ꤚꤥꤗꤢꤩ꤬ 16:25 - ลีเทส่อพ๊าอาเซ เร๊อ เห่ขุทวาลู๊

²⁵ เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

Eastern Kayah Shadaw Dialect

²⁵ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤏꤢꤪ꤭ꤓꤢꤧ꤬ꤙꤢꤩ ꤕ꤫ꤢꤩ꤬ ꤟꤣꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤢ꤬ ꤕꤥ꤮꤯ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬, ꤢꤨ꤭ ꤘꤢꤧ꤬ꤥꤘꤢꤧ꤬ꤙꤤ ꤢ꤬ ꤑꤢ꤭ꤜꤥ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢꤨ꤭ ꤘꤣꤧꤜꤥ꤭ ꤓꤢꤧ꤬ꤟꤣꤧ ꤢ꤬ ꤟꤣꤧ꤯

ꤚꤥꤗꤢꤩ꤬ 16:25 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

ꤚꤥꤗꤢꤩ꤬ 2:16

เบ๊อะจอแปแหร่ เด๊อะตา อา เตโพรเตเตอเรอ ฉว่าชอ เด๊อ เหย่ซู่ครี๊ เก่ เมจากาคยา อู ล๋อ ปลี ปา เตอเนอเนอ, อา เก่ แซ่ เกอดื่อ ฮู๊เนอ ปา. เบ๊อะเนออาเคปา, ล๋อ แกแย อา เหล่เตเน ด๊อโอ๊ด๊อบี๊ เต๊เห่เนอ, จอแปแหร่ เก่ เมจากาคยา ลอ เหย่ซี อาเตด๊อโอ๊ด๊อบี๊ เนอเต๊เห่ ปา. เออ หม่า เตซิครือมีลา เด๊อ แว โด่แน เป่ อู เออเนอเฮ๊อ.

เอเฟซัส 1:9

เร๊อ อา เด๊อะโล เฮ๊อ เป เร๊อ อา เตตี๊หรี่โห่ เต๊หรี่เซ๊ เออเนอเฮ๊อ. อา แด่แล โทเฮ๊อ อาซิปล่อ เด๊อ อา เก่ เมเล๊อเมบาแถ่ อา เตเต๊หรี่โห่ เต๊หรี่เซ๊ เออเนอ เร๊อ ครี๊ เฮ๊อ. เออ หม่า หม่าเฮ๊อ เด๊อ อา ซิหยื่อ เด๊อะโล เป่ เป เร๊อ อา เตเต๊หรี่โห่ เต๊หรี่เซ๊ เออเนอเฮ๊อ.

เธสะโลนิกา เนอบ่า ต๊าบ่า 2:14

เด๊อ เป แด๊โฉ่ เป่ ซี เตซิครือมีลา เออ ขว่าคยาเร๊อ, จอแปแหร่ เอ๊ เฮ๊อ ซี ฮู๊เนอ เฮ๊อ. เมเตเฮ๊เรอ แซ่ฮู๊ ซี เก่ พย๊าหนิ เกอ แบ่เจ่ เหย่ซู่ครี๊ อา เตเตอเรอดุเตอเรอทู เร๊อ อา เอ๊ เฮ๊อ ซี เฮ๊อ.

โครินธ์ เนอบ่า ต๊าบ่า 4:3

เมเตเฮ๊เรอ, เตซิครือมีลา เด๊อ เป โด่แนแด๊โฉ่ เป่ อู เออเนอ, อา เก่ โอ่โอ๊โอ่บี๊ เฮ๊เนอหม่า, อา โอ่โอ๊โอ่บี๊ เป่ แพ๊ แกแย เด๊อ อา เก่ โต่เด๊อ เตปย๊าเตหลู่ เตเซอเตเหม่ เต๊เห่ อาเง แพ๊.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ทิโมธี เนอบ่า ต๊าบ่า 2:8

ซิเหน่แถ่ แลแค เหย่ซู่ครี๊ เด๊อ จอแปแหร่ เมเซอเพร กาคยา อา เด๊อ เตเซอ เออเนอ เตเพร. อา หม่า หม่าเฮ๊อ ดาวิด อากลุยอาแล เฮ๊อ. เตซิครือมีลา เด๊อ แว แด๊โฉ่โด่แน เป่ ซี เออเนอหมา เหย่ซู่ เออ อาหรี่อาแก เฮ๊อ.

