ꤚꤥꤗꤢꤩ꤬ 15:18 - ลีเทส่อพ๊าอาเซ เร๊อ เห่ขุทวาลู๊

^18-19 เต เด๊ออาโร ซี เต๊เห่เนอ แว เฮ๊เบ่แถ่โล บื่อเกอ เร๊อ อู โต่. แว เฮ๊เบ่แถ่โล บื่อแพ๊ตื๊อ ครี๊ อาเตเม เด๊อ อา เมจว่า แวเออ อาหรี่อาแก แพ๊. เด๊อ แว เฮ๊เบ่ อา อาหรี่อาแก เออ อาขว่าอาคยา, โทเรอ เด๊อ เหย่ซี แม๊เถอะ แว เตเม เต๊เห่, โท๊โต่ เด๊อ แหย่โยบูโพ๊ แบ่เจ่ เด๊อะ แว อาเตโพรเตเตอเรอ เออ เนอ, แว เม โลเป่ เหย่ซี เตโค๊ตีกลี๊ เออเต๊เห่ เน๊อ เตเถ่ตาปา คย๊ายื๊อ เนอเต๊เห่ อาขว่าอาคยา, แว ยูแกล๊ยูโกล เบ๊เป่เฮ๊อ แกแยยิวพู๊ หม่าโต่ เต๊เห่ เด๊อ อา เก่ หนิดา จูเอ่เฮ๊อ จอแปแหร่ เฮ๊อ. เบ๊อะแว เล แด๊โฉ่โด่แน เป่ลอ อู เร๊อ ครี๊ อา เตซิครือมีลา เบ๊อะเนอ, แว จว๊าโน แด๊โฉ่โล เป่ ลอเฮ๊อ อู ปว๋า เตเพร, ปวาตอดอ เด๊อ ดอโอ่ รว๊า วีเยรูซาเล็ม เนอ โต่เด๊อ อิลลีริคุม เก่ เนอเต๊เห่ เฮ๊อ.

Eastern Kayah Shadaw Dialect

^18-19 ꤒꤢꤩ꤬ ꤘꤣ ꤢ꤬ꤚꤥ꤬ꤢ꤬ꤚꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤠꤢꤧ꤭ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤙꤢꤦ꤬ꤊꤣꤧ꤭ ꤔꤢꤧ ꤢꤨ꤭ ꤒꤥ꤬꤯ ꤠꤢꤧ꤭ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤙꤢꤦ꤬ꤖꤢꤧꤒꤢꤦ ꤋꤚꤤ ꤢ꤬ꤒꤢꤩ꤬ꤗꤢꤩ꤬ ꤘꤣ ꤢ꤬ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤖꤢꤧ꤯ ꤘꤣ ꤠꤢꤧ꤭ ꤟꤢꤩꤙꤢꤩ꤬ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤓꤥ꤭ꤚꤣꤧ꤬ ꤘꤣ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤠꤢꤧ꤭ ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧ ꤠꤢꤧ꤭ ꤢ꤬ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ ꤚꤣꤧ꤬, ꤠꤢꤧ꤭ ꤗꤢꤩ꤬ ꤜꤥ꤭ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤢꤩ꤬ꤋꤥꤒꤣꤧ꤬ꤊꤜꤤ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤓꤢꤩ꤬ꤒꤣꤧ꤬ꤕꤢ꤬ ꤋꤛꤢꤛꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤙꤢꤩꤕ꤫ꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤙꤣꤧ ꤠꤢꤧ꤭ ꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤢꤪ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤡꤝꤢꤔꤥ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤪ꤭ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬, ꤕꤝꤢ꤭ꤒꤣ꤬ꤘꤢꤪ꤭ ꤘꤣ ꤘꤢꤪ꤭ꤥ꤬ ꤚꤝꤢ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤔꤣꤧ꤬ ꤒ꤫ꤥ꤬ꤘꤣ ꤤꤜꤢꤨꤚꤤꤋꤢ꤬ꤊ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 15:18 ပူးပေါင်းရင်းမြစ်များ

