ꤚꤥꤗꤢꤩ꤬ 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ เบ๊อะจอแปแหร่ เด๊อะตา อา เตโพรเตเตอเรอ ฉว่าชอ เด๊อ เหย่ซู่ครี๊ เก่ เมจากาคยา อู ล๋อ ปลี ปา เตอเนอเนอ, อา เก่ แซ่ เกอดื่อ ฮู๊เนอ ปา. เบ๊อะเนออาเคปา, ล๋อ แกแย อา เหล่เตเน ด๊อโอ๊ด๊อบี๊ เต๊เห่เนอ, จอแปแหร่ เก่ เมจากาคยา ลอ เหย่ซี อาเตด๊อโอ๊ด๊อบี๊ เนอเต๊เห่ ปา. เออ หม่า เตซิครือมีลา เด๊อ แว โด่แน เป่ อู เออเนอเฮ๊อ.

Eastern Kayah Shadaw Dialect

¹⁶ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤘꤣꤧꤡꤢ꤭ ꤢꤨ꤭ ꤜꤢꤪ꤭꤮ ꤕꤜꤤ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤢꤧ ꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ ꤕꤢ꤭꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ꤕꤢ꤭, ꤜꤢꤪ꤭ ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤘꤢꤪꤥꤘꤢꤪꤙꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤘꤢꤪꤥꤘꤢꤪꤙꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤣꤧ꤭ꤗꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 2:16 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

เพรโด่แนพู๊ เต๊เห่ 17:31

เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”

เพรโด่แนพู๊ เต๊เห่ 10:42

เร๊อ อา เฮ๊แก โป่ เป เร๊อ เป เก่ จว๊า แด๊โฉ่โด่แน เป่ อู เร๊อ เตซิครือซิลอมีลา, โทเรอ เป เก่ จว๊า ข่าเฮ๊โล เป่ อู เร๊อ อา หม่า แกแย เตเพร เด๊อ จอแปแหร่ นว๊าแถ่ ลู เร๊อ อา หม่า อา เก่ ทวา เป่แกแย เซอเพร เต๊เห่ เร๊อ แกแยเซอ เต๊เห่ อา เพร เมจากาคยา ปา.

ꤜꤢꤨꤊꤢ꤬ 8:17

เตปว๋า เต๊อเจ่อ เด๊อ อู แด่โอ๊ อา เต๊เห่เนอ, จอแปแหร่ อา เด๊อะโอ่โลเถ่ อา ปา. เร๊อ เตปว๋า เต๊อเจ่อ เด๊อ อู เมบี๊ อาเนอ, จอแปแหร่ อา เด๊อซิเง เถ่โล อา ปา.

เปโตร อาเหร่อเล๊อ ต๊าบ่า 4:5

หม่าแน๊เรอ เหย่ซี เมโทเฮ๊อ แคร๋ อิเตเนอ, เหย่ซี โตเบ่ กา แด๊โฉ่โลโปล คยาแซ๊ จอแปแหร่ เร๊อ อาเหน่ ปา. จอแปแหร่ โอ่ ตี๊หรี่แตแร หนื่ออื่อ เฮ๊อ อาเหน่ เร๊อ อา เก่ เมจากาคยา แกแย เซอเพร เต๊เห่ เร๊อ แกแยเซอ เออเต๊เห่ เฮ๊อ.

ꤚꤥꤗꤢꤩ꤬ 3:6

เก่ เฮ๊ฮู๊เนอหม่า อา โตโต่. จอแปแหร่ เมเตเออ เก่ อา โตโต่ เฮ๊เรอ อา เก่ เมจากาคยา โต แจ่ แกแย ฮู๊เต ปา?

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

ทิโมธี เนอบ่า ต๊าบ่า 2:8

ซิเหน่แถ่ แลแค เหย่ซู่ครี๊ เด๊อ จอแปแหร่ เมเซอเพร กาคยา อา เด๊อ เตเซอ เออเนอ เตเพร. อา หม่า หม่าเฮ๊อ ดาวิด อากลุยอาแล เฮ๊อ. เตซิครือมีลา เด๊อ แว แด๊โฉ่โด่แน เป่ ซี เออเนอหมา เหย่ซู่ เออ อาหรี่อาแก เฮ๊อ.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

ꤛꤥ꤭ꤟꤢ꤬ 12:48

แกแย เด๊อ อา เคร๊ฉื่อ แว เร๊อ อา พย๊าฉื่อ เกอ แวลาแวโหง่ โต่ เต๊เห่เนอ, เพร เมจากาคยา เหย่ซี อา โอ่ เตเพร. ม๊อเนอม๊อเซ เด๊ออาโน่เล๊อ เบ๊อะเนอปา เนอ, โหง่ เด๊อ แว เฮ๊เบ่ เออเต๊เห่ เก่ ทวา เหย่ซี เพรเมจากาคยา เต ปา.

ꤟꤤꤙꤚꤢꤨ 9:27

แกแย ปว๋า เตเพร เบ่ เซอ แพ๊ โตโพ๊แพ๊. เร๊อ อา เซอโท ปาเนอ, จอแปแหร่ เก่ เมจากาคยา เหย่ซี ปา.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

ꤚꤥꤗꤢꤩ꤬ 2:5

เมเตเฮ๊เรอ เน หม่า แกแย กู่กล๊อเพรอซิปล่อชอ แหน่เจ๊อ เตเพร, ฮู๊เนอเรอ ช๋า จอแปแหร่ ซิปล่อดุ เร๊อ อา เก่ เมจากาคยา เต จ๊อจ๊อเตเต โอ่โลแถ่เฮ๊อ ปา เบ๊อะเนอ, อา เก่ ซิปล่อ ดุเล๊อ เน ปา. เร๊อ อา เก่ เมจากาคยา จาเล๊อ เน ปา.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

เห่ขุทวาลู่ 18:25

เน โตเบ่ เมเซอ เต่อ เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ โต่. เน เก่ เม ฮู๊เออ เฮ๊หม่า, เน เมจากาคยา แซ่แก เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ เฮ๊อ, เนเม ฮู๊เนอ แตแค๋ โต่. เน หม่า เพร เด๊อ อา เมจากาคยา จ๊อเต เด๊อ เห่ขุ ซีบ่า ลอ อาขว่าอาคยา, เน เบ่ เมโตเมเบ่ แหน่ แพ๊.”

ꤊꤢ꤬ꤜꤢ꤬ꤒꤤ 1:11

โป่แหว่ ซี, แว ซิหยื่อ นอซิเงเกอ ซี เร๊อ เตซิครือมีลา เด๊อ แว แด๊โฉ่โด่แน เป่ ซี เออเนอ. เตซิครือมีลา เออเนอหมา แกแยเห่ขุพู๊ เมทวาแถ่ อา หม่าโต่.

โครินธ์ อาเหร่อเล๊อ ต๊าบ่า 15:1

แว โคแบ๊ซว๊า ซี, กู๊แหน่เรอ แว ซิหยื่อ เด๊อะ ซิเหน่แถ่เบ่ คยาแซ๊ ซี เร๊อ เตซิครือ อาหรี่อาแก เด๊อ แว แด๊โฉ่โด่แน เป่ โทเฮ๊อ ซี เร๊อ ซี พย๊าหนิ โทเฮ๊อ เร๊อ ซี แด่ฉว่าแด่ชอ แถ่เฮ๊อ ซี เตหยื่อเตแหน่ เด๊อ อาลู เออเนอ อาหรี่อาแก แพ๊.