ꤚꤥꤗꤢꤩ꤬ 13:12 - ลีเทส่อพ๊าอาเซ เร๊อ เห่ขุทวาลู๊

¹² เหมาะคี๊ เตเร จว๊าตาลว๊าแก เฮ๊อ, เหมาะ เตเร บูตีลี๊ ลาเฮ๊อ. ฮู๊เนอเรอ เป เก่ แด่ตาแก ลอ เตเมมู๊แหม่ เด๊อ เป เม เด๊อ เตคี๊เกล เออเนอเต๊เห่ โป๋. เร๊อ เป เก่ กือแซ๊แถ่ แลแค เตลี อาจา ต่อเท๊ เออเต๊เห่ โป๋.

Eastern Kayah Shadaw Dialect

¹² ꤗ꤫ꤢꤪ꤬ꤋꤤ ꤊ꤫ꤢꤦ꤬ꤚꤢꤩ꤭ ꤡꤝꤢꤒꤣꤧ꤬ꤜꤝꤢꤊꤢꤧ꤭ ꤟꤣꤧ, ꤗ꤫ꤢꤪ꤬ ꤊ꤫ꤢꤦ꤬ꤚꤢꤩ꤭ ꤙꤢꤨ꤭ꤒꤣꤧ꤬ꤜꤤ ꤜꤢ꤭ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤘꤢꤧ꤬ꤒꤢ꤭ꤊꤢꤧ꤭ ꤜꤢꤪ꤭ ꤒꤢꤩ꤬ꤗꤢꤩ꤬ꤗꤢꤨꤗ꤫ꤢꤧ꤬ ꤘꤣ ꤕꤢꤩ꤬ ꤗꤢꤩ꤬ ꤘꤣ ꤒꤢꤩ꤬ꤋꤤꤊꤜꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤕꤥ꤮꤯ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤊꤢꤦ꤭ꤞꤢꤧꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤜꤤ꤭ ꤢ꤬ꤡꤢ꤬ ꤒ꤫ꤢꤪ꤬ꤓꤢꤩ ꤣꤧ꤭ꤒꤣꤧ꤬ꤟꤢꤩ꤬ ꤕꤥ꤮꤯

ꤚꤥꤗꤢꤩ꤬ 13:12 ပူးပေါင်းရင်းမြစ်များ

เอเฟซัส 5:11

เตคี๊เตลอ อาเตเม เต๊เห่เนอ จว๊าโนครวา เมเต่อเกอ แต่เหม่ นี๋. เหย่ซี เตเม เนอเต๊เห่ หม่า อาบุ๊ยเตอเรอ โอ่ เตอเจ๋อ โต่. หม่าแน๊เรอ, เต เออเต๊เห่เนอ อา เด๊อะซิเง เป่ อู เร๊อ อาแร๊โต่.

โครินธ์ เนอบ่า ต๊าบ่า 6:7

เป อิซว๊า เป่ อู จอแปแหร่ อาลาอาโหง่ เด๊อ อาจ๊ออาเต เต๊เห่, เร๊อ จอแปแหร่ อา เตโพร อาฉว่าอาชอ เออ เมจว่า เป. ฮู๊เนอ อาขว่าอาคยา เป เออเต๊เห่เนอ จอแปแหร่ เด๊อะโลโปล เจ๊อ เฮ๊อ เร๊อ เป ทวา อาหลู่เล๊ เต๊เห่ เฮ๊อ. เป โอ่ เน๊อ เหล่แตแด ตาตือ เออเนอ เร๊อ เป่แน๊ หม่าเฮ๊อ เตจ๊อเตเต เด๊อ จอแปแหร่ เด๊อะ เป เออเต๊เห่, เร๊อ อา แซ่เฮ๊อ เร๊อ เกลอฮู๊ เตเพร นอเอ่ เกอเร๊อ อา โจ๊โกโจ๊เบ เด๊อ อา เก่ ช๊าเต อาเง เออเนอ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

เตเด๊อะโลแถ่ 22:10

เร๊อ อา เฮ๊ โป่ แว เน๊อ, “โหง่ เด๊อ เพรโพร แด๊โฉ่ หนื่ออื่อ เด๊อ ลีเออต๊าบ่า อากู เต๊เห่เนอ, ด๊อโอ๊ด๊อบี๊แก แต่ อา แต่เหม่ นี๋, เมเตเฮ๊เรอ ล๋อ เตเออ เต๊เห่ เกเร ทวาแถ่ เนอ เบ๊อะเนอ ผื่อแถ่ ลา เฮ๊อ.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

โครินธ์ อาเหร่อเล๊อ ต๊าบ่า 7:29

โคแบ๊ซว๊า ซี๋, แว ซิหยื่อ เฮ๊ ซี หม่า ฮู๊เออ. ม๊อเนอ ตื๊อดื่อ ผื่อแถ่ เฮ๊อ. เป๊อแถ่ กู๊แหน่เออ ตาแฮเง, แกแย เด๊อ อาเมโอ่ อาเวโอ่ เต๊เห่เนอ, อา โตเบ่ โอ่เซอเพร แลแค ฮู๊ แกแย เด๊อ อาเม โอ่โต่ อาเว โอ่โต่ เต๊เห่เนอ.

