤊ꤫ꤢꤨ꤬ꤒꤢꤩ꤬ꤊꤢꤧ꤭ ꤕꤢ꤭꤯ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤋꤢꤧꤙꤢꤩ꤬ ꤚ꤫ꤣꤧ꤬ꤜꤣ ꤕꤢ꤭, ꤓꤥ꤭ꤕꤢ꤭ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤋꤢꤧꤙꤢꤩ꤬ꤊꤣꤧ꤭ ꤔꤥ꤬ ꤘꤣꤋꤛꤢ꤭ ꤕꤢ꤭꤯ အခန်းကိုကြည့်ပါ။ |
ꤚꤥꤗꤢꤩ꤬ 2:9
35 ပူးပေါင်းရင်းမြစ်များ
เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.
โซเซ บาเฮ๊อเนอ, คูเปาโล เอ๊ปล๊อหนิ แกแยยิวพู๊ เด๊อ อา ทวา อากู่กล๊อทวาดุ เบ๊อะวีโรม เนอเต๊เห่. เบ๊อะเหย่ซี แฮโต่ ลอเฮ๊อ เบ๊อะเนอ, อา เฮ๊ เหย่ซี เน๊อ, “แว โป่แหว่ ซี๋, เตเม โตโมเต๊เก่ฉื่อ เป เมวเจอะ เต๊เห่ เบ่เบ่, หม่าโต่เรอ เต เด๊อ อา โค๊เล๊อ เร๊อ เป เหล่โกลเหล่แบ่ เด๊อ เป พย๊าหนิ เด๊อ เป โหมะเพเพอโพ เด๋อ งย๊าเค เต๊เห่ อา โอ่ เนอ เบ่เบ่, แว เมน๊อ เร๊อ เตอเจ๋อ โต่. หม่าแน๊เรอ อู ปื่อ แว เด๊อ วีเยรูซาเล็ม อากู เร๊อ อู เด๊อะตาแก แว เด๊อ โรมัน เต๊เห่ อา กู๊ยากู.
แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.
เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”
แกแย เตเพรเพร อา พย๊าหนิ ลอ เจ๊อ เห่ขุต๊าบ่า เตดุแหย่แถ่เซ เต๊เห่ เจ๊อ ตื๊อดื่อเรอ อา เก่ แลจุแก อา ซิปล่อตูจูเพรเออ เฮ๊เนอ อาบุ๊ย เด๊อ ลูเง ฮู๊เต? แกแย เด๊อ อา ซิหยื่อ หนิเบ่ กาคยา คยาแซ๊ อา ซิปล่อเซอ ตูจูเพร เออ เตเพรเพรเนอ, เตดุแหย่แถ่เซ เด๊อ อา เก่ อิพรีเบ๊ เน๊อ อา ซิปล่อเซอเพร เออเนอ อา โอ่ เตอเจ๋อ โต่.
หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่.
ကြော်ငြာတွေ