ꤚꤥꤗꤢꤩ꤬ 14:22 - ลีเทส่อพ๊าอาเซ เร๊อ เห่ขุทวาลู๊

²² เต เออเต๊เห่เนอ, เน หยื่อเอ่ อา ฮู๊เต เบ่เบ่, โห่โห๋ แด่โอ่ เนอ, เนเหน่ เร๊อดื่อ เร๊อ จอแปแหร่ เก่ ซิเง หม่า โป่เฮ๊อ. แกแย เตเพร เก่ ซิเง เร๊อ อา เม เตเออเนอหม่า อา โตแพ๊, เร๊อ อา เมโทเร๊อ เด๊อ อา ซิปล่อกู เนอ, โมโม๋ อา โม แพ๊, เร๊อ อาซิปล่อ เร๊อดื่อ เก่ เจแม๊ ลู โต่ เฮ๊เนอ, อา พย๊าหนิ เตบุ๊ยเตเตอเรอ เฮ๊อ.

Eastern Kayah Shadaw Dialect

²² ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ꤬ ꤛ꤫ꤢꤦ꤬ꤢꤩ꤬ ꤢ꤬ ꤟꤢꤨꤒꤢꤩ꤭ ꤙꤢꤩ꤬ꤙꤢꤩ꤬, ꤟꤥ꤬ꤟꤥ꤬꤮ ꤘꤢꤧ꤬ꤥ꤬ ꤔꤣꤧ꤬, ꤔꤢꤧ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤞꤤꤑꤢꤩ꤭ ꤗꤢ꤬ ꤕꤥ꤬ꤟꤣꤧ꤯ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤞꤤꤑꤢꤩ꤭ ꤔꤢꤧ ꤢ꤬ ꤗꤢꤩ꤬ ꤒꤢꤩ꤬ꤣꤧ꤭ꤔꤣꤧ꤬ꤗꤢ꤬ ꤢ꤬ ꤒꤥ꤭ꤖꤢꤧ, ꤚꤣꤧ꤬ ꤢ꤬ ꤗꤢꤩ꤬ꤓꤥ꤭ꤚꤣꤧ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬, ꤗꤥ꤬ꤗꤥ꤬꤮ ꤢ꤬ ꤗꤥ꤬ ꤖꤢꤧ, ꤚꤣꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧꤘꤢꤦ꤬ ꤊꤢꤩ꤬ ꤘꤣꤧꤡꤢ꤭ ꤜꤢꤨ꤭ ꤒꤥ꤬ ꤟꤢꤩꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯

ꤚꤥꤗꤢꤩ꤬ 14:22 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:21

ฮู๊เนอเรอ โคแบ๊ซว๊าโม ซี๋, เป ซิปล่อ เออ, อา เก่ เฮ๊แล เกอเร๊อ เป เร๊อ เป เตซื๊อ โอ่โต่ เฮ๊เรอ, เป เก่ แฮโน เด๊อ จอแปแหร่ อา เป๊เส่เง ปาเนอ, เป ซิอิเช ปา เตอเจ๋อ โต่ เฮ๊อ.

ꤚꤥꤗꤢꤩ꤬ 14:5

แซ่ฮู๊เนอเฮ๊อ, แกแย เต๊เห่เห่เนอ อา เตเน แลแค เน๊อ, ม๊อเนอ เต๊เห่เห่เนอ อู แด่ บูโพ๊ ข่อดื่อ ลู, หม่าแน๊เรอ เต๊เห่เห่เนอ อา เตเน แลแคเน๊อ ม๊อเนอ ล๋อ ปลี เนอ อา แซ่ลอ แพ๊ ลู. แกแย เตเพร เร๊อ เตเพร เนอ, อา เบ่ หยื่อเอ่ หม่า เตอเกล๊อ เกอ เร๊อดื่อ อา เหล่เตเน แพ๊.

ꤡꤛꤢꤩ꤭ꤗꤢ꤬ꤎꤣ꤬ 3:13

แกแย เด๊อ ซีเกล เตเพรเพร เด๊อ อา โอ่ เน๊อ อา เหล่เตเน แจ่ เร๊อ อา ซิเง ตาปลู๊ เนอหม่า อูเป? อา โตเบ่ เด๊อะโล อาเต เออเต๊เห่เนอ เน๊อ อา เตโอ่เซอเพร เด๊อ อาแร๊, โท๊โต่ อา โตเบ่ เด๊อะโล อา เมเต เออเนอ เน๊อ เด๊อ แด่หยว่า ซิปล่อ. แด่หยว่าซิปล่อ เออเนอหมา อา แฮ แฮเง เด๊อ เตเตเนแจ่ เออเนอ อา โอ่ แพ๊.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