เพรโด่แนพู๊ เต๊เห่ 15:12

เบ๊อะคูเปาโล เร๊อ คูบารนาบัส อาโอ่ เด๊อ แกแยยิวพู๊ หม่าโต่ เต๊เห่ อาเกล เบ๊อะเนอ, จอแปแหร่ เม เมป่าเหย่ซีซิเนอ เตโค๊ตีกลี๊คยา อา เตเมม๊าเมแด เร๊อ เตเม อาตาปา คย๊ายื๊อ เต๊เห่. เบ๊อะคูเปาโล เร๊อ คูบารนาบัส แด๊โฉ่โล เป่ แกแย แฮโอ่กู๊โอ่แก๊ เออเต๊เห่ เร๊อ เตหรี่เตแก เออ เบ๊อะเนอ, โส่โส๋ อา หนิดา แลแค เจ๊อ.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เพรโด่แนพู๊ เต๊เห่ 21:19

คูเปาโล เฮ๊โมเฮ๊แร๊ โท เหย่ซี เร๊อ, อา แด๊โฉ่ โลปวาโลดวา เป่ ลอ เหย่ซี เร๊อ เตหรี่เตแก เด๊อ จอแปแหร่ เมโท เป่ ลอแคร๋ เฮ๊อ ลู เตเอ่เตแร เด๊อ แกแยยิวพู๊ หม่าโต่ เต๊เห่ อาเกล ฮู๊เต เนอเต๊เห่.

ꤊꤢ꤬ꤜꤢ꤬ꤒꤤ 2:8

เมเตเฮ๊เรอ จอแปแหร่ เด๊อะตา แฮเง เฮ๊อ อา เตอเรอโพรเตเตอเรอ เร๊อ คูเปโตร เด๊อ อา เก่ เม เตแร ฮู๊ เพรโด่แน เตเพรเนอ เด๊อ แกแยยิวพู๊ เต๊เห่ อาเงเฮ๊อ. อา แซ่ ฮู๊เนอเฮ๊อ จอแปแหร่ เด๊อะตา แฮเง เกอเฮ๊อ แว เน๊อ แว เก่ เมเกอฮู๊ เพรโด่แน เตเพรเนอ เด๊อ แกแยยิวพู๊ หม่าโต่ เต๊เห่ อาเง เฮ๊อเฮ๊อ.

ꤚꤥꤗꤢꤩ꤬ 16:26

หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ.

ꤛꤢꤨꤘꤢ꤬ 1:9

มีคาเอล หม่า ม๊อขุ เตเน่วพู๊ เด๊อ อาดุ เล๊อลอ เจ๊อ อู เจ๊อ หม่าแน๊เรอ เบ๊อะอา เร๊อ โลเน๊มู๊แหม่รีแจ่ กู่กล๊อ กย๊าตางา ลู เร๊อ คูโมเสส อาโล เบ๊อะเนอ, มีคาเอล อิชอ แด่ซื๊อบื่อ เร๊อ โลเน๊มู๊แหม่รีแจ่ กู่กล๊อ โต่. อา เฮ๊ แพ๊ ลู เน๊อ, “จอแปแหร่ เก่ อิชอดื่อ เน ปา,” ฮู๊เนอ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:18

แวพู๊แวเลอ ซี๋, เป เตโม เออเนอ นอพราเถ่ แต่ ตื๊อแพ๊ เด๊อ ซี กู๊อู่กู๊เผ่ลู เนอ แต่เหม่ นี๋. ซี โตเบ่ เมจว่า หม่าแหน่ อู ฮู๊ จอแปแหร่ โม หม่าแหน่ เป เนอ.

ꤡꤛꤢꤩ꤭ꤗꤢ꤬ꤎꤣ꤬ 1:22

ซี หนิดา แพ๊ตื๊อ จอแปแหร่ อาลาอาโหง่ เร๊อ ซี เก่ จูเอ่ ครวาเมเกอ ฮู๊ อา เฮ๊เนอ โต่. เฮ๊เนอหม่า, ซี แลโฮ แล เกอ เร๊อ ดื่อ เฮ๊อ ซีเหน่ เฮ๊อ. ซี โตเบ่ หนิดา ครวาเม เกอ ฮู๊ จอแปแหร่ อาลาอาโหง่ เฮ๊เนอ.

