ꤚꤥꤗꤢꤩ꤬ 14:13 - ลีเทส่อพ๊าอาเซ เร๊อ เห่ขุทวาลู๊

¹³ ฮู๊เนอเรอ, แด่ ปา แต่ ลูเตซื๊อ เตเพร เร๊อ เตเพร แต่เหม่ นี๋. เต เด๊อ อา เก่ ทวาแถ่ เตแลคื๊อแลลอ, เตซื๊อเตปล๊า เด๊อ โป่แหว่ เตเพรเพร อาเง เฮ๊เนอ, เน เบ่ แด่แล โค๊แก เน ซิปล่อ เด๊อ เน เก่ เม ปา เตเนอเต๊เห่ เตอเจ๋อ โต่.

Eastern Kayah Shadaw Dialect

¹³ ꤟꤢꤨꤔꤣꤧ꤬ꤚꤣꤧ꤬, ꤘꤢꤧ꤬ ꤕꤢ꤬ ꤒ꤫ꤢꤧ꤬ ꤜꤢꤨ꤭ꤒꤢꤩ꤬ꤞꤢꤦ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤣꤧ꤬ꤋꤢꤦꤜꤣꤧ꤬ꤜꤢꤪ꤭, ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤘꤣ ꤕ꤫ꤥ꤬ꤠ꤫ꤢꤧ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ꤑꤢꤩ꤭ ꤟꤢꤩꤔꤣꤧ꤬, ꤔꤢꤧ꤬ ꤙꤢꤩ꤬ ꤘꤢꤧ꤬ꤜꤢꤧ꤬ ꤋꤥꤊꤢꤧ꤭ ꤔꤢꤧ꤬ ꤞꤤꤕꤜꤢꤪ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤢ꤬ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯

ꤚꤥꤗꤢꤩ꤬ 14:13 ပူးပေါင်းရင်းမြစ်များ

โครินธ์ เนอบ่า ต๊าบ่า 6:3

เป โด่แน เป่ อู เร๊อ เหย่ซู่ครี๊ อาหรี่อาแก เออ แซ่ฮู๊ อู เก่ เท๊ฉื่อแก แต่เหม่ เนอเรอ, เตเม เด๊อ อา ทวาแถ่ เหย่ซี เตเป๊อเจ่ออิแช๊ เต๊เห่เนอ เป เม เตอเจ๋อ โต่.

ꤡꤛꤢꤩ꤭ꤗꤢ꤬ꤎꤣ꤬ 4:11

แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.

ꤜꤢꤨꤊꤢ꤬ 12:57

“เต เด๊อ อา โตเม เร๊อ อา โตเมโต่ เนอ, ซี เบ่ แด๊เฮอ เกอเร๊อดื่อ ซี ซิปล่อ.

มัทธิว 7:1

“เฮ๊บอ เฮ๊บย่า เตเนซื๊อบอ เตเนซื๊อบย่า แต่ อู, แต่เหม่ นี๋. จอแปแหร่ เก่ เมเลอ กาคยาฉื่อ แซ่เกอคยา ซี ฮู๊เนอ ปา.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

ꤚꤥꤗꤢꤩ꤬ 14:10

ฮู๊เนอเรอ, เน จว๊า แด่ เตซื๊อ โต่ เน โป่แหว่ เมเต? หม่าโต่เรอ, เน จว๊า เตเน ปีตี๊โต่ เน โป่แหว่ เออเตเพร เมเต? ล๋อ เป เออเต๊เห่เนอ, เป เบ่ ก๊อถ่อลอ เด๊อ จอแปแหร่ เหล่เมจากาคยา อาเหล่โอ่ เนอ อาเป๊เส่เง ปา.

ꤜꤢꤨꤊꤢ꤬ 17:2

แกแย ฮู๊เนอ เตเพรเนอ พื๋อ เน๊อ อา เตเร เมโอ่ทวาแถ่ เต เด๊อ เพรปีตี๊เล๊อ เด๊อ อูเกล เตเพร เพร เก่ เมเตซื๊อ ฮู๊เออ เนอเรอ, จอ หล่อดุ เด๊อ อา แกโบลูเนอ เร๊อ ต่าตาแก อา เด๊อ เทอดุซาวากู เนอหม่า อาแร๊เล๊อ ปา เจ๊อ เด๊อ ลูเง เจ๊อ.

