ꤚꤥꤗꤢꤩ꤬ 14:12 - ลีเทส่อพ๊าอาเซ เร๊อ เห่ขุทวาลู๊

¹² ฮู๊เนอเรอ, เป เมโท แคร๋ เฮ๊อ อิเตเนอ เป เบ่ เฮ๊โฉ่แถ่โล ลอ จอแปแหร่ ปว๋า เพร ปา.

Eastern Kayah Shadaw Dialect

¹² ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤗꤢꤩ꤬ꤓꤥ꤭ ꤋꤚꤢꤧ꤮ ꤟꤣꤧ ꤤ꤬ꤒꤢꤩ꤭ꤔꤣꤧ꤬ ꤕꤢꤩ꤬ ꤙꤢꤩ꤬ ꤟꤢꤩꤏꤥ꤬ꤓꤢꤧ꤬ꤜꤥ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤖꤚꤢꤩ꤬ ꤕꤢ꤭꤯

ꤚꤥꤗꤢꤩ꤬ 14:12 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:5

หม่าแน๊เรอ เหย่ซี เมโทเฮ๊อ แคร๋ อิเตเนอ, เหย่ซี โตเบ่ กา แด๊โฉ่โลโปล คยาแซ๊ จอแปแหร่ เร๊อ อาเหน่ ปา. จอแปแหร่ โอ่ ตี๊หรี่แตแร หนื่ออื่อ เฮ๊อ อาเหน่ เร๊อ อา เก่ เมจากาคยา แกแย เซอเพร เต๊เห่ เร๊อ แกแยเซอ เออเต๊เห่ เฮ๊อ.

มัทธิว 12:36

หม่าแน๊เรอ แว เฮ๊ ซี, ช๋า จอแปแหร่ เมจากาคยา แกแย อาเค ปาเนอ, อา เก่ เมจากาคยา ล๋อ แกแย เด๊อ อา เฮ๊ เบ่ เตเน เกอ อูโต่ เร๊อ อา เฮ๊ เบ่ โหง่ เด๊อ อา บุ๊ยเตอ เรอ โต่ ปว๊า ตือมือ เนอ อา ข่า เกอ เร๊อ ดื่อ ปา.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

ꤊꤢ꤬ꤜꤢ꤬ꤒꤤ 6:5

เมเตเฮ๊เรอ แกแย ปว๋า เตเพร เบ่วี๊เบ่แย๊ เกอเร๊อดื่อ อา เตเอ่เตแร เต๊เห่.

ꤜꤢꤨꤊꤢ꤬ 16:2

แกแย ดุแหย่ เออเตเพร เอ๊แฮ อาเพร แม๊ตู่ ตาหมื่อตาเต เออเตเพร เร๊อ อา เฮ๊ ลู เน๊อ, ‘เนหรี่เนแก เด๊อ แว หนิโฮ เออเนอหม่า ฮู๊เต เต๊อเจ่อเต? เน เบ่ แด่โอ่โล เน ราม๊าราแด, เน แม๊ตู่เกอเร๊อ แว ตาหมื่อตาเต เนอเต๊เห่ อาหรี่อาแก, เมเตเฮ๊เรอ แว นอ ทวา แจ่ ปา เน เร๊อ เพรแม๊ตู่ แว ตาหมื่อตาเต เตเพร ปาโต่ เฮ๊อ.’

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.