ꤚꤥꤗꤢꤩ꤬ 16:10 - ลีเทส่อพ๊าอาเซ เร๊อ เห่ขุทวาลู๊

¹⁰ ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูอาเป็ลเลส อา โอ่ เนอ นี๋. อา หม่าเพรแรเต เด๊อ อา ป่อเต่อ แม๊เถอะเบ่ น๊อ โทเฮ๊อ เตเมจาเมจือ เต๊เห่ เร๊อ อา ซิปล่อปย๊า เกออู โต่ เตเพร ขว่าคยา, แกแย เด๊อ เหล่ซิเลหนิ แหน่เจ๊อ อา เตเพรเจ๊อ. ซูจว๊าหนิ เป่เกอ แว เตเฮ๊โมเฮ๊แร๊ เออเนอ เด๊อ คูอาริสโทบูลูส เร๊อ อา หี่ด๊อหี่แพพู๊ เนอเต๊เห่ อา โอ่ นี๋.

Eastern Kayah Shadaw Dialect

¹⁰ ꤞꤢꤨ꤭ꤡꤝꤢꤚꤣꤧ ꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤘꤣ ꤋꤢꤨ꤭ꤢ꤬ꤕꤢꤩ꤬ꤜꤢꤩ꤬ ꤢ꤬ ꤥ꤬ ꤔꤣꤧ꤬ ꤔꤤ꤮꤯ ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤕ꤫ꤢꤪ꤬ꤞꤤꤒꤣ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤪ ꤓꤥ꤭ꤟꤣꤧ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤕꤛꤢ ꤊꤣꤧ꤭ꤢꤨ꤭ ꤒꤥ꤬ ꤒꤣ꤬ꤖꤚꤢꤩ꤬ ꤋꤝꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤜ꤫ꤢꤩ꤬ꤞꤤꤜꤢꤩ꤬ꤚꤣꤧ ꤔꤢꤧ꤬ꤡꤣꤧ ꤢ꤬ ꤒꤣ꤬ꤖꤚꤢꤩ꤬ꤡꤣꤧ꤯ ꤞꤢꤨ꤭ꤡꤝꤢꤚꤣꤧ ꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤔꤣꤧ꤬ ꤘꤣ ꤋꤢꤨ꤭ꤢ꤬ꤚꤤꤎꤢ꤬ꤒꤢꤪꤙꤢꤨꤜꤢꤨ ꤔꤢꤧ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤔꤤ꤮꤯

ꤚꤥꤗꤢꤩ꤬ 16:10 ပူးပေါင်းရင်းမြစ်များ

ꤚꤥꤗꤢꤩ꤬ 14:18

แกแย เด๊อ อา โอ่เซอเพร ครวาเกอ ฮู๊เนอ เต๊เห่, เร๊อ อา เม ครี๊ อา เตเอ่เตแร เต๊เห่เนอ, จอแปแหร่ เบ่เบ่ แกแยเห่ขุพู๊ เบ่เบ่ อาซิปล่อ โอ่หนิ เฮ๊อ ลู เฮ๊อ.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

ทิโมธี อาเหร่อเล๊อ ต๊าบ่า 3:10

อู โตเบ่ เจแม๊เหร่อ เหย่ซี. เหย่ซี เก่ ข่าเบ๊ เตเจแม๊เออ, โทเรอ อู เหล่แด่ ลู เตซื๊อ เก่ โอ่โต่ เฮ๊เรอ ปลวาเมเนอ เหย่ซี เน๊อ เพรเมจว่า เตเด๊อ เพรหยื่อเอ่ตู๊หมู่ตอกล๊อ อากูเนอ.

ฟีลิปปี 2:22

ซี ซิเงดื่อเฮ๊อ, คูทิโมธี หม่า แกแย งูดุงูชอ เตเพร. อา เมเต่อเกอ เฮ๊อ เต เร๊อ แว เด๊อ เตซิครือมีลา เก่ ดุแถ่ทูแถ่ อาเง เออเนอหม่า อา แซ่เจ๊อเฮ๊อ เร๊อ พู๊ เร๊อ เพ เนอเฮ๊อ.

โครินธ์ เนอบ่า ต๊าบ่า 8:22

ฮู๊เนอเรอ เป นอแฮ เต่อเกอ โป่ แกแย เด๊อ อาโรเตเพร เร๊อ เป โป่แหว่ เออ ซิเนอ. เป แม๊เถอะ ซิเง เร๊อ อา หม่า แกแย เตเพร เด๊อ เหล่หยื่อเอ่หนิ แหน่เจ๊อ อา เด๊อ จอแปแหร่ อา เตเอ่เตแร อากู เตเพร เจ๊อ. กู๊แหน่เรอ อา หยื่อเอ่หนิ แหน่เจ๊อ ซี อาขว่าอาคยา, อา ลื๋อ ซิปล่อฉว่า เมจว่า เล๊อโป่ ปา เจ๊อ ซีซี เจ๊อ.

โครินธ์ เนอบ่า ต๊าบ่า 2:9

แว รา เป่ ซี ลี เด๊อ อาเหร่อเค ต๊าบ่าเนอ หม่า, แว ซิหยื่อ นอเมแย ซี เร๊อ แกแย หนิดา เกออู โหง่ โต่ เนอเตเพร เฮ๊อ. ฮู๊เนอเรอ แว ซิหยื่อ ซิเง ตาเต เร๊อ ซี ครวาเมเกอ ฮู๊ แว อิซว๊าจว๊า ซี เนอ แอ? หม่า ซี ครวาเม โต่ แอ? ฮู๊เนอแพ๊.

โครินธ์ อาเหร่อเล๊อ ต๊าบ่า 11:19

แซ่ฮู๊ อู เก่ แม๊เถอะ ซิเง เร๊อ แกแย เต๊เห่ หม่า อา หยื่อเอ่ หม่า แอ, หม่าโต่ แอ เนอ, ซิปล่อ ลูโค๊ลู เออเนอ อา เบ่ โอ่แถ่ แหน่ แพ๊.

ทิโมธี เนอบ่า ต๊าบ่า 4:19

แว ซูแฮ เป่ แว เตเฮ๊โมเฮ๊แร๊ เออเต๊เห่ เด๊อ โหมะปริสสิลลา, เพอาควิลลา เร๊อ คูโอเนสิโฟรัส อา หี่ด๊อหี่แพพู๊ เต๊เห่ อา โอ่.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

ꤊꤢ꤬ꤜꤢ꤬ꤒꤤ 1:22

เบ๊อะเนออาเค, เพรหยื่อเอ่เออ ตู๊หมู่ตอกล๊อ เด๊อ ยูดาห์ เก่กู เนอเต๊เห่ ซิเงแต่ล๋าย แว โต่.