ꤚꤥꤗꤢꤩ꤬ 15:16 - ลีเทส่อพ๊าอาเซ เร๊อ เห่ขุทวาลู๊

¹⁶ จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

Eastern Kayah Shadaw Dialect

¹⁶ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤘꤣꤧ ꤠꤢꤧ꤭ ꤒꤢꤩ꤬ꤗꤢꤩ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤢꤩ꤬ꤗꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭꤯ ꤞꤢꤧꤟꤢꤨ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤢꤨ꤭ ꤒꤣ꤬ꤡꤣ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤖꤛꤢꤏꤢꤦ꤬ ꤢ꤬, ꤓꤥ꤭ꤚꤣꤧ꤬ ꤒꤢꤩ꤬ꤜꤢꤨ꤭ ꤒꤣ꤬ꤡꤣ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤋꤥꤘꤢꤦ꤬ꤟꤣꤧ ꤠꤢꤧ꤭ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ ꤘꤢꤧꤏꤥ꤬ꤘꤥ꤬ꤔꤢꤧ꤭ ꤜꤥ꤭ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯

ꤚꤥꤗꤢꤩ꤬ 15:16 ပူးပေါင်းရင်းမြစ်များ

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤟꤤꤙꤚꤢꤨ 13:16

เมเตแร๊ เต๊เห่ เบ่เบ่, เตเมจว่า ลู เตเพร เร๊อ เตเพร เต๊เห่เนอ เบ่เบ่ โชตาปา แลแค แต่เหม่ นี๋, เมเตเฮ๊เรอ เออเต๊เห่ เนอหม่า เตหลู่เตแต เด๊อ อาโต จอแปแหร่ อาซิปล่อ.

ꤚꤥꤗꤢꤩ꤬ 15:18

เต เด๊ออาโร ซี เต๊เห่เนอ แว เฮ๊เบ่แถ่โล บื่อเกอ เร๊อ อู โต่. แว เฮ๊เบ่แถ่โล บื่อแพ๊ตื๊อ ครี๊ อาเตเม เด๊อ อา เมจว่า แวเออ อาหรี่อาแก แพ๊. เด๊อ แว เฮ๊เบ่ อา อาหรี่อาแก เออ อาขว่าอาคยา, โทเรอ เด๊อ เหย่ซี แม๊เถอะ แว เตเม เต๊เห่, โท๊โต่ เด๊อ แหย่โยบูโพ๊ แบ่เจ่ เด๊อะ แว อาเตโพรเตเตอเรอ เออ เนอ, แว เม โลเป่ เหย่ซี เตโค๊ตีกลี๊ เออเต๊เห่ เน๊อ เตเถ่ตาปา คย๊ายื๊อ เนอเต๊เห่ อาขว่าอาคยา, แว ยูแกล๊ยูโกล เบ๊เป่เฮ๊อ แกแยยิวพู๊ หม่าโต่ เต๊เห่ เด๊อ อา เก่ หนิดา จูเอ่เฮ๊อ จอแปแหร่ เฮ๊อ. เบ๊อะแว เล แด๊โฉ่โด่แน เป่ลอ อู เร๊อ ครี๊ อา เตซิครือมีลา เบ๊อะเนอ, แว จว๊าโน แด๊โฉ่โล เป่ ลอเฮ๊อ อู ปว๋า เตเพร, ปวาตอดอ เด๊อ ดอโอ่ รว๊า วีเยรูซาเล็ม เนอ โต่เด๊อ อิลลีริคุม เก่ เนอเต๊เห่ เฮ๊อ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

เอเฟซัส 2:22

เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤊꤢ꤬ꤜꤢ꤬ꤒꤤ 3:5

ฮู๊เนอเรอ เด๊อ ซี ครวาเมเกอ เตซว๊าเตแส่ อาคยา เร๊อ จอแปแหร่ เด๊อ ซี แหย่โยบูโพ๊ แบ่เจ่ เร๊อ อา เม เตโค๊ตีกลี๊ เด๊อ ซีเกล ฮู๊เนอ แอ? ฮู๊เนอ หม่าโต่. เด๊อ ซี หนิโฮ เตซิครือมีลา เร๊อ ซี หยื่อเอ่ อาขว่าอาคยาเร๊อ อา เด๊อ แพ๊ ซี แพ๊. เด๊อ ซี ลือครวาเม เกอ เตซว๊าเตแส่ เออ อาคยา เนอ หม่าโต่.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

โครินธ์ เนอบ่า ต๊าบ่า 8:5

เหย่ซี เมเต เออเนอหมา, อาดุเล๊อ ปา เจ๊อ เร๊อ เป เตแม๊ชือ เต๊เห่ เจ๊อ. ฮู๊ จอแปแหร่ ซิหยื่อ นอเม เหย่ซี เนอ, อาเหร่อเล๊อ เร๊อ เหย่ซี แด่บูโพ๊ อาซิปล่อ เด๊อ แบ่เจ่ อาเง, โทเรอ เหย่ซี แด่บูโพ๊ แลแค อาซิปล่อ เด๊อ เปเง.

โครินธ์ อาเหร่อเล๊อ ต๊าบ่า 6:19

ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

ꤚꤥꤗꤢꤩ꤬ 15:29

แว ซิเง เร๊อ ช๋า แว แฮโต่ เด๊อ ซี โอ่ปา เนอ, แว เก่ พย๊าแฮหนิ ครี๊ อา เด๊อะบุ๊ยเด๊อะเตอเรอ เด๊อ อาเล๊ออาบา เออเนอ ปา.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

เพรโด่แนพู๊ เต๊เห่ 20:32

“กู๊แหน่เออ, แว เด๊อะตาแก ซี เด๊อ จอแปแหร่ อา เตแม๊เตตู่ อากู เร๊อ อาบุ๊ยดุอาเตอเรอทู อา เตหรี่เตแก เออเนอ อากู เฮ๊อ. อา เตหรี่เตแก เออเนอ อา เมดุแถ่ทูแถ่ แจ่ ซี เร๊อ อา เก่ เด๊อะ ซี อู่เจเต๊เหย่ เด๊อ อา เบ่ดว๊า หนื่ออื่อ เป่ เร๊อ อา แกแยหยื่อเอ่ ล๋อ ปลี เออเต๊เห่ อาเง เนอ ปา.

เพรโด่แนพู๊ เต๊เห่ 13:2

เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.”

ꤚꤥꤗꤢꤩ꤬ 15:20

เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.