ꤚꤥꤗꤢꤩ꤬ 14:3 - ลีเทส่อพ๊าอาเซ เร๊อ เห่ขุทวาลู๊

³ แกแย เด๊อ อา เอ่ ลอ เตปว๋า เต๊อเจ่อ เตเพรเนอ, อา เบ่ เตเน ปีตี๊หนิ แกแย เด๊อ อา เอ่ เกออู เตปว๋า เต๊อเจ่อ โต่ เออเนอ เตเพร โต่. ฮู๊เนอเฮ๊อ แกแย เด๊อ อา เอ่ เกออู ปว๋า เต๊อเจ่อ โต่ เออเตเพรเนอ, อา เบ่ แด่ เตซื๊อ หนิ แกแย เด๊อ อา เอ่ เตปว๋า เต๊อเจ่อ เออเต๊เห่เนอ โต่, เมเตเฮ๊เรอ จอแปแหร่ เอ๊โมฉื่อ แกแย เออเตเพร.

Eastern Kayah Shadaw Dialect

³ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ꤬ ꤜꤢꤪ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤒꤥ꤬꤯ ꤟꤢꤨꤔꤣꤧ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ꤬ ꤊꤣꤧ꤭ꤢꤨ꤭ ꤕꤝꤢ꤭꤮ ꤒꤣ꤬ꤡꤣ꤬ ꤒꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤘꤢꤧ꤬ ꤒꤢꤩ꤬ꤞꤢꤦ ꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ꤬ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤩꤗꤥ꤬ꤏꤢꤦ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬꤯

ꤚꤥꤗꤢꤩ꤬ 14:3 ပူးပေါင်းရင်းမြစ်များ

ꤚꤥꤗꤢꤩ꤬ 14:10

ฮู๊เนอเรอ, เน จว๊า แด่ เตซื๊อ โต่ เน โป่แหว่ เมเต? หม่าโต่เรอ, เน จว๊า เตเน ปีตี๊โต่ เน โป่แหว่ เออเตเพร เมเต? ล๋อ เป เออเต๊เห่เนอ, เป เบ่ ก๊อถ่อลอ เด๊อ จอแปแหร่ เหล่เมจากาคยา อาเหล่โอ่ เนอ อาเป๊เส่เง ปา.

ꤜꤢꤨꤊꤢ꤬ 18:9

แกแย เด๊อ อา หยื่อเอ่ เกอเร๊อ อาเหน่ เน๊อ อาจ๊ออาเต เร๊อ อา เตเนปีตี๊ อูโร เต๊เห่เนอ, เหย่ซู่ แด๊ เป่ เหย่ซี เร๊อ เตแด๊ค๊าโข่ โต๊โต่.

ꤚꤥꤗꤢꤩ꤬ 14:13

ฮู๊เนอเรอ, แด่ ปา แต่ ลูเตซื๊อ เตเพร เร๊อ เตเพร แต่เหม่ นี๋. เต เด๊อ อา เก่ ทวาแถ่ เตแลคื๊อแลลอ, เตซื๊อเตปล๊า เด๊อ โป่แหว่ เตเพรเพร อาเง เฮ๊เนอ, เน เบ่ แด่แล โค๊แก เน ซิปล่อ เด๊อ เน เก่ เม ปา เตเนอเต๊เห่ เตอเจ๋อ โต่.

เพรโด่แนพู๊ เต๊เห่ 10:34

คูเปโตร เป๊อแถ่ เฮ๊เบ่ เน๊อ, “กู๊แหน่เรอ แว ซิเง เร๊อ จอแปแหร่ แม๊ดุแม๊ปีตี๊ อู เตเพร่ว โต่ เนอหม่า อา หม่าแหน่ เจ๊อ.

ꤚꤥꤗꤢꤩ꤬ 14:21

เอ่ เตหย่า เบ่เบ่, โอ เทอแย เบ่เบ่, เมเต เต๊อเจ่อเจ่อ เด๊อ อา ทวาแถ่ เตซื๊อ เด๊อ โป่แหว่ อาเงเบ่เบ่, เป เก่ โด่ หม่า อาแร๊เล๊อ.

