ꤚꤥꤗꤢꤩ꤬ 13:11 - ลีเทส่อพ๊าอาเซ เร๊อ เห่ขุทวาลู๊

¹¹ ซี เบ่ โมเร๊อ อู เมเตเฮ๊เรอ กู๊แหน่ เออเนอ ซี ซิเง เร๊อ ม๊อเนอ เด๊อ อา โหล่ดุ หม่าแหน่เล๊อ เออเต๊อเจ่อเนอ อา เตเร ผื่อ แฮโต่เฮ๊อ. ก๊อถ่อมอ แลแค, อา โต โอ่เมอปาโต่ เฮ๊อ. เตเมแลเปล๊กา เป เออเนอ, อา แฮโต่ ผื่อเล๊อ เฮ๊อ เน๊อ ม๊อเนอม๊อเซ เด๊อ เป หยื่อเอ่ ลู่ เค เนอเฮ๊อ.

Eastern Kayah Shadaw Dialect

¹¹ ꤞꤤ꤭ ꤙꤢꤩ꤬ ꤗꤥ꤬ꤚꤣꤧ ꤢꤨ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤏꤣꤧꤋꤢꤩ꤭ ꤘꤣ ꤢ꤬ ꤜ꤫ꤥ꤬ꤘꤢꤨ꤬ ꤗ꤫ꤢ꤬ꤔꤤꤔꤢꤧ꤬ꤜꤣ ꤣꤧ꤭ꤒꤣ꤬ꤡꤣ꤬ꤔꤣꤧ꤬ ꤢ꤬ ꤖꤢꤦ꤬꤮ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ꤯ ꤊꤣꤧ꤬ꤓꤢꤪ꤬ꤗꤣꤧ꤭ ꤜꤢ꤭ꤋꤢꤧ꤭, ꤏꤣꤧꤋꤢꤩ꤭ ꤒꤥ꤭ ꤥ꤬ꤗꤣꤧ꤭ꤥ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ꤯ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤣꤧ꤭ꤔꤣꤧ꤬, ꤢ꤬ ꤟꤢꤧ꤭ꤒ꤫ꤥ꤬ ꤖꤢꤦ꤬ꤜꤣ ꤟꤣꤧ ꤔꤢꤧ ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤜꤢꤨ ꤋꤢꤩ꤭ ꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 13:11 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

โครินธ์ อาเหร่อเล๊อ ต๊าบ่า 15:34

เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

เตเด๊อะโลแถ่ 22:20

แกแย เด๊อ อา เด๊อะโล เร๊อ ล๋อ เตหรี่เตแก เออเต๊เห่ เตเพรเนอ, อา เฮ๊ เน๊อ, “อ่อ, แว เก่ แฮแล ปา,” อาเมน, เก๋อ แบ่เจ่ เหย่ซู่ครี๊, แฮมอ แต๋.

ꤜꤢꤨꤊꤢ꤬ 21:28

ช๋า เตเออเต๊เห่ เป๊อแถ่ เมเฮ๊อ อาเบ๊อะเนอ ปาเนอ, ก๊อถ่อ แลแค เร๊อ จอแถ่ แลแค ซี กู่กล๊อ, เมเตเฮ๊เรอ, งยาแต่โต่ ปาหม่า จอแปแหร่ เก่ เมแลเปล๊กา เฮ๊อ ซี ปา เฮ๊อ.”

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

โครินธ์ อาเหร่อเล๊อ ต๊าบ่า 10:11

เตเออเต๊เห่ จว๊า ทวาแถ่ โต่ ลอปลี ฮู๊เนอ เมเตเฮ๊เรอ แซ่ฮู๊ แกแย เด๊อ อาโร เต๊เห่ เก่ ครวา แม๊บือ เมเกอ แต่ ฮู๊เนอ แต่เหม่ เนอ, อา เด๊อะโล เป่ อู แพ๊. แซ่ฮู๊ อู เก่ เด๊อะรอเด๊อะเร หนื่ออื่อ เป่ เป เด๊อ อา โอ่เซอเพร เด๊อ คยาเล๊อ อู เออตือทือ เต๊เห่ อาเงเนอเรอ, อู ราม๊าราแด โอ่แก เป่ เด๊อ ลีเทส่อพ๊ากู เออแพ๊.

มัทธิว 16:3

โทเร๊อ เหมาะลี เบ๊อะเนอ, เหมาะ เก่ ลี, อ๊อโหล่ เก่ โด เฮ๊อเร๊อ ซี เฮ๊ แลแค เนอ, เก่แลแล แฮ ปา, ซี แม๊ ม๊อเล เตเมทวาแถ่ เต๊เห่ เร๊อ ซี แม๊ลว๊า ซิเงหนื่ออื่อ เหร่อ เก่จือ เก่แลเซ๊ อาหรี่อาแก, ตื๊อดื่อเรอ เตเหม่ทวาแถ่ อาเหน่ กู๊แหน่เออ เต๊เห่เนอ, ซี จว๊า ซิเง ลว๊า เหร่อ อาโหง่แลช๊า โต่ หม่า ฮู๊เต?

ꤡꤛꤢꤩ꤭ꤗꤢ꤬ꤎꤣ꤬ 5:8

ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.

เปโตร เนอบ่า ต๊าบ่า 3:11

จอแปแหร่ เก่ เมปย๊าแก ลอ ฮู๊เออเนอ ปา อาขว่าอาคยา, ซี เนอ, ซี โตเบ่ โอ่เซอเพร ฮู๊เต เฮ๊เนอเรอ, เบ๊อะซี โอ่ป่อ แม๊ชือ จอแปแหร่ แฮ ปา เบ๊อะเนอ, ซี โต โอ่เซอเพร บูโพ๊ เนอ, ซี โต โอ่เซอเพร โต เร๊อ จอแปแหร่ อาซิปล่อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:18

แวพู๊แวเลอ ซี๋, ม๊อเนอ ตื๊อดื่อ ผื่อแฮเฮ๊อ, อู เฮ๊โฉ่โด่แน โทเปเฮ๊อ ซี เร๊อ เพรซิเถ่ ครี๊ เนอเตเพร เก่ แฮ ปา. เร๊อ กู๊แหน่เออ เพรซิเถ่ ครี๊ เออเต๊เห่เนอ อา แฮโอ่โลแถ่ เอ๊ลา เฮ๊อ อาขว่าอาคยา, เป ซิเง เร๊อ ม๊อเนอ ตื๊อดื่อ ผื่อแฮเฮ๊อ.

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

เตเด๊อะโลแถ่ 22:10

เร๊อ อา เฮ๊ โป่ แว เน๊อ, “โหง่ เด๊อ เพรโพร แด๊โฉ่ หนื่ออื่อ เด๊อ ลีเออต๊าบ่า อากู เต๊เห่เนอ, ด๊อโอ๊ด๊อบี๊แก แต่ อา แต่เหม่ นี๋, เมเตเฮ๊เรอ ล๋อ เตเออ เต๊เห่ เกเร ทวาแถ่ เนอ เบ๊อะเนอ ผื่อแถ่ ลา เฮ๊อ.