ꤚꤥꤗꤢꤩ꤬ 14:21 - ลีเทส่อพ๊าอาเซ เร๊อ เห่ขุทวาลู๊

²¹ เอ่ เตหย่า เบ่เบ่, โอ เทอแย เบ่เบ่, เมเต เต๊อเจ่อเจ่อ เด๊อ อา ทวาแถ่ เตซื๊อ เด๊อ โป่แหว่ อาเงเบ่เบ่, เป เก่ โด่ หม่า อาแร๊เล๊อ.

Eastern Kayah Shadaw Dialect

²¹ ꤢꤩ꤬ ꤤ꤬ꤛꤢ꤬ ꤙꤢꤩ꤬ꤙꤢꤩ꤬, ꤥ꤭ ꤓꤣꤧ꤭ꤛꤢꤧ꤭ ꤙꤢꤩ꤬ꤙꤢꤩ꤬, ꤗꤢꤩ꤬ꤒꤢꤩ꤬ ꤒꤣ꤬ꤡꤣ꤬ꤡꤣ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤣꤧ꤬ꤋꤢꤦꤜꤣꤧ꤬ꤜꤢꤪ꤭ ꤘꤣ ꤕ꤫ꤥ꤬ꤠ꤫ꤢꤧ꤬ ꤢ꤬ꤑꤢꤩ꤭ꤙꤢꤩ꤬ꤙꤢꤩ꤬, ꤕꤢꤩ꤬ ꤊꤢꤩ꤬ ꤘꤥ꤬ ꤗꤢ꤬ ꤢ꤬ꤚꤢꤧꤜꤣ꤯

ꤚꤥꤗꤢꤩ꤬ 14:21 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 8:13

เมฮู๊เนอเรอ, เด๊อ แว เอ่ เตหย่า ขว่าคยาเร๊อ อา เก่ เด๊อะทวาแถ่ โป่แหว่ ครี๊พู๊ เตเพรเพร อา เตแลคื๊อแลลอ เก่เฮ๊เนอ, แว เอ่ ปา เตหย่า โตโพ๋ โต่. เมเตเฮ๊เรอ แว ซิหยื่อ นอทวาแถ่ เตแลคื๊อแลลอ เด๊อ แว โป่แหว่ ครี๊พู๊ เออเต๊เห่ อาเง โต่ อาขว่าอาคยา, แว เอ่ ปา โต่ แพ๊.

ꤚꤥꤗꤢꤩ꤬ 14:13

ฮู๊เนอเรอ, แด่ ปา แต่ ลูเตซื๊อ เตเพร เร๊อ เตเพร แต่เหม่ นี๋. เต เด๊อ อา เก่ ทวาแถ่ เตแลคื๊อแลลอ, เตซื๊อเตปล๊า เด๊อ โป่แหว่ เตเพรเพร อาเง เฮ๊เนอ, เน เบ่ แด่แล โค๊แก เน ซิปล่อ เด๊อ เน เก่ เม ปา เตเนอเต๊เห่ เตอเจ๋อ โต่.

มัทธิว 16:23

แบ่เจ่ เหย่ซู่ ตีรี๊ กาคยาโต คูเปโตร เร๊อ อา เฮ๊ ลู เน๊อ, “เก๋อ โลเน๊มู๊แหม่รีแจ่ กู่กล๊อ, เถ่จว๊า ตาพาแก เร๊อ แว, เน หม่า อาแซ่เน๊อ หล่อ เตเม เด๊อ อู เหล่ตอพอเบ่ เตเม เนอแพ๊. เน เหล่เตเน เต๊เห่เนอ อาแซ่เน๊อ แกแยเห่ขุพู๊ อาเหล่เตเน เนอ แพ๊. อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

ꤟꤤꤙꤚꤢꤨ 12:13

ตูรู๊ ครวาแฮเง ตื๊อดื่อเกอ เตหมะเตจ๊อ อาแกล๊ เออเนอ นี๋. แกแย เด๊อ อาเตหยื่อ ปีตี๊ เต๊เห่เนอ, อาแซ่เน๊อ แกแย กู๊โด่ด๊า เนอเต๊เห่ เฮ๊อ. แซ่ฮู๊ แกแย เด๊อ อา กู๊โด่ด๊า เออเต๊เห่ เก่ ตอพอ แต่เหม่, โทเรอ แซ่ฮู๊ เหย่ซี กู๊โด่ เก่ แร๊กาคยา อาเงเนอ, ตูรู๊ ครวา แฮเง ตื๊อดื่อลา เกอโป่ แลแค นี๋.

ฟีลิปปี 1:10

แซ่ฮู๊ ซี เก่ ซิเงโปล ตาเต แร๊ เต เด๊อ อาแร๊เล๊อ เร๊อ ซี เก่ ซิปล่อ โพ๊แปละโพ๊, โท๊โต่ โต่ ช๋า ครี๊ แฮ คยาแซ๊ อาม๊อเนอ ปา เตอเนอเนอ, อู เก่ แด่แจ่ ปา แต่ เตซื๊อ เด๊อ ซีลู แต่เหม่ เนอ, แว กุยจ๊อเบ เป่ เด๊อ ซีเง.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

มัทธิว 13:21

หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.

โครินธ์ อาเหร่อเล๊อ ต๊าบ่า 8:9

ซี ซิหยื่อ เอ่ เต อิเตเต๋เนอ ซี เอ่หนิ แพ๊ หม่าแน๊เรอ, รอหนิ แลแค ซีเหน่ นี๋. เมเตเฮ๊เรอ ซี เม เต เต๊เห่เนอ, นอทวาแถ่ แต่ เตแลคื๊อแลลอ เด๊อ แกแย อา เตหยื่อเตแหน่ ปีตี๊ เต๊เห่ อาเง แต่เหม่นี๋.