โครินธ์ อาเหร่อเล๊อ ต๊าบ่า 10:11

เตเออเต๊เห่ จว๊า ทวาแถ่ โต่ ลอปลี ฮู๊เนอ เมเตเฮ๊เรอ แซ่ฮู๊ แกแย เด๊อ อาโร เต๊เห่ เก่ ครวา แม๊บือ เมเกอ แต่ ฮู๊เนอ แต่เหม่ เนอ, อา เด๊อะโล เป่ อู แพ๊. แซ่ฮู๊ อู เก่ เด๊อะรอเด๊อะเร หนื่ออื่อ เป่ เป เด๊อ อา โอ่เซอเพร เด๊อ คยาเล๊อ อู เออตือทือ เต๊เห่ อาเงเนอเรอ, อู ราม๊าราแด โอ่แก เป่ เด๊อ ลีเทส่อพ๊ากู เออแพ๊.

โครินธ์ เนอบ่า ต๊าบ่า 10:4

เตช๊า อา โจ๊โกโจ๊เบ เด๊อ เป นอเอ่ เออเต๊เห่ เนอหม่า แกแย เห่ขุพู๊ อา โจ๊โกโจ๊เบ หม่าโต่. เป นอเอ่ จอแปแหร่ อา โจ๊โกโจ๊เบ เด๊อ อาโพรอาฉว่าอาชอ เร๊อ อา เมตาพรอ ปย๊าแกเบ๊ ลอปลี เจ๊อ วีเกเร๊หล่อดุ เต๊เห่ เร๊อ เตเคร๊แขะ ลู เด๊อ อาซื๊อ เนอเต๊เห่ เจ๊อ.

เอเฟซัส 5:8

ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.

ꤟꤤꤙꤚꤢꤨ 10:25

แกแย เต๊เห่เห่ เนอ, อา วีแก เตจ๊อเบ เต่อโหร่ลู เต๊เห่, หม่าแน๊เรอ เป เร๊อ, วีแก เกอ แต่ อู เป เหล่โกล จ๊อเบ เต่อลูเออ ฮู๊ เหย่ซี เนอเต๊เห่ วีแก เนอ แต่เหม่ นี๋. โท๊โต่, เป เก่ เด๊อะอ๊าเด๊อะเหร่ โหร่ลู เตเพร เร๊อ เตเพร โป๋. แบ่เจ่ เตเร แฮคยา ม๊อเนอม๊อเซ เออเนอ อา ผื่อแถ่เฮ๊อ อาขว่าอาคยา, เป ลื๋อ เด๊อะอ๊าเด๊อะเหร่ ฉว่าเล๊อ เกอเร๊อ โป่ เจ๊อ ลู เตเพร เร๊อ เตเพร โป๋.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

ꤡꤛꤢꤩ꤭ꤗꤢ꤬ꤎꤣ꤬ 5:8

ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.

เปโตร เนอบ่า ต๊าบ่า 3:11

จอแปแหร่ เก่ เมปย๊าแก ลอ ฮู๊เออเนอ ปา อาขว่าอาคยา, ซี เนอ, ซี โตเบ่ โอ่เซอเพร ฮู๊เต เฮ๊เนอเรอ, เบ๊อะซี โอ่ป่อ แม๊ชือ จอแปแหร่ แฮ ปา เบ๊อะเนอ, ซี โต โอ่เซอเพร บูโพ๊ เนอ, ซี โต โอ่เซอเพร โต เร๊อ จอแปแหร่ อาซิปล่อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:18

แวพู๊แวเลอ ซี๋, ม๊อเนอ ตื๊อดื่อ ผื่อแฮเฮ๊อ, อู เฮ๊โฉ่โด่แน โทเปเฮ๊อ ซี เร๊อ เพรซิเถ่ ครี๊ เนอเตเพร เก่ แฮ ปา. เร๊อ กู๊แหน่เออ เพรซิเถ่ ครี๊ เออเต๊เห่เนอ อา แฮโอ่โลแถ่ เอ๊ลา เฮ๊อ อาขว่าอาคยา, เป ซิเง เร๊อ ม๊อเนอ ตื๊อดื่อ ผื่อแฮเฮ๊อ.