เธสะโลนิกา เนอบ่า ต๊าบ่า 3:3

หม่าแน๊เรอ แบ่เจ่ เออเนอ อาจ๊อ เร๊อ อาโหง่ เร๊อ อา เก่ เด๊อะฉว่าแถ่ ซี ซิปล่อ อาอ๊าอาเหร่ ปา, เร๊อ อา เก่ ตอกอเตเก ตาตือ เปเร๊อ ซี เร๊อ แกแยมู๊แหม่ เนอเตเพร ปา.

เอเฟซัส 6:19

แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.

ꤊꤢ꤬ꤜꤢ꤬ꤒꤤ 2:2

จอแปแหร่ เด๊อะโลแถ่ แว เนอ แว โตเบ่ จว๊า เบ๊อะเนอ อาขว่าอาคยาเร๊อ, แว จว๊า แพ๊. เบ๊อะแว โอ่ เบ๊อะเนอ อาเค, แว แม๊เถอะโห่หนิ เร๊อ แกแย เด๊อ อู แด่ เหย่ซี เร๊อ เพรหยื่อเอ่ตู๊หมู่ตอกล๊อ ทวาดุทวาเต เต๊เห่ เร๊อ แว เฮ๊โฉ่โปลหนิ เป่ เหย่ซี เร๊อ เตซิครือมีลา ฮู๊ แว แด๊โฉ่โด่แน เป่ อู ปว๋า โพ๊ เด๊อ แกแยยิวพู๊ หม่าโต่ เต๊เห่ อาเกล เนอแพ๊. แว เตเฮ๊โฉ่โด่แน เด๊อ อา ตาลว๊าแก โทเนอ เต๊เห่ เบ่เบ่, กู๊แหน่เออ เต๊เห่เนอ เบ่เบ่, แว ซิหยื่อ นอทวาแถ่ แกเด โต่.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

เพรโด่แนพู๊ เต๊เห่ 20:32

“กู๊แหน่เออ, แว เด๊อะตาแก ซี เด๊อ จอแปแหร่ อา เตแม๊เตตู่ อากู เร๊อ อาบุ๊ยดุอาเตอเรอทู อา เตหรี่เตแก เออเนอ อากู เฮ๊อ. อา เตหรี่เตแก เออเนอ อา เมดุแถ่ทูแถ่ แจ่ ซี เร๊อ อา เก่ เด๊อะ ซี อู่เจเต๊เหย่ เด๊อ อา เบ่ดว๊า หนื่ออื่อ เป่ เร๊อ อา แกแยหยื่อเอ่ ล๋อ ปลี เออเต๊เห่ อาเง เนอ ปา.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

มัทธิว 13:35

เมฮู๊เนอเรอ เออ หม่า อา แฮโต ฮู๊ จอแปแหร่ เฮ๊หนื่ออื่อ เพรโพร เร๊อ อา เฮ๊ เน๊อ, “แว เก่ เฮ๊เบ่ อู เร๊อ โหง่ค๊าโข่ เต๊เห่ ปา, แว เก่ แด๊โฉ่โล เป่ เหย่ซี เร๊อ เต เด๊อ อู ด๊อโอ๊ด๊อบี๊ อา เด๊อ เห่ขุ ทวาลู่ปา เนอเต๊เห่ ปา.”