ꤟꤤꤙꤚꤢꤨ 11:8

เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

โครินธ์ เนอบ่า ต๊าบ่า 12:6

หม่าแน๊เรอ แว เก่ ซิหยื่อ เฮ๊เบ่ถู่เซ๊ เกอเร๊อ เกอ แวเหน่ ปา เฮ๊เนอหม่า อาหนิ แพ๊, แว ทวา เร๊อ แกแย ตีมุย หม่าโต่, เมเตเฮ๊เรอ แว เฮ๊เบ่ถู่เซ๊ เกอเร๊อ แวโหง่ เออเต๊เห่ เนอหม่า อาจ๊ออาเต แพ๊. หม่าแน๊เรอ แซ่ฮู๊ แว เก่ เฮ๊เบ่ ถู่เซ๊ เกอเร๊อ แวเหน่ โต่ เนอ, แว ค๊อเกอเร๊อ แวเหน่. แว ซิหยื่อ นอเตเน อู บ๊า อู แม๊เถอะ แว เมเตเต๊เห่ เร๊อ บ๊า อู หนิโฮ แว เตอิซว๊าอี๊แส่ เต๊เห่ เนอแพ๊. แว ซิหยื่อ นอ เตเนดุเล๊อ อู เร๊อ บ๊า แว เมเนอ โต่.

โครินธ์ เนอบ่า ต๊าบ่า 11:31

แบ่เจ่ เหย่ซู่ครี๊ อาเพ จอแปแหร่ เออ อา ซิเง เร๊อ แว เฮ๊เบ่ แลโฮ หม่าโต่. อู เก่ ถู่เซ๊แถ่ดื่อ อามุย ตูจูเพร แตแลเคร๊ นี๋.

ꤚꤥꤗꤢꤩ꤬ 6:17

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ, เด๊อ เหร่อ เคเนอ ซี ทวาน๊อ โทเฮ๊อ เตซื๊อ อาหลู่ โตโพ๊ หม่าแน๊เรอ กู๊แหน่เออ ซี หนิดา ลอ ซิปล่อซีเมเฮ๊อ จอแปแหร่ อา เตอิซว๊า อาเซ เด๊อ ซี พย๊าหนิ เออเนอเต๊เห่ เฮ๊อ.

เพรโด่แนพู๊ เต๊เห่ 26:20

แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

เพรโด่แนพู๊ เต๊เห่ 15:4

เบ๊อะเหย่ซี จว๊าโต่ เด๊อ วีเยรูซาเล็ม เบ๊อะเนอ, เพรหยื่อเอ่ ตู๊หมู่ตอกล๊อ เต๊เห่ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เอ๊โมฉื่อ เหย่ซี เร๊อ แด๊โฉ่ เป่ อู เร๊อ เตหรี่เตแก เด๊อ จอแปแหร่ เม แฮเง เต เด๊อ เหย่ซีกู เต๊เห่ อาหรี่อาแก.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

ꤗꤢ꤬ꤊꤢꤨ 16:20

เหย่ซู่ อา โคเจ่ เต๊เห่ จว๊าเล แด๊โฉ่โด่แน เป อู เร๊อ จอแปแหร่ อาลาอาโหง่ เด๊อ เหล่โอ่ ปว๋า โต๊โผ่. แซ่ฮู๊ แกแย เก่ หยื่อเอ่แลแค เกอ แลแค เร๊อ เตซิครือซิลอมีลา เด๊อ เหย่ซี โด่แน เป่ อู เออเนอหม่า อา หม่าแหน่เจ๊อ อาเงเนอ, แบ่เจ่ เด๊อ เป่ เหย่ซี เด๊อ อา เก่ เมแจ่ แลแค เตเม อาโค๊ตีกลี๊ เต๊เห่ อาเอ๊แหน่เจ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ เนอบ่า ต๊าบ่า 3:5

เป ซิเลแถ่ เกอเร๊อ เป เตแจ่เตลีแม เต๊เห่เนอ หม่าโต่. เป โอ่ เร๊อ เตแจ่เตลีแม เด๊อ เป เมเบ๊เฮ๊อ เตเม เออเต๊เห่ เนอหม่า อา โอ่ เด๊อ จอแปแหร่ อา โอ่ แฮ แพ๊.

มัทธิว 25:16

แกแย เด๊อ อา พย๊าหนิ เท แงโจ่ย เออเตเพรเนอ, อา พย๊าหนิ เฮ๊อเฮ๊อ เนอ อา เถ่จว๊า เมกื่อเมค๊า เร๊อ อา จว๊า เมหนิเถ่ เอ๊เล๊อโป่ เท เบ่แงโจ่ย.