ꤚꤥꤗꤢꤩ꤬ 16:3 - ลีเทส่อพ๊าอาเซ เร๊อ เห่ขุทวาลู๊

³ แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

Eastern Kayah Shadaw Dialect

³ ꤠꤢꤧ꤭ ꤞꤢꤨ꤭ꤡꤝꤢ ꤔ꤫ꤤ꤬ꤊꤣꤧ꤭ ꤠꤢꤧ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ ꤘꤣ ꤖꤢꤩ꤭ꤢ꤬ꤊꤢꤨꤜꤢ ꤔꤢꤧ ꤢ꤬ꤗꤢꤩ꤭ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤢ꤬ ꤥ꤬꤯ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤗꤢꤩ꤬ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤠꤢꤧ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤑꤢꤩ꤭꤯

ꤚꤥꤗꤢꤩ꤬ 16:3 ပူးပေါင်းရင်းမြစ်များ

ทิโมธี เนอบ่า ต๊าบ่า 4:19

แว ซูแฮ เป่ แว เตเฮ๊โมเฮ๊แร๊ เออเต๊เห่ เด๊อ โหมะปริสสิลลา, เพอาควิลลา เร๊อ คูโอเนสิโฟรัส อา หี่ด๊อหี่แพพู๊ เต๊เห่ อา โอ่.

โครินธ์ อาเหร่อเล๊อ ต๊าบ่า 16:19

เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ เอเซียเก่กู เออเต๊เห่ ซูแฮ เป่ ซี อาเตเฮ๊โมเฮ๊แร๊ เต๊เห่. เพอาควิลลา เร๊อ อาเม โหมะปริสสิลลา เร๊อ เพรหยื่อเอ่เต ตู๊หมู่ตอกล๊อ เด๊อ อา แฮจ๊อเบ เด๊อ อาหี่ เต๊เห่ ซูแฮ เป่เกอ ซี เหย่ซี อาเต เฮ๊โมเฮ๊แร๊ เด๊อ ครี๊ อากู.

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

โครินธ์ อาเหร่อเล๊อ ต๊าบ่า 16:16

แว โป่แหว่ ซี๋, แว กุยซิยอ ซี๋, แกแย เด๊อ อา ทวา ทวาดุทวาเต แซ่เร๊อ คูสเทฟานัส เร๊อ อาโค เพรเมเต่อ ลู เต เต๊เห่ เฮ๊ ซี เร๊อ หนิดา แลแค เหย่ซี เนอเต๊เห่ อาโหง่ นี๋.

ꤚꤥꤗꤢꤩ꤬ 16:9

แว ซูจว๊าหนิ แว เตเฮ๊โมเฮ๊แร๊ เด๊อ คูอูรบานัส เด๊อ อา เม โหร่เกอ ครี๊ อา เตเอ่เตแร เร๊อ แว เออเนอ เตเพร เร๊อ แว โคแบ๊ซว๊าโม คูสทาคิส อา โอ่.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤚꤥꤗꤢꤩ꤬ 16:4

อา ซิเง เร๊อ อู เก่ เมเซอ เจ๊อ เหย่ซี หม่าแน๊เรอ อา ข่าเซอข่าโอ่ เจ๊อ แลแค อาเหน่, เร๊อ อา เมแลเปล๊กา โทเฮ๊อ แว หนิ. อา เมบุ๊ยเมเตอเรอ ตื๊อ แว หม่าโต่, อา เมบุ๊ยเมเตอเรอ เป่เกอ ลอดื่อ ล๋อ เพรหยื่อเอ่เต ตู๊หมู่ตอกล๊อ เด๊อ อา ทวา แกแยยิวพู๊ หม่าโต่ เนอเต๊เห่ อาขว่าอาคยา, เป เฮ๊บุ๊ยเฮ๊เตอเรอ หนิ เหย่ซี.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 16:10

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูอาเป็ลเลส อา โอ่ เนอ นี๋. อา หม่าเพรแรเต เด๊อ อา ป่อเต่อ แม๊เถอะเบ่ น๊อ โทเฮ๊อ เตเมจาเมจือ เต๊เห่ เร๊อ อา ซิปล่อปย๊า เกออู โต่ เตเพร ขว่าคยา, แกแย เด๊อ เหล่ซิเลหนิ แหน่เจ๊อ อา เตเพรเจ๊อ. ซูจว๊าหนิ เป่เกอ แว เตเฮ๊โมเฮ๊แร๊ เออเนอ เด๊อ คูอาริสโทบูลูส เร๊อ อา หี่ด๊อหี่แพพู๊ เนอเต๊เห่ อา โอ่ นี๋.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

ꤊꤢ꤬ꤜꤢ꤬ꤒꤤ 1:22

เบ๊อะเนออาเค, เพรหยื่อเอ่เออ ตู๊หมู่ตอกล๊อ เด๊อ ยูดาห์ เก่กู เนอเต๊เห่ ซิเงแต่ล๋าย แว โต่.

ฟีลิปปี 2:25

แว โตเบ่ นอกาคยา เป่ ซี คูเอปาโฟรดิทัส เด๊อ ซี โอ่ แว เตเน ฮู๊เนอ. อา หม่า แว โป่แหว่ เตเพร, อา หม่า แกแย เด๊อ อา เมเต่อ โทเฮ๊อ เต เร๊อ แว เร๊อ อา ช๊า โหร่เต่อเกอ โทเฮ๊อ เต เร๊อ แว เฮ๊อ. อา หม่า แกแย เด๊อ อา ซู เป่ ซี ลี เนอเตเพร เฮ๊อ เร๊อ แซ่ฮู๊ อา เก่ เมจว่า เป่ แว เตโหล่ เต๊เห่เนอ เร๊อ ซี นอแฮ ลู เด๊อ แว โอ่ เนอเตเพร เฮ๊อ.

โคโลสี 4:11

คูเหย่ซู่ เด๊อ อู เอ๊ อา เร๊อ คูยุสทัส เออเตเพร ซูแลเกอ อา เตเฮ๊โมเฮ๊แร๊ เด๊อ ซี โอ่โอ่. แกแยยิวพู๊ เด๊อ อา หยื่อเอ่ ครี๊ เต๊เห่ อาเกลเนอ, เพร เด๊อ อา เมโหร่ เกอ เต เร๊อ แว เด๊อ จอแปแหร่ อาเทออาเก่ อาเงเนอ หม่า อา โอ่แพ๊ ซิโซโซ๋ แพ๊. เหย่ซี หม่า อา เมโม แหน่เจ๊อ แว ซิปล่อ.