โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.
ꤚꤥꤗꤢꤩ꤬ 14:19 - ลีเทส่อพ๊าอาเซ เร๊อ เห่ขุทวาลู๊19 ฮู๊เนอเรอ, เป เก่ แอ๊จื๊อแอ๊เหร่ โอ่โครโอ่เกล เกอเร๊อ ลู เตเพร เร๊อ เตเพร โทเรอ เป เก่ พย๊าจว่า เมจว่า, เด๊อะอ๊าเด๊อะเหร่ เกอเร๊อ ลู เตเพร เร๊อ เตเพร โป๋. အခန်းကိုကြည့်ပါ။Eastern Kayah Shadaw Dialect19 ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤢꤧꤡꤢꤦꤢꤧꤚꤢꤩ꤬ ꤥ꤬ꤋꤚꤥ꤭ꤥ꤬ꤊꤜꤢꤩ꤭ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤓꤥ꤭ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤖꤛꤢꤡꤝ꤫ꤢ꤬ ꤗꤢꤩ꤬ꤡꤝ꤫ꤢ꤬, ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤥ꤮꤯ အခန်းကိုကြည့်ပါ။ |
ꤚꤥꤗꤢꤩ꤬ 14:19
28 ပူးပေါင်းရင်းမြစ်များ
โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.
แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.
เมเกอ แลแค ฮู๊ แว เม เนอ. แซ่ฮู๊ อู เก่ พย๊าหนิ เตเมแลเปล๊กา อาเงเนอ, แว เม อิเตเต๋ เบ่เบ่, แว แอ๊จื๊อ ลือเมโต เป่ อู ซิปล่อ อา เตซิหยื่อ เต๊เห่. แว เตเน เม แพ๊ เต เด๊อ แว ซิหยื่อ เม เนอเต๊เห่ เร๊อ เต เด๊อ อาแร๊ เด๊อ แว เตเพร อาเง เร๊อดื่อ เนอเต๊เห่ หม่าโต่. แว แม๊ปู เม เป่ เต เด๊อ อาแร๊ เด๊อ แกแย ปว๋า เตเพร อาเง เนอเต๊เห่ แพ๊.
เตเฮ๊โฉ่หนิ เหย่ซี เน๊อ อา เก่ เมลอ แกเด ม๊อเนอม๊อเซ เน๊อ เตแด๊ กู๊นีกู๊โหน่ มู๋ หนู่เค เนอเต๊เห่ เน๊อ เตแด๊กลุยแด๊แล เด๊อ อาทู เนอเต๊เห่ แต่เหม่. เตเนอเต๊เห่ หม่า อา เด๊อะโอ่แถ่ แพ๊ เตเคร๊แขระ ลู, โท๊โต่ อา เมดู๊แด ตาตือ เต่อเกอโป่ดื่อ จอแปแหร่ อาเตเม เด๊อ เป เมแจ่ ตื๊อแพ๊ อา เน๊อ เตหยื่อเตแหน่ เออเนอเนอ.
หม่าแน๊เรอ เม เบ่เบ่, เว เบ่เบ่ เด๊อ อา หยื่อเอ่ ครี๊ โต่ เออเตเพรเนอ อา เก่ ซิหยื่อ โอ่แกเหร่อ เฮ๊เรอ อา โอ่แก ดื่อ. อา เก่ เมฮู๊เนอ เฮ๊เรอ, แกแย เด๊อ อา หยื่อเอ่ ครี๊ เออเตเพรเนอ อา โตเบ่ โอ่เต่อหนิ เร๊อ แกแย เด๊อ อา หยื่อเอ่ ครี๊ โต่ เออเนอ เตเพร โต่. เมเตเฮ๊เรอ จอแปแหร่ เอ๊เฮ๊อ ซี เด๊อ ซี เก่ โอ่ลู เร๊อ เตเพรอาดือ แพ๊.
กู๊แหน่เรอ แว ซิหยื่อ ราจว๊า เป่ ซี เหล่เอ่ เด๊อ อู โบ่แถ่ เร๊อ เตแหย่โย เนอเต๊เห่ อาหรี่อาแก. ซี เฮ๊ เร๊อ เตแหย่โย เต๊เห่ เนอหม่า อา เตโพรเตเตอเรอ ฉว่าชอ เด๊อ อา เหล่เมเป่ เป เนอ อาโอ่ โต่ เนอ เป ซิเง, ซี เฮ๊ ฮู๊เนอ หม่า อาหม่า ว๊า. ซี เตซิเง เออเนอ, อา นอพย๊าแด่โล ซี เน๊อ ซี เหน่ หม่าแน๊เรอ เตโม เนอ อา เมจว่า หม่าแหน่ เจ๊อ อู เจ๊อ.
แว ซิหยื่อ เด๊อ ซี ปว๋า เตเพร เก่ พย๊าหนิ ลอ โหง่โค๊ตีกลี๊ อาเชหยู่ เต๊เห่ หม่าแน๊เรอ แว ซิหยื่อเล๊อ เด๊อ ซี ปว๋า เตเพร เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เต๊เห่. เมเตเฮ๊เรอ แกแย เด๊อ อา พย๊าหนิ เชหยู่ เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่ ฮู๊ เพรโพร เต๊เห่เนอ, อา โหล่ดุเล๊อ เร๊อ อา หนิบุ๊ยหนิเตอเรอ เล๊อ เน๊อ แกแย เด๊อ อา พย๊าหนิ โหง่โค๊ตีกลี๊ อาเชหยู่ เออเต๊เห่. หม่าแน๊เรอ แกแย เด๊อ อา เฮ๊เบ่ โหง่โค๊ตีกลี๊ เออเต๊เห่ เตเพรเนอ, แกแย เตเพรเพร เด๊อ อา เก่ เฮ๊โฉ่เถ่ โลโปล เป่ อู เน๊อ อา เฮ๊เบ่ โหง่โค๊ตีกลี๊ เออ อาโหง่แลช๊า เก่ โอ่ ตื๊อหม่า, อา หนิบุ๊ยหนิเตอเรอ เป่ เด๊อ เพรหยื่อเอ่เต ตู๊หมู่ตอกล๊อ เต๊เห่ อาเง แพ๊.
ကြော်ငြာတွေ