ꤚꤥꤗꤢꤩ꤬ 14:2 - ลีเทส่อพ๊าอาเซ เร๊อ เห่ขุทวาลู๊

² แกแย เต๊เห่เห่เนอ อา หยื่อเอ่ เร๊อ เอ่ อิเต๋ หม่า อาหนิ แพ๊ อา เฮ๊ หม่าแน๊เรอ แกแย เด๊อ อาเตหยื่อ ปีตี๊ปา เออเตเพรเนอ อา เอ่ แพ๊ตื๊อ ส่อตอส่อเหล่ แพ๊.

Eastern Kayah Shadaw Dialect

² ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤢꤩ꤬ ꤤ꤬ꤒꤢꤩ꤭꤮ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤢ꤬ ꤟꤢꤩ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤕꤣꤧ꤬ꤒꤤꤕꤢ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤢꤩ꤬ ꤖꤢꤧꤒꤢꤦ ꤞꤢꤪ꤬ꤒꤢꤪ꤭ꤙꤢꤧ꤭ꤜꤢꤩ꤬ ꤖꤢꤧ꤯

ꤚꤥꤗꤢꤩ꤬ 14:2 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 4:4

เมเตเฮ๊เรอ ล๋อ จอแปแหร่ แบ๊แล เต เต๊เห่ เนอหม่า อาแร๊ ล๊อปลี ปว๋า เต๊อเจ่อ แพ๊. เก่ เน พย๊าฉื่อแจ่ เตปว๋า เต๊อเจ่อ เน๊อ เตเฮ๊บุ๊ยเฮ๊เตอเรอ เฮ๊เนอหม่า โต วีแก อา เตอเจ๋อโต่.

ꤚꤥꤗꤢꤩ꤬ 14:14

แว ย๋อ ทวาแถ่ เฮ๊อ เร๊อ แบ่เจ่ เหย่ซู่ เตอเจ๋อ โตเฮ๊อ อาขว่าอาคยา, แว ซิเง ตาเต เร๊อ เหล่เอ่ โอ่ดื่อ อาเหน่ เร๊อ อา อาโพ๊อาแปละ โต่เนอ อา โอ่ เตอเจ๋อ โต่. อาโพ๊อาแปละ ลอ แพ๊. หม่าแน๊เรอ เก่ เน หยื่อเอ่ เร๊อ เหล่เอ่ เต๊เห่เห่เนอ, อา โพ๊อาแปละ โต่ เก่เฮ๊เรอ เหล่เอ่เออ อา โพ๊อาแปละ เด๊อ เนเง โต่.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ꤊꤢ꤬ꤜꤢ꤬ꤒꤤ 2:12

เมเตเฮ๊เรอ เบ๊อะคูยากอบ นอแฮ อาแกแยยิวพู๊ เด๊อ อา หยื่อเอ่แหน่เอ่เต เต๊เห่ แฮโต่ แต่ล๋ายโต่ เบ๊อะเนออาเค, คูเปโตร เอ่เต่อโอเต่อเกอ เร๊อ แกแยยิวพู๊ หม่าโต่ เด๊อ อา หยื่อเอ่แหน่ ครี๊ เต๊เห่. อา เอ่เต่อโอเต่อ ฮู๊เออเนอหม่า อาโต แพ๊. หม่าแน๊เรอ เด๊อคยา, เบ๊อะคูยากอบ นอแฮ อาแกแย เออเต๊เห่ แฮโต่เฮ๊อ เบ๊อะเนออาเค, อา ซ๊อซื๊อ ตาพา จว๊าแก เร๊อ อา เอ่เต่อโอเต่อเกอ ปา เน๊อ เหย่ซี เนอเต๊เห่ โต่, เมเตเฮ๊เรอ คูยากอบ อา โคแบ๊ซว๊า แกแยยิวพู๊ เออเต๊เห่เนอ, อา ซิหยื่อ เด๊อ แกแยยิวพู๊ หม่าโต่ เต๊เห่ เก่ ดื๊อตีลี๊ พ๊า อาขว่าอาคยา, อา ชิอิเช เหย่ซีเหล่ เร๊อ อา ซ๊าซื๊อ ตาพา จว๊าแก แพ๊.