มัทธิว 13:17

เมเตเฮ๊เรอ, แว เฮ๊จ๊อจ๊อ ซี, เพรโพร โอ่โหร่เอ๊ เน๊อ แกแยจ๊อแกแยเต โอ่โหร่เอ๊ ซีเต๊เห่ เหย่ซี ซิหยื่อ แม๊เถอะเกอ แลแค เต เด๊อ ซี แม๊เถอะ ตื๊อดื่อเรอ เหย่ซี แม๊เถอะน๊อ เกออู โต่. โท๊โต่ เหย่ซี ซิหยื่อ หนิโฮเกอ แลแค เต เด๊อ ซี หนิโฮ ตื๊อดื่อเรอ เหย่ซี หนิโฮน๊อ เกออู โต่.

เปโตร อาเหร่อเล๊อ ต๊าบ่า 1:20

เบ๊อะจอแปแหร่ แบ๊ทวาแล แต่ล๋าย เห่ขุ โต่ เบ๊อะเนอ, อา นว๊าแถ่ หนื่ออื่อโทเฮ๊อ ครี๊ เออเฮ๊อ. หม่าแน๊เรอ ม๊อเนอม๊อเซ เด๊อ คยา ตื๊อดื่อ อา หม่าเฮ๊อ กู๊แหน่เค เออเต๊เห่เนอ, จอแปแหร่ เด๊อะโล เป่เฮ๊อ ซี เร๊อ ครี๊ เฮ๊อ.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

เอเฟซัส 3:11

จอแปแหร่ แด่แล โทเฮ๊อ อาซิปล่อ เด๊อ อา เก่ เม ฮู๊เออ เนอหม่า เด๊อ อา แบ๊แล แต่ล๋าย เห่ขุโต่ เนอ ปา เจ๊อ. กู๊แหน่เออ เด๊อ เป แบ่เจ่ เหย่ซู่ครี๊ เมปลื๊อเมโทแก เป่ ลอเฮ๊อ เป อาขว่าอาคยา, จอแปแหร่ เมเล๊อเมบา เป่เฮ๊อ อา เตตี๊หรี่ หนื่ออื่อ เออเนอเฮ๊อ.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

ꤚꤥꤗꤢꤩ꤬ 14:4

เน จว๊า แด่ เตซื๊อ โต่ เจ๊อ อู เพรแรเต เร๊อ หม่า เน หม่า แกแย ฮู๊เต เตเพร เจ๊อ? อา เม ทวาแถ่ อาเตเม เบ่เบ่, อา เม ทวาแถ่ โต่ เบ่เบ่, อาแบ่เจ่ โอ่ดื่อ เฮ๊อ, เร๊อ อา เก่ เฮ๊ เกอเร๊อดื่อ ลู ปา กอกอ, เมเตเฮ๊เรอ แบ่เจ่ จอแปแหร่ เออเนอ, อา เมจว่า เบ๊แจ่ เป่ เหย่ซี อาขว่าอาคยา, เหย่ซี เก่ เมทวาแถ่เบ๊ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤚꤥꤗꤢꤩ꤬ 16:24

เป แบ่เจ่ เหย่ซู่ครี๊ อาบุ๊ยอาเตอเรอ เก่ โอ่ เกอดื่อ เร๊อ ซี ล๋อ ปลี นี๋. อาเมน.

โคโลสี 2:2

แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

เตเด๊อะโลแถ่ 10:7

ช๋า เตเน่วพู๊ อาเพร โซซว๊าเตเพร เออเตเพร เก่ โอ๊แถ่ อากวา เบ๊อะเนอปาเนอ, จอแปแหร่ เก่ เมเล๊อบาแถ่ อาเต ตี๊หรี่แตแร หนื่ออื่อ เตอาจ่ออาแย ฮู๊ อา แด๊โฉ่ โทเฮ๊อ อาหลู่เล๊ เพรโพร เต๊เห่ เนอ ปา.”

มัทธิว 20:7

“เร๊อ เหย่ซี เฮ๊ฉื่อ ลู เน๊อ, ‘เพรแด่เก่ แฮเกอ เป อา โอ่ เตเพร๋ โต่.’ “เร๊อ อา เฮ๊ เหย่ซี เน๊อ, ‘แฮเม เกอ แลแค เด๊อ แว แท๊ทือเผ่ขุ เนอ’