ꤚꤥꤗꤢꤩ꤬ 13:6 - ลีเทส่อพ๊าอาเซ เร๊อ เห่ขุทวาลู๊

⁶ ฮู๊เนอ อาขว่าอาคยาเร๊อ, ซี โตเบ่ เด๊อะเป่ เกอ คุ๊ย อาหมู่อาร๊า, เมเตเฮ๊เรอ เหย่ซี หม่า อา ทวา จอแปแหร่ อา เพรแรเต เต๊เห่. โทเรอ เหย่ซี หม่า อา เด๊อะแล ซิปล่อ เร๊อ อา เม ลอเนอลอเซ เป่ อู เร๊อ อา เตเป๊อตี๊หรี่ เออ อาเง.

Eastern Kayah Shadaw Dialect

⁶ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤘꤣꤧꤕ꤫ꤢꤩ꤬ ꤊꤣꤧ꤭ ꤋꤝꤤ ꤢ꤬ꤗꤢꤨ꤬ꤢ꤬ꤚꤢ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤓꤝꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤘꤣꤧꤜꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤗꤢꤩ꤬ ꤜꤢꤪ꤭ꤏꤣꤧꤜꤢꤪ꤭ꤋꤢꤩ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤕꤣꤒꤣꤧ꤬ꤚꤤ꤬ ꤣꤧ꤭ ꤢ꤬ꤑꤢꤩ꤭꤯

ꤚꤥꤗꤢꤩ꤬ 13:6 ပူးပေါင်းရင်းမြစ်များ

ꤜꤢꤨꤊꤢ꤬ 23:2

เหย่ซี แด่ แลแค เตซื๊อ เด๊อ เหย่ซู่ อาลู เร๊อ อา เฮ๊ เน๊อ, “เป ปื่อหนิ แกแย เออเตเพร, เมเตเฮ๊เรอ อา อี๊หล่าเมซื๊อ เอ๊ลา เป แกแย เต๊เห่ อาแกล๊, เร๊อ อา เฮ๊ เร๊อ โหล่เด๊อะ เร๊อ โรมัน คุ๊ยซีซาร์ อาหมู่อาร๊า โต่, โท๊โต่ อา เฮ๊แลหนิ โป่ อาเหน่ เน๊อ แว หม่า ครี๊ เด๊อ อา หม่าดื่อ คุ๊ย เตเพร, อา เฮ๊ ฮู๊เนอ.”

ꤚꤥꤗꤢꤩ꤬ 12:8

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู.

ꤚꤥꤗꤢꤩ꤬ 13:5

ฮู๊เนอเรอ, ซี โตเบ่ หนิดา แกแย เด๊อ อา เป๊อ ซี เต๊เห่ อาโหง่. เด๊อ ซี เมซื๊อ อาขว่าอาคยา, เร๊อ อา เก่ เมจากาคยา ซี ปา ฮู๊เนอ ตื๊อดื่อ หม่าโต่, แซ่ฮู๊ ซี เก่ ซิเงแล เกอเร๊อ เกอ โป่ดื่อ ซีเหน่ เร๊อ เมฮู๊เออ หม่า อาแร๊แร๊ ฮู๊เนอ แพ๊.

ꤚꤥꤗꤢꤩ꤬ 13:7

ฮู๊เนอเรอ, ซี โหล่ เด๊อ อู เต๊เห่เนอ, เด๊อ แลแค, เก่ ซี โหล่ เด๊อะ ซีเงเร๊อดื่อ อาหมู่อาร๊า เก่เฮ๊เรอ เด๊อ แลแค นี๋. ซี เก่ โหล่เด๊อะ อาหมู่อาร๊า เด๊อ อาโร เต๊เห่ เฮ๊เรอ ตูรู๊ เด๊อ แลแค นี๋. ซี โต เบ่หยื่อเบ่แหน่ อู เต๊เห่เนอ เบ่หยื่อเบ่แหน่ แลแค อู นี๋. ซี โต เมลีเมเตเค อู เต๊เห่เนอ เมลีเมเตเค แลแค อู นี๋.