เห่ขุทวาลู่ 9:3

ล๋อ เต เด๊อ อาซิปล่อ เซอเพร โอ่ เร๊อ อา กู๊ก่า จว๊าโทจว๊าแล เต๊เห่เนอ, เน เอ่ เหย่ซี แซ่เน๊อ เน เอ่ ส่อตอส่อเหล่ เด๊อ แว เด๊อะตาเหร่อ ซี เนอเต๊เห่ หม่า อา หนิ เฮ๊อ. กู๊แหน่เร๊อ แว เด๊อะเฮ๊อ ซี ปว๋า เต๊อเจ่อ เฮ๊อ.

ꤟꤤꤙꤚꤢꤨ 9:10

เตหลู่เตแต เออเต๊เห่เนอ, อา ตาเต ซิเลเกอเร๊อ แพ๊ เตจ๊อบู่จ๊อเบ อา เหล่โกลเหล่แบ่ เต๊เห่ เด๊อ อา เฮ๊ เน๊อ เออ หม่า เอ่หนิ, เออ หม่า โอหนิ โต่, โตเบ่ ซู๊ปลีซู๊แปละ อาเหน่ ฮู๊เออ ฮู๊เนอ, อา เฮ๊ เออเนอเต๊เห่ เฮ๊อ. เตซว๊าเตแส่ เออเนอหมา ลือครวา เมเต เด๊อ อากลอ ตากยา แพ๊, อา เม แต๊แกละแจ่ ซิปล่อ โต่. เหน่กล่อ พ๊าหย่า ตากยา, แกแยเห่ขุพู๊ เบ่ ครวาเม โต่เด๊อ จอแปแหร่ เมเต๊เปละ เป่ เหย่ซี แกล๊ อาเซ โตโบ.

ꤒꤤꤒꤢꤨ 1:15

แกแย เตเพรเพร เด๊อ อา โพ๊แปละอาโพ๊อาแปละ เฮ๊อ เด๊อ จอแปแหร่ อา เป๊เส่เง เนอ, เตล๋อ ปลี โพ๊แปละอาโพ๊อาแปละ ลอ เฮ๊อ เด๊อ อาเง เฮ๊อ. หม่าแน๊เรอ แกแย เด๊อ อา โพ๊แปละอาโพ๊อาแปละ เกออู โต่ เร๊อ อา หยื่อเอ่แหน่ เกออู โต่ เนอเต๊เห่เนอ, เด๊อ อาเงเนอ อา โพ๊แปละอาโพ๊อาแปละ เตอเจ๋อ โต่. เหย่ซี เตซื๊อ เต๊เห่เนอ อา เม โตโพร๊ มู๊แหม่ ลอ หนิคยาดื่อ เหย่ซี อาเหล่เตเน เร๊อ อาซิปล่อ เด๊อ อา ซิเง เร๊อดื่อ เตแร๊ เร๊อ เตมู๊แหม่ เออเนอเฮ๊อ.

โครินธ์ อาเหร่อเล๊อ ต๊าบ่า 10:25

เด๊อ แกล๊กู เนอ, อู อิเช เอ่ เตหย่า อิเตเต๋ เบ่เบ่, ซี เอ่หนิ ลอปลี แพ๊. แซ่ฮู๊ ซี เก่ ซิปล่อโม อาเงเนอ, เตหย่า เออ หม่า อู โบ่ โทเฮ๊อ เร๊อ เตแหย่โย แอ, หม่า โต่ แอ แด๊เฮอ แต่ อู แต่เหม่.

