ꤚꤥꤗꤢꤩ꤬ 2:6 - ลีเทส่อพ๊าอาเซ เร๊อ เห่ขุทวาลู๊

⁶ จอแปแหร่ เก่ เด๊อ อู เตเมหนิคว๊าเก่ ปว๋า เตเพร ฮู๊ อู โอ่เซอเพร เมโทเฮ๊อ เตเนอ เต๊เห่ ปา.

Eastern Kayah Shadaw Dialect

⁶ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤢꤨ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤨ ꤢꤨ꤭ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯

ꤚꤥꤗꤢꤩ꤬ 2:6 ပူးပေါင်းရင်းမြစ်များ

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

เตเด๊อะโลแถ่ 2:23

แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

ꤚꤥꤗꤢꤩ꤬ 14:22

เต เออเต๊เห่เนอ, เน หยื่อเอ่ อา ฮู๊เต เบ่เบ่, โห่โห๋ แด่โอ่ เนอ, เนเหน่ เร๊อดื่อ เร๊อ จอแปแหร่ เก่ ซิเง หม่า โป่เฮ๊อ. แกแย เตเพร เก่ ซิเง เร๊อ อา เม เตเออเนอหม่า อา โตแพ๊, เร๊อ อา เมโทเร๊อ เด๊อ อา ซิปล่อกู เนอ, โมโม๋ อา โม แพ๊, เร๊อ อาซิปล่อ เร๊อดื่อ เก่ เจแม๊ ลู โต่ เฮ๊เนอ, อา พย๊าหนิ เตบุ๊ยเตเตอเรอ เฮ๊อ.

โครินธ์ เนอบ่า ต๊าบ่า 11:15

ฮู๊เนอเรอ, โลเน๊มู๊แหม่รีแจ่ กู่กล๊อ อาหลู่เล๊ เต๊เห่ กลว่า แลโฮแจ่ แซ่เกอ อาเหน่ ฮู๊ จอแปแหร่ อาหลู่เล๊ เด๊อ อาจ๊ออาเต เต๊เห่ เนอหม่า เหล่คย๊ายื๊อ เน๊อ เตอเจ๋อ โต่. เด๊อ คยาตื๊อดื่อ ปา, ฮู๊ เหย่ซี เมซื๊อ โทเฮ๊อเนอ, เหย่ซี เก่ ข่าเบ่ เมจากาคยาแกฮู๊ อา โต เร๊อ เหย่ซี เนอ ปา.

ทิโมธี เนอบ่า ต๊าบ่า 4:14

เพรดา ตีลี คูอเล็กซานเดอร์ เนอเตเพร หม่า, อา เม มู๊แหม่รีแจ่ แหน่เจ๊อ แว เจ๊อ. ล๊อ อา เมโทเฮ๊อ แว เต๊เห่เนอ แบ่เจ่ เก่ เมจากาคยา เกอลาติ ดื่อ ลู ฮู๊เนอ ปา.