ꤚꤥꤗꤢꤩ꤬ 15:27 - ลีเทส่อพ๊าอาเซ เร๊อ เห่ขุทวาลู๊

²⁷ เหย่ซี ซิปล่อฉว่า เมลู แหน่เจ๊อ. เก่ เฮ๊หม่าแหน่ เนอ, เหย่ซี โหล่เมจว่า แหน่ แกแยยิวพู๊ เด๊อ อา หยื่อเอ่ กาเกอ เออเนอเต๊เห่ เฮ๊อ. อาแซ่เน๊อ เหย่ซี ฉู่ โอ่เอ๊ เฮ๊อ แกแยยิวพู๊ เออเต๊เห่ เฮ๊อ. เมเตเฮ๊เรอ แกแยยิวพู๊ เออเต๊เห่เนอ อา เด๊อะเอ่ แฮเง เป่เกอโต่ดื่อ เฮ๊อ แกแยยิวพู๊ หม่าโต่ เต๊เห่ เตบุ๊ยเตเตอเรอ เด๊อ แหย่โย ตากยา เต๊เห่ เฮ๊อ ฮู๊เนอเรอ แกแยยิวพู๊ หม่าโต่ เต๊เห่ ฉู่โอ่ แกแยยิวพู๊ เต๊เห่ เน๊อ อา เก่ เบ่ เบเอ่ กาคยา เป่ คยาแซ๊ เหย่ซี เร๊อ เตบุ๊ยเตเตอเรอ หม่าเฮ๊อ รือเท เร๊อ ตาหมื่อตาเต เออเต๊เห่ เฮ๊อ.

Eastern Kayah Shadaw Dialect

²⁷ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤜꤢꤨ꤭ ꤔꤢꤧ꤬ꤡꤣꤧ꤯ ꤊꤢꤩ꤬ ꤟꤢꤩꤔꤤꤔꤢꤧ꤬ ꤚꤣꤧ꤬, ꤛꤢꤩ꤬ꤞꤤ꤭ ꤜ꤫ꤥ꤬ꤗꤢꤩ꤬ꤡꤝ꤫ꤢ꤬ ꤔꤢꤧ꤭ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤢ꤬ꤊꤣꤧ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ꤞꤢꤧꤔꤢꤧ ꤛꤢꤩ꤬ꤞꤤ꤭ ꤔ꤫ꤥ꤬ꤏꤢꤨ꤬ ꤥ꤬ꤢꤩ ꤟꤣꤧ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤘꤣꤧꤢꤩ꤬ ꤕ꤫ꤢꤩ꤬ꤊꤣꤧ꤭ ꤘꤤ꤭ꤒ꤫ꤢꤦ꤬ꤘꤢꤦ꤬ ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤘꤣ ꤛꤢꤩ꤬ꤞꤤ꤭ ꤛ꤫ꤢꤧ꤬ꤛꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔ꤫ꤥ꤬ꤏꤢꤨ꤬ꤥ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤙꤢꤩ꤬ ꤙꤢꤩ꤭ꤢꤩ꤬ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤏꤢꤪ꤭ꤚꤤ꤬ ꤗ꤫ꤢ꤬ꤟꤣꤧ ꤚꤢꤦ꤭ꤓꤢꤩ꤭ ꤔꤢꤧ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 15:27 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 9:11

ฮู๊เนอเฮ๊อ, เป แด๊โฉ่โด่แน เป่ ซี เร๊อ จอแปแหร่ อาลาอาโหง่ เด๊อ อาแซ่เน๊อ แกแย เด๊อ อา เว๊อตา เตกลุยเตลุ๊ย เต๊เห่เนอ เฮ๊อ. เป โต แม๊ชือ เก๊เอ่ เกอเร๊อ คยา ซี เตเมจว่า เด๊อ ซี โอ่ เนอหม่า อา โตแหน่ โต่ แอ?