เห่ขุทวาลู่ 1:29

โทเร๊อ จอแปแหร่ดุ เฮ๊โป่ เน๊อ, “แว เด๊อะตา เป่ ซี ส่อตอส่อเหล่ เด๊อ อา เก่ เส่เถ่โพเถ่ เป่ ซี เหล่เอ่เหล่โอ อาเง, เน๊อ ส่อเส่เหว่โพ เด๊อ อา เก่ เส่เถ่โพเถ่ เป่ ซี เหล่เอ่เหล่โอ อาเง เด๊อ เห่ขุ ต๊าบ่าลอ เออเนอ เฮ๊อ.

ꤚꤥꤗꤢꤩ꤬ 14:1

เอ๊โมฉื่อ เป่ ครี๊พู๊ เด๊อ อาเตหยื่อ ปีตี๊ปา ดื่อเง เนอเต๊เห่ นี๋. เหย่ซี อาเตเตเน เต๊เห่เนอ, อา โค๊ เร๊อ เน เบ่เบ่, เคร๊ฉื่อ แต่ เหย่ซี แต่เหม่ นี๋.

ꤚꤥꤗꤢꤩ꤬ 14:20

เมปย๊าแก แต่ จอแปแหร่ อา เตเอ่เตแร เร๊อ เหล่เอ่เหล่โอ อาคยา แต่เหม่ นี๋. เหล่เอ่ ล๋อ ปลี หม่า อาโพ๊อาแปละ ลอ แพ๊ หม่าแน๊เรอ เหล่เอ่ อิเตเต๋ เบ่เบ่, แกแย เตเพรเพร เก่ เอ่ เร๊อ อา เก่ ทวาแถ่ โป่แหว่ เด๊อ อาโร เตเพร อา เตซื๊อ เฮ๊เนอหม่า, อา เม เตเออเนอหม่า อา ซื๊อเฮ๊อ.

ꤚꤥꤗꤢꤩ꤬ 15:1

เป เด๊อ อาโอ่ เร๊อ เตหยื่อเตแหน่ ชอ เออเต๊เห่เนอ, เป โตเบ่ แด่ทูซิปล่อ เร๊อ เมจว่า เป่เกอ แกแย เด๊อ อา เตหยื่อเตแหน่ ปีตี๊ปา เร๊อ อาซิปล่อ หร่ารอหร่าเหร่ ปา ดื่อเง เนอเต๊เห่. เป โต ลือเมโม แล เกอเร๊อดื่อ เปเหน่ โต่.

โครินธ์ อาเหร่อเล๊อ ต๊าบ่า 8:9

ซี ซิหยื่อ เอ่ เต อิเตเต๋เนอ ซี เอ่หนิ แพ๊ หม่าแน๊เรอ, รอหนิ แลแค ซีเหน่ นี๋. เมเตเฮ๊เรอ ซี เม เต เต๊เห่เนอ, นอทวาแถ่ แต่ เตแลคื๊อแลลอ เด๊อ แกแย อา เตหยื่อเตแหน่ ปีตี๊ เต๊เห่ อาเง แต่เหม่นี๋.

โครินธ์ อาเหร่อเล๊อ ต๊าบ่า 9:22

แซ่ฮู๊ แกแย เด๊อ อู เมจาเมจือ เหย่ซี, เป่เอ่เป่โอ เหย่ซี เต๊เห่ เก่ หยื่อเอ่ เกอ แบ่เจ่ เหย่ซู่ อาเงเนอ, เบ๊อะแว โอ่เต่อเกอ เด๊อ เหย่ซีเกล เบ๊อะเนอ, แว โอ่เซอเพร แซ่เกอ ฮู๊ เหย่ซี เนอ. แซ่ฮู๊ แกแย เต๊เห่เห่ เก่ พย๊าหนิ เกอ เตเมแลเปล๊กา อาเงเนอ, แว แม๊ปู โอ่เซอเพร ตาโตตาเบ่ เกอ ปว๊า เต๊อเจ่อ ฮู๊ เหย่ซี ปว๋า เตเพร โอ่เซอเพร เนอ เจ๊อ.