ꤚꤥꤗꤢꤩ꤬ 15:30 - ลีเทส่อพ๊าอาเซ เร๊อ เห่ขุทวาลู๊

³⁰ โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

Eastern Kayah Shadaw Dialect

³⁰ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤒꤢꤩ꤬ꤗꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤚ꤫ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤠꤢꤧ꤭ ꤕꤢ꤭, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ꤓꤢꤧ꤬ ꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤕ꤫ꤢꤩ꤬ꤊꤣꤧ꤭ ꤘꤣ ꤠꤢꤧ꤭ꤑꤢꤩ꤭ ꤕꤢ꤭ ꤔꤤ꤮꤯

ꤚꤥꤗꤢꤩ꤬ 15:30 ပူးပေါင်းရင်းမြစ်များ

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

โครินธ์ เนอบ่า ต๊าบ่า 1:11

แซ่ฮู๊ จอแปแหร่ เก่ เมแลเปล๊กา เป เร๊อ เตฮู๊เออ เต๊เห่ อาเงเนอ, เป โหล่ เด๊อ ซี เก่ เมจว่าเกอ เป เร๊อ ซี เตกุยจ๊อเบ. แซ่ฮู๊ แกแย เก่ ถู่เซ๊ เฮ๊บุ๊ยเฮ๊เตอเรอแถ่ จอแปแหร่ เอ๊ลา ปา อาเงเนอ, จอแปแหร่ เก่ หนิดา ซี เตกุยจ๊อเบ เต๊เห่ ปา เร๊อ อา เก่ เมแลเปล๊กา เป เด๊อ เตเซอ เร๊อ อาบุ๊ยดุอาเตอเรอทู ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:25

โป่แหว่ ซี, กุยจ๊อเบ โต่ เป่เกอ แลแค เปเง นี๋.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

เธสะโลนิกา เนอบ่า ต๊าบ่า 3:1

เป โป่แหว่ ซี๋, เป ซิหยื่อ เฮ๊โฉ่แก ซี เด๊อ คยา ตื๊อดื่อ เนอ, แซ่ฮู๊ แบ่เจ่ อา เตซิครือมีลา เก่ โลปีชีจว๊า แพรแพร อาเงเนอ, กุยจ๊อเบ เป่ เกอ เด๊อ เปเง นี๋. โท๊โต่ ฮู๊ ซี พย๊าฉื่อ โทเฮ๊อ เตซิครือมีลา เออเนอ เร๊อ เด๊อ เตแด่หยื่อแด่แหน่ อากูเนอ, แซ่ฮู๊ อู เก่ พย๊าฉื่อ แซ่เกอดื่อ ฮู๊ ซี พย๊าฉื่อ เออเนอเนอ, กุยจ๊อเบ เป่ เกอ โป่ แลแค เด๊อ เปเง นี๋.

ฟีลิปปี 2:1

ซี เตโอ่เซอเพร เด๊อ ครี๊ อากู เออเนอหม่า, อา หนิอ๊าหนิเหร่ ช๊าเหล่ ซี แอ? อาเตโม เออเนอหม่า อา เมโม ช๊าเหล่ ซี ซิปล่อ แอ? ซี แบ๊ซว๊าแบ๊โค เกอ ช๊าเหล่ แลแค เนอ แหย่โยบูโพ๊ แบ่เจ่ แอ? ครี๊ เออเตเพร เนอหม่า อา เมแร๊ เกอเร๊อ ซี, อา ซิยอ เกอเร๊อ ช๊าเหล่ ซี แอ?

โคโลสี 2:1

แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

โคโลสี 1:8

อา แด๊โฉ่โล เป่ เป เร๊อ แหย่โยบูโพ๊แบ่เจ่ ถู่แร ซี เด๊อ ซี เก่ โมหนิเร๊อ อู.

เอเฟซัส 6:19

แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.