ꤚꤥꤗꤢꤩ꤬ 14:23

หม่าแน๊เรอ อา เอ่ เร๊อ อา เก่ ซิปล่อ ดู๊ดี๊ดู๊แด เก่เฮ๊เนอ จอแปแหร่ เก่ เมจากาคยา อา เบ๊อะอา เอ่เต เบ๊อะเนอ ปา, เมเตเฮ๊เรอ อา เอ่ เตเออ เนอหม่า อา เอ่ เร๊อ เตหยื่อเตแหน่ หม่าโต่. เน เม เต อิเตเต๋ เบ่เบ่, เตหยื่อ เก่ โอ่โต่ เฮ๊เนอ อา ทวา เตซื๊อ เฮ๊อ.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤚꤥꤗꤢꤩ꤬ 14:14

แว ย๋อ ทวาแถ่ เฮ๊อ เร๊อ แบ่เจ่ เหย่ซู่ เตอเจ๋อ โตเฮ๊อ อาขว่าอาคยา, แว ซิเง ตาเต เร๊อ เหล่เอ่ โอ่ดื่อ อาเหน่ เร๊อ อา อาโพ๊อาแปละ โต่เนอ อา โอ่ เตอเจ๋อ โต่. อาโพ๊อาแปละ ลอ แพ๊. หม่าแน๊เรอ เก่ เน หยื่อเอ่ เร๊อ เหล่เอ่ เต๊เห่เห่เนอ, อา โพ๊อาแปละ โต่ เก่เฮ๊เรอ เหล่เอ่เออ อา โพ๊อาแปละ เด๊อ เนเง โต่.

ꤚꤥꤗꤢꤩ꤬ 14:2

แกแย เต๊เห่เห่เนอ อา หยื่อเอ่ เร๊อ เอ่ อิเต๋ หม่า อาหนิ แพ๊ อา เฮ๊ หม่าแน๊เรอ แกแย เด๊อ อาเตหยื่อ ปีตี๊ปา เออเตเพรเนอ อา เอ่ แพ๊ตื๊อ ส่อตอส่อเหล่ แพ๊.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

ꤚꤥꤗꤢꤩ꤬ 7:24

เอ๋อ เมอเหยอ! แว จว๊า ทวา เตซื๊อ อาหลู่เล๊ ฮู๊เออ เร๊อ อาจา แหน่เจ๊อ แว. เตซื๊อ เด๊อ อา โอ่ เด๊อ แวกูเออ เร๊อ อา ซูจว๊า แว เด๊อ เตเซอ เออเนอ, อูเป เตเพร เก่ เมแลเปล๊กา เบ๊ เป่ แว เป?

ꤚꤥꤗꤢꤩ꤬ 7:15

หม่าเมเต เร๊อ แว จว๊า เมโต่ เตซื๊อ ฮู๊เออเนอ, แว ซิเง เกอเร๊อ แวเหน่ โต่. เมเตเฮ๊เรอ แว เม ฮู๊ แว ซิหยื่อ เมเนอ หม่าโต่. เต เด๊อ แว ซิหยื่อ เม ตีกี๋ โต่ เต๊เห่เนอ แว จว๊าเม เต่อเต่อ.

ꤚꤥꤗꤢꤩ꤬ 2:1

โคแบ๊ซว๊า, เน เก่ เฮ๊ อู เน๊อ, “เหย่ซี เนอหม่า แกแย แร๊โต่,” หม่าแน๊เรอ เน หม่า แกแย แร๊โต่ แซ่เน๊อ เหย่ซีซี แพ๊. เน เฮ๊ แลเปล๊หนิ เนเหน่ หม่า อาหนิ โต่. เบ๊อะเน เฮ๊ เร๊อ เหย่ซี หม่า แกแยจา เร๊อ จอแปแหร่ โตเบ่ เมจากาคยา เหย่ซี เบ๊อะเนอ, เน เมจากาคยา เกอเร๊อดื่อ เฮ๊อ เนเหน่, เมเตเฮ๊เรอ เน เร๊อ เน เม แซ่เกอ ฮู๊เนอเนอ แพ๊.

โครินธ์ อาเหร่อเล๊อ ต๊าบ่า 8:7

หม่าแน๊เรอ, เป โป่แหว่ ครี๊พู๊ เต๊เห่เห่ เด๊อ อา ซิเง ตาเต เกอ ลอ ลา เตซิเง เด๊อ แว รา เป่ ซี กู๊แหน่เออ โต่ เนอ อาโอ่ เต๊เห่. เบ๊อะเหย่ซี หยื่อเอ่ แต่ล๋าย เหย่ซู่ โต่ เบ๊อะเนอ, เหย่ซี เตเน เร๊อ เตแหย่โย เออเต๊เห่ เนอหม่า อา เตอเรอฉว่าชอ โอ่ อาขว่าอาคยา, เหย่ซี เตเร วีแก อา เตเตเน เออเต๊เห่เนอ, อาแป่อาเช แหน่เจ๊อ เด๊อ เหย่ซี อาเง เจ๊อ. เร๊อ เบ๊อะเหย่ซี เอ่เฉ่เอ่ เด๊อ อู หลู่แตแถ่ เร๊อ เตแหย่โย เออเต๊เห่ เบ๊อะเนอ, อา โม ลูซิปล่อ โต่, เร๊อ อา เมซื๊อ เฮ๊อ เต เฮ๊อ อา เตเน แลแค ฮู๊เนอ.