ꤚꤥꤗꤢꤩ꤬ 2:3 - ลีเทส่อพ๊าอาเซ เร๊อ เห่ขุทวาลู๊

³ หม่าแน๊เรอ โคแบ๊ซว๊า, แกแย เม เตซื๊อ ฮู๊เนอ เต๊เห่เนอ, เน จว๊า เป๊อเจ่ออิแช๊หนิ อู เมเต? เน แหน่แบ่เจ่ เร๊อดื่อ เร๊อ เน เม เตซื๊อ แซ่เน๊อ เหย่ซี เนอ แพ๊แพ๊. ฮู๊เนอเรอ, เน เตเน เกอเร๊อ เนเหน่ เร๊อ เน เก่ แลเปล๊ เร๊อ จอแปแหร่ อา เตเมจากาคยา ปา ฮู๊เนอ แอ?

Eastern Kayah Shadaw Dialect

³ ꤗꤢ꤬ꤔꤢꤧꤚꤣꤧ꤬ ꤋꤥ꤭ꤙꤢꤧꤞꤝꤢ, ꤊꤣꤧ꤬ꤛꤢꤧ꤭ ꤗꤢꤩ꤬ ꤒꤢꤩ꤬ꤞꤢꤦ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ꤬ ꤡꤝꤢ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤚꤣꤧ ꤢꤨ꤭ ꤗꤢꤩ꤬ꤒꤢꤩ꤭? ꤔꤢꤧ꤬ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤚꤣꤧ꤬ ꤔꤢꤧ꤬ ꤗꤢꤩ꤬ ꤒꤢꤩ꤬ꤞꤢꤦ ꤞꤢꤧꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ ꤖꤢꤧꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬, ꤔꤢꤧ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤔꤢꤧ꤬ꤔ꤫ꤢꤩ꤬ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤜꤣꤧ꤬ꤕꤜꤢꤩ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤕꤢ꤭ ꤟꤢꤨꤔꤣꤧ꤬ ꤟꤢꤧ꤭?

ꤚꤥꤗꤢꤩ꤬ 2:3 ပူးပေါင်းရင်းမြစ်များ

ꤚꤥꤗꤢꤩ꤬ 1:32

จอแปแหร่ อา เตซว๊าเตแส่ เฮ๊ เร๊อ แกแย เด๊อ อา โอ่เซอเพร ฮู๊เนอ เต๊เห่ หม่า อา โตเซอ เนอ, อา ซิเง แพ๊ หม่าแน๊เรอ อา เม แฮเง ตื๊อดื่อดื่อโป่ แพ๊. โท๊โต่ อู เก่ เมเกอ ฮู๊เนอ เฮ๊เรอ เหย่ซี ซิปล่อโม แลแค แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:3

เบ๊อะอู เฮ๊ เน๊อ, “เก่โส่เก่เคร เฮ๊อ, เตเบ่ยอเบ่สี่ โอ่ ปา โต่เฮ๊อ” อู เฮ๊ เฮ๊อ ฮู๊เออ เบ๊อะเนอ, เตปย๊าเตหลู่ เก่ แฮโตคย๊า เป่ เหย่ซี แซ่เน๊อ เพรเหมาะ พู๊โอ่ฮ๊อเช เนอปา เร๊อ เหย่ซี แลเปล๊เบ๊ เตเพร่ว โต่ ปา.

ꤜꤢꤨꤊꤢ꤬ 12:14

เร๊อ เหย่ซู่ เฮ๊ฉื่อ อา เน๊อ, “หม่า อูเป แด่แถ่ แว เร๊อ แว ทวา เป่ ซี เพรเฮ๊เบ่เมโตเต, หม่าโต่เรอ เพร เฮ๊เบ่ เป่ ซี อู่เจเต๊เหย่ เด๊อ ซี ซิเนอ อาเปล่กู เนอ เป.”

ꤜꤢꤨꤊꤢ꤬ 22:58

โอ่โป่ เตอเปลอฮู๊เนอ, เพรคู เด๊อ อาโรเตเพร แม๊เถอะ อา เร๊อ อา เฮ๊ ลู เน๊อ, “เน หม่า ตู๊หมู่จือ แพ๊ เร๊อ เหย่ซี แกแย เนอเต๊เห่ แพ๊ ว๋า!” หม่าแน๊เรอ คูเปโตร เฮ๊ฉื่อ ลู เน๊อ, “คูเพ, แว หม่าน๊อโต่.”

มัทธิว 26:53

แซ่ฮู๊ เตเน่วม๊อขุพู๊ เต๊เห่ เก่ แฮแล เตเกบี๊เกอเร๊อ แว อาเงเนอ, แว เก่ กุย แวเพ เด๊อ อา เก่ นอกี๊ตา เหย่ซี เกลอฮู๊หมู่ดุ เช๊อเนอหมู่ เฮ๊เนอ, แวเพ เด๊อะตา โตโพ๊ เด๊อะตา เจ๊อ แว หม่า อา หนิ เจ๊อ เจ๊อเนอหม่า ซี ซิเงโต่ แอ?

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤜꤢꤨꤊꤢ꤬ 22:60

หม่าแน๊เรอ คูเปโตร เฮ๊ฉื่อ ลู เน๊อ, “คูเพ๋, เน เฮ๊แคร๋ อิเต เนอ, แว ซิเง โต่!” เบ๊อะอา เฮ๊เบ่ ปาแพ๊ ฮู๊เออ เบ๊อะเนอเนอ เร๊อ ชาเพ อี๊อู่แถ่.

ꤚꤥꤗꤢꤩ꤬ 2:1

โคแบ๊ซว๊า, เน เก่ เฮ๊ อู เน๊อ, “เหย่ซี เนอหม่า แกแย แร๊โต่,” หม่าแน๊เรอ เน หม่า แกแย แร๊โต่ แซ่เน๊อ เหย่ซีซี แพ๊. เน เฮ๊ แลเปล๊หนิ เนเหน่ หม่า อาหนิ โต่. เบ๊อะเน เฮ๊ เร๊อ เหย่ซี หม่า แกแยจา เร๊อ จอแปแหร่ โตเบ่ เมจากาคยา เหย่ซี เบ๊อะเนอ, เน เมจากาคยา เกอเร๊อดื่อ เฮ๊อ เนเหน่, เมเตเฮ๊เรอ เน เร๊อ เน เม แซ่เกอ ฮู๊เนอเนอ แพ๊.

ꤚꤥꤗꤢꤩ꤬ 2:2

เป ซิเง เร๊อ จอแปแหร่ เมจากาคยา จ๊อเต แพ๊ แกแย เด๊อ อา เม เตซื๊อ ฮู๊เนอเต๊เห่ แพ๊,

ꤚꤥꤗꤢꤩ꤬ 9:20

หม่าแน๊เรอ แว เก่ เฮ๊ เน เน๊อ, เน หม่า แกแยเห่ขุพู๊แพ๊. เน โหล่เฮ๊ เป๊อเจ่อ กาคยาฉื่อ จอแปแหร่ ฮู๊เนอโต่. ปอเห่ เตเมเนอ, เก่ อา เฮ๊ กาคยาฉื่อ เพรแบ๊ลู เออเตเพร เน๊อ, “เน จว๊าแบ๊ แว ฮู๊เออ เมเต?” อา เฮ๊ กาคยาฉื่อ ฮู๊เออ เนอหม่า อาหนิ โต่.