ꤚꤥꤗꤢꤩ꤬ 14:15

เด๊อ เน เอ่ เตเต๊อเจ่อเจ่อ อาขว่าอาคยาเร๊อ, เน โป่แหว่ เตเนโม ตีกี๋ โต่ เก่เฮ๊เรอ, เน เม เตเออเนอ เด๊อ เตโม อากู หม่าโต่. เด๊อ เน เอ่เฉ่ อาขว่าอาคยาเร๊อ, จว๊าเมปย๊าแก แต่ เน โป่แหว่ เด๊อ ครี๊ ข่าเซอ เป่ โทเฮ๊อ เด๊อ อาเง เออเนอ เตเพร แต่เหม่.

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

เพรโด่แนพู๊ เต๊เห่ 10:44

เบ๊อะคูเปโตร เฮ๊เบ่ ปาแพ๊ เบ๊อะเนอ, แหย่โยบูโพ๊แบ่เจ่ ตาแล เด๊อ แกแย เด๊อ อา หนิดา เตหรี่เตแก เออเต๊เห่ อาลู ปว๋า เตเพร.

มัทธิว 9:14

โทเร๊อ คูยอห์น เพรเจเทอ อา โคเจ่ เต๊เห่ แฮ เด๊อ แบ่เจ่ เหย่ซู่ อา โอ่ เร๊อ อาแฮ แด๊เฮอ แบ่เจ่ เหย่ซู่ เน๊อ, “เป เร๊อ ฟาริสี เต๊เห่เนอ, เป โด่เอ่เฉ่, หม่าแน๊เรอ เน โคเจ่ เออเต๊เห่ อา โด่เอ่ เกออู เฉ่ โต่ เมเต?”

เพรโด่แนพู๊ เต๊เห่ 28:2

แกแย โอ่ เบ๊อะกลื๊อลู เต๊เห่เนอ, อา เมแร๊ แหน่เจ๊อ เป. เก๊จือ แฮ เร๊อ เก๊โหร่แหน่เจ๊อ เป อาขว่าอาคยา, เหย่ซี โอ๊แกหมิ เร๊อ อา เอ๊ อิชุ๊ย แลแค เป หมิ.

ꤚꤥꤗꤢꤩ꤬ 11:15

จอแปแหร่ วีแก เหย่ซี อาขว่าอาคยา, ล๋อ แกแย เห่ขุพู๊ เด๊อ อาโร เต๊เห่เนอ อา ทวาแถ่ เต๊เปล่โป่ เฮ๊อ ลู โคแบ๊ซว๊า เฮ๊อ. เก่เฮ๊ฮู๊เนอ เร๊อ ช๊า จอแปแหร่ เอ๊โมฉื่อ คยาแซ๊ เฮ๊อ แกแยยิวพู๊ เออเต๊เห่ เบ๊อะเนอปาเนอ, อา เก่ แซ่เน๊อ หม่าอิเต ปาเนอ เตเนแม๊มอ แลแค. อา เก่ แซ่เจ๊อเร๊อ แกแยเซอ โทเรอ อา เซอเพร กาคยา คยาแซ๊ เนอ เจ๊อ ปา.

ꤚꤥꤗꤢꤩ꤬ 14:1

เอ๊โมฉื่อ เป่ ครี๊พู๊ เด๊อ อาเตหยื่อ ปีตี๊ปา ดื่อเง เนอเต๊เห่ นี๋. เหย่ซี อาเตเตเน เต๊เห่เนอ, อา โค๊ เร๊อ เน เบ่เบ่, เคร๊ฉื่อ แต่ เหย่ซี แต่เหม่ นี๋.

ꤚꤥꤗꤢꤩ꤬ 15:7

ฮู๊เนอเรอ เอ๊โมฉื่อหนิ แลแค ลู เตเพร เร๊อ เตเพร นี๋. แซ่ฮู๊ อู เก่ ถู่เซ๊แถ่ แลแค จอแปแหร่ เร๊อ เอ๊โมฉื่อ เกอเร๊อ ลู เตเพร เร๊อ เตเพร ฮู๊ ครี๊ เอ๊โมฉื่อ โทเฮ๊อ ซีเนอ นี๋.