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

ꤡꤛꤢꤩ꤭ꤗꤢ꤬ꤎꤣ꤬ 2:4

ซี เมแคร๋ อิเต เนอหม่า ซี ซิเง เกอเร๊อ โต่ แอ? แกแย เด๊อ ซีเกล เออเต๊เห่เนอ, ซี แม๊เถอะ โค๊ เหย่ซี เร๊อ ซี ทวาแถ่ เพรเฮ๊เบ่เมโตเต อู เด๊อ อา โอ่เร๊อ เหล่เตเน มู๊แหม่รีแจ่ ซีเต๊เห่ เฮ๊อ.

โครินธ์ อาเหร่อเล๊อ ต๊าบ่า 11:13

ซี เตเนแม๊มอ, เพรเหมาะ เตเพร แฮ จ๊อเบ เด๊อ เตจ๊อเบโฮกู เร๊อ อา เก่ โก่ บี่เร๊อ อากู่กล๊อ โต่ เฮ๊เนอ, อาแร๊โต่ เนอหม่า ซี ซิเงดื่อ เฮ๊อ.

โครินธ์ อาเหร่อเล๊อ ต๊าบ่า 10:32

เด๊อ แกแยยิวพู๊ เต๊เห่ อาเง เบ่เบ่, แกแยยิวพู๊ หม่าโต่ เต๊เห่ อาเง เบ่เบ่, จอแปแหร่ อา เพรหยื่อเอ่เต ตู๊หมู่ตอกล๊อ เต๊เห่ เบ่เบ่, ซี เม เต อิเตเต๋ เนอ นอทวาแถ่ แต่ เตแลคื๊อแลลอ เด๊อ เหย่ซี อาเง แต่เหม่.

ꤚꤥꤗꤢꤩ꤬ 14:4

เน จว๊า แด่ เตซื๊อ โต่ เจ๊อ อู เพรแรเต เร๊อ หม่า เน หม่า แกแย ฮู๊เต เตเพร เจ๊อ? อา เม ทวาแถ่ อาเตเม เบ่เบ่, อา เม ทวาแถ่ โต่ เบ่เบ่, อาแบ่เจ่ โอ่ดื่อ เฮ๊อ, เร๊อ อา เก่ เฮ๊ เกอเร๊อดื่อ ลู ปา กอกอ, เมเตเฮ๊เรอ แบ่เจ่ จอแปแหร่ เออเนอ, อา เมจว่า เบ๊แจ่ เป่ เหย่ซี อาขว่าอาคยา, เหย่ซี เก่ เมทวาแถ่เบ๊ ปา.

มัทธิว 18:7

“เตอิลออี๊โหล่ นอเมซื๊อ อู เนอ เต๊เห่เนอ อา โอ่แถ่ อาขว่าอาคยา, จอแปแหร่เก่ เมจากาคยา แกแยเห่ขุพู๊เต๊เห่ ปา. เตเออเต๊เห่เนอ, อา เบ่ แฮทวาแถ่ หม่าแหน่ ปา. หม่าแน๊เรอ จอแปแหร่ เก๊เมจากาคยา แกแย เด๊อ อา เมทวาแถ่ เต เออเต๊เห่เนอ ปา.

มัทธิว 16:23

แบ่เจ่ เหย่ซู่ ตีรี๊ กาคยาโต คูเปโตร เร๊อ อา เฮ๊ ลู เน๊อ, “เก๋อ โลเน๊มู๊แหม่รีแจ่ กู่กล๊อ, เถ่จว๊า ตาพาแก เร๊อ แว, เน หม่า อาแซ่เน๊อ หล่อ เตเม เด๊อ อู เหล่ตอพอเบ่ เตเม เนอแพ๊. เน เหล่เตเน เต๊เห่เนอ อาแซ่เน๊อ แกแยเห่ขุพู๊ อาเหล่เตเน เนอ แพ๊. อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

แกแย เด๊อ อา โม เกอเร๊อ อู เตเพรเพรเนอ, อา โอ่เซอเพรเฮ๊อ เด๊อ เตลี อากูเฮ๊อ. เร๊อ เต เด๊อ อา เหล่ตาพอ แลคื๊อ จว๊า เด๊อ เตซื๊อ อากูเนอ, อา โอ่ปา เตอเจ๋อ โต่ เฮ๊อ.

