ฮู๊เนอเรอ, อูเปเป๋ เบ่เบ่, อา โตเบ่ เด๊อะ ฮู๊ อา แด่แล โทเฮ๊อ อาซิปล่อ เด๊อ อา เตเร เด๊อะ บ๋า เต อาขุเนอ แพ๊. อา เบ่ ซิโล กาคยา เกอเร๊อ โต่. อา เบ่ แด่หนิ อาซิปล่อ เร๊อ อา ตาเบ่เฮ๊อ ลูขุ เร๊อ อา โตเบ่ เด๊อะเฮ๊อ ฮู๊เนอ หนิ โต่, เมเตเฮ๊เรอ จอแปแหร่ โมเร๊อ แกแย เด๊อ อา ซิครือซิลอ เด๊อะอู เนอเต๊เห่ แพ๊.
ꤚꤥꤗꤢꤩ꤬ 12:8 - ลีเทส่อพ๊าอาเซ เร๊อ เห่ขุทวาลู๊8 เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู. အခန်းကိုကြည့်ပါ။Eastern Kayah Shadaw Dialect8 ꤊꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤒꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤙꤢꤩ꤬ ꤏꤢꤧ꤬ꤋꤚꤝꤢ꤭ ꤢꤨ꤭ꤋꤛꤢ꤭ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤏꤢꤧ꤬ꤋꤚꤝꤢ꤭ ꤢꤨ꤭꤯ ꤊꤢꤩ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤢ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤜꤢꤨ꤭ꤗꤢꤩ꤬ꤒꤢꤧ꤭ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤜꤢꤨ꤭ꤗꤢꤩ꤬ꤒꤢꤧ꤭ ꤕ꤫ꤢꤩ꤬ꤘꤢꤦ꤬ ꤢꤨ꤭꤯ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤘꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤒꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤙꤢꤩ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ ꤏꤢ꤭ꤖꤚ꤫ꤢꤩ꤬ꤏꤢ꤭ꤗꤢꤧ꤬ ꤚꤣꤧꤘꤢꤦ꤬꤯ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤢ꤬ ꤞꤤꤛꤢꤪ꤬ ꤗꤢꤩ꤬ꤡꤝ꤫ꤢ꤬ꤚꤣꤧ ꤢꤨ꤭ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ ꤘꤣ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤢ꤬ꤊꤢꤨ꤭꤯ အခန်းကိုကြည့်ပါ။ |
ꤚꤥꤗꤢꤩ꤬ 12:8
57 ပူးပေါင်းရင်းမြစ်များ
โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.
เด๊อ เพรหยื่อเอ่ตู๊หมู่ตอกล๊อ อากู เนอ, จอแปแหร่ แด่แถ่ เหร่อเล๊อ เพรโด่แนพู๊ เต๊เห่, เนอโต่โต๊โต่ หม่า เพรโพร เต๊เห่, โซโต่โต๊โต่ หม่า ซ๊าร๊า เต๊เห่, เด๊อคยาเร๊อ แกแย เด๊อ อา เมโล เตโค๊ตีกลี๊ เต๊เห่, แกแย เด๊อ อา พย๊าหนิ เตเตอเรอฉว่าชอ เด๊อ อา แหย่โอ่เหม่แจ่ เป่ อู เตชุ๊ย เต๊เห่, แกแย เด๊อ อา เมจว่า อู เต๊เห่, แกแย เด๊อ อา ยูแกล๊ยูโกล เป่ อู เต๊เห่, เร๊อ แกแย เด๊อ อา เฮ๊เบ่แจ่ โหง่โค๊ตีกลี๊ลู เต๊เห่ เออเนอ เต๊เห่ เฮ๊อ.
หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.
เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.”