ꤊꤢ꤬ꤜꤢ꤬ꤒꤤ 6:6

แกแย เด๊อ อา อิซว๊าอี๊แส่ ซี เร๊อ จอแปแหร่ อาลาอาโหง่ เต๊เห่ เนอหม่า, ซี โตเบ่ เด๊อ เป่ เหย่ซี เตตว่าเตแร๊ ปว๋าเต๊อเจ่อ.

ฟีเลโมน 1:19

กู๊แหน่เร๊อ แว หม่าเฮ๊อ คูเปาโล เป๊อแถ่ ราหนิ ลีเออ เร๊อ แว กู๊ขุ เร๊อดื่อเจ๊อ. เก่ อา เมซื๊อ โทเฮ๊อ เน เก่โอ่ เต๊เห่, เก่หม่าโต่เรอ อา โหล่ปล๊า เน เก่โอ่ เต๊เห่ เฮ๊เรอ แด่ อา ฮู๊ แวเนอแวฉู่ เนอ, เร๊อ แว เก่ ปล๊าลี กาคยา คยาแซ๊ ดื่อ เน ปา. หม่าแน๊เรอ เด๊อ แวขว่าแวคยา เนอ, เน พย๊าหนิ เตเซอเพร อาเซ เด๊อ ครี๊ เออ เฮ๊อ อาขว่าอาคยา, เน แหน่แบ่เจ่ เร๊อดื่อ เน โหล่เด๊อ แว เนอ, แว โหล่เด๊อ ซิเงแถ่ปา เด๊อ เน โต่เฮ๊อ.

ꤚꤥꤗꤢꤩ꤬ 11:17

แกแยยิวพู๊ เออเต๊เห่ เนอหม่า อาแซ่เน๊อ อู จว๊า ย๊อเก่แก โต๊โฉ่แพ เด๊อ อู ช๊อแด๊ ลู เด๊อ เตเร๊กู เออเต๊เห่ อาแพ เร๊อ อู จว๊า ย๊อเก่กา เกอลาติ โต๊โฉ่แพ เด๊อ อา แด๊เร๊อดื่อ อาเหน่ เด๊อ หมิเกล เนอเต๊เห่ อาแพ เร๊อ อู กา บ่อทือ จิจือลู. ซี แกแยยิวพู๊ หม่าโต่ เต๊เห่ เนอหม่า อาแซ่เน๊อ โต๊โฉ่เหมาะ เด๊อ อา แด๊ เด๊อ หมิเกล เออเต๊เห่ เนอเฮ๊อ. กู๊แหน่เออ ซี พย๊าหนิ เกอเฮ๊อ เตบุ๊ยเตเตอเรอ เด๊อ จอแปแหร่ เด๊อะบุ๊ยเด๊อะเตอเรอ แกแยยิวพู๊ เพอโพ เด๊อ เนอเค เต๊เห่ เฮ๊อ. ซี พย๊าหนิ แซ่เน๊อ ส่อแพ เออเต๊เห่ จุ๊ยโอ หนิอ๊าหนิเหร่ เกอ ส่อแจเทอ เด๊อ อา โอ่ เด๊อ อาหรุ่ยกู เร๊อ อา แฮ เออเต๊เห่ เนอเฮ๊อ.

มัทธิว 6:12

ปลวาแก เป่เกอ เร๊อ เป เตซื๊อเตโอ่หร่า ฮู๊ เป ปลวาแก โทเฮ๊อ แกแย เด๊อ อา เมซื๊อ เป เต๊เห่ อาเตซื๊อ เนอ นี๋.

ꤚꤥꤗꤢꤩ꤬ 7:14

เป ซิเง เร๊อ จอแปแหร่ อา แหย่โยบูโพ๊ เด๊อะตา เป เตซว๊าเตแส่ เออเต๊เห่ หม่าแน๊เรอ แว หม่า แกแย เห่ขุพู๊ เด๊อ อา เซอแจ่ เตเพร แพ๊. แว หม่า อาแซ่เน๊อ หลู่เล๊ เด๊อ อู อิเช จว๊าแก ลู เน๊อ อา เก่ จว๊าทวา เป่ เตซื๊อเตปล๊า แบ่เจ่ เออเตเพร อาหลู่เล๊ แพ๊.