ทิโมธี อาเหร่อเล๊อ ต๊าบ่า 5:14

ฮู๊เนอเรอ แว ซิหยื่อ เน๊อ เพรเหมาะโอ่แคร๊ เด๊อ อาหน่าเจ่ปา เต๊เห่ เก่ พย๊า แลแค อาเว. โทเรอ พู๊โอ่เลอโอ่ แลแค, เร๊อ แม๊ตู่หนิ แลแค หี่แพ เนอหม่า ตื๊อเรอ แกแย เด๊อ อา แม๊ปู เป เตซื๊อ เด๊อ อา เก่ เฮ๊มู๊แหม่รีแจ่ เป เต๊เห่เนอ, อา แม๊เถอะปา อาเหล่เฮ๊ เป เต๊เห่ โต่ เฮ๊อ.

ฟีลิปปี 1:10

แซ่ฮู๊ ซี เก่ ซิเงโปล ตาเต แร๊ เต เด๊อ อาแร๊เล๊อ เร๊อ ซี เก่ ซิปล่อ โพ๊แปละโพ๊, โท๊โต่ โต่ ช๋า ครี๊ แฮ คยาแซ๊ อาม๊อเนอ ปา เตอเนอเนอ, อู เก่ แด่แจ่ ปา แต่ เตซื๊อ เด๊อ ซีลู แต่เหม่ เนอ, แว กุยจ๊อเบ เป่ เด๊อ ซีเง.

โครินธ์ เนอบ่า ต๊าบ่า 5:14

ครี๊ อาเตโม เมเป่แก เฮ๊อ เป อาขว่าอาคยา, เป โอ่เซอเพร เป่ เด๊อ จอแปแหร่ อาเง ฮู๊เออ เฮ๊อ. เป ซิเง เร๊อ ครี๊ เซอ เป่ เด๊อ แกแย ปว๋า เตเพร อาเง อาโหง่แลช๊า หม่า หม่าเฮ๊อ แกแย ปว๋า เตเพร เซอ เต่อเกอ เฮ๊อ เร๊อ ครี๊ เฮ๊อ.

ꤚꤥꤗꤢꤩ꤬ 11:9

โทเรอ คูดาวิด เฮ๊ เน๊อ, “เหย่ซี เม ป่วย เร๊อ อา โตโครเอ่โตโครโอ เกอเร๊อ แลแค เหล่เอ่ เต๊เห่เนอ, อา เก่ ทวาแถ่ เกอเร๊อ คยาแซ๊ ดื่อ เหย่ซี แด๊ปา ปานี๋. โทเรอ อา เก่ ทวาแถ่ดื่อ เหย่ซี เหล่ตอพอ แลคื๊อ ปานี๋. เหย่ซี โตเบ่ พย๊าหนิ เลอ กาคยาฉื่อ คยาแซ๊ บ๋า เตเนอ, ปลี๊ เกอเร๊อดื่อ เหย่ซี นี๋.

ꤚꤥꤗꤢꤩ꤬ 14:3

แกแย เด๊อ อา เอ่ ลอ เตปว๋า เต๊อเจ่อ เตเพรเนอ, อา เบ่ เตเน ปีตี๊หนิ แกแย เด๊อ อา เอ่ เกออู เตปว๋า เต๊อเจ่อ โต่ เออเนอ เตเพร โต่. ฮู๊เนอเฮ๊อ แกแย เด๊อ อา เอ่ เกออู ปว๋า เต๊อเจ่อ โต่ เออเตเพรเนอ, อา เบ่ แด่ เตซื๊อ หนิ แกแย เด๊อ อา เอ่ เตปว๋า เต๊อเจ่อ เออเต๊เห่เนอ โต่, เมเตเฮ๊เรอ จอแปแหร่ เอ๊โมฉื่อ แกแย เออเตเพร.