แกแย เต๊เห่เห่ เนอ, อา วีแก เตจ๊อเบ เต่อโหร่ลู เต๊เห่, หม่าแน๊เรอ เป เร๊อ, วีแก เกอ แต่ อู เป เหล่โกล จ๊อเบ เต่อลูเออ ฮู๊ เหย่ซี เนอเต๊เห่ วีแก เนอ แต่เหม่ นี๋. โท๊โต่, เป เก่ เด๊อะอ๊าเด๊อะเหร่ โหร่ลู เตเพร เร๊อ เตเพร โป๋. แบ่เจ่ เตเร แฮคยา ม๊อเนอม๊อเซ เออเนอ อา ผื่อแถ่เฮ๊อ อาขว่าอาคยา, เป ลื๋อ เด๊อะอ๊าเด๊อะเหร่ ฉว่าเล๊อ เกอเร๊อ โป่ เจ๊อ ลู เตเพร เร๊อ เตเพร โป๋.
แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.
เป ย๋อ โม เกอเร๊อ แหน่เจ๊อ ซี, โทเรอ ซี ทวา เป โคแบ๊ซว๊า เด๊อ อา โมแหน่เจ๊อ เป เต๊เห่ อาขว่าอาคยา, เป ตี๊หรี่แตแร หนื่ออื่อ เปเหน่ เด๊อ เป เก่ แด๊โฉ่ ซิเง ตื๋อ เป่แพ๊ ซี เร๊อ จอแปแหร่ อา เตซิครือมีลา เออ อาหรี่อาแก เนอหม่าโต่. เป โอ่ ตี๊หรี่แตแร หนื่ออื่อ โป่ เจ๊อ เปเหน่ เร๊อ เป เก่ โอ่เต่อเกอ เร๊อ ซี เร๊อ, พย๊าจว่าเมจว่า เกอโป่ เจ๊อ ซี.
หลู่ ซี๋ หนิดา แลแค ซีแบ่เจ่ เต๊เห่ อาโหง่ เด๊อ เตล๋อ ปลี อากู นี๋. ซี ซิหยื่อ พย๊าหนิ อา เตถู่เซ๊ ซี เร๊อ ซี เมแร๊ แลแค แพ๊ตื๊อ เบ๊อะอา เป๊เส่เง แพ๊. เม แลแค ฮู๊เนอ แต่เหม่ นี๋. เมแร๊ แลแค ปว๋า โตโพ๊ เด๊อ เตซิปล่อจ๊อ ซิปล่อเต อากู นี๋. เมเตเฮ๊เรอ, เด๊อ ซี ย๋อ แด่หยื่อแด่แหน่ แลแค จอแปแหร่ อาขว่าอาคยา, ตูรู๊ เมแร๊ แลแค นี๋.
ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.
ซี เตเมจว่า เออเนอ อา ข่าเด๊อะโล เน๊อ ซี หยื่อเอ่ หม่าแหน่ แบ่เจ่ เหย่ซู่ เฮ๊อ. เด๊อ ซี ย๋อ หยื่อเอ่ ครวาเมเกอ ฮู๊ ครี๊ อา เตซิครือมีลา เฮ๊เนอ อาขว่าอาคยา, อู เก่ ถู่เซ๊แถ่ เอ๊แหน่เจ๊อ จอแปแหร่ ปา. เมเตเฮ๊เรอ เด๊อ ซี ซิปล่อฉว่า เมจว่า เป่ เหย่ซี เร๊อ อู ปว๋า เตเพร อาขว่าอาคยา, แกแย เก่ ถู่เซ๊แถ่ โร๊ลา จอแปแหร่ ฮู๊เนอ ปา.
หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.
แซ่ฮู๊ อา เก่ เฮ๊ตา หนิเป่ อาพู๊อาเลอ, อากลุยอาลุ๊ย เด๊อคยา เต๊เห่ อาเงเนอเร๊อ, แว นว๊าแถ่ โทเฮ๊อ ลู เร๊อ เด๊อ เหย่ซี เม เต เด๊อ อาโตอาเบ่ เน๊อ อาจ๊ออาเต อาขว่าอาคยา, เหย่ซี เก่ จูเอ่ ครวาเม แลแค จอแปแหร่ ตูจูเพร อาโหง่ ปา. เหย่ซี เก่ เมฮู๊เนอ เฮ๊เรอ ฮู๊แว อ๊อแลนอแล โทเฮ๊อเนอ, แว เก่ เมเล๊อเมบา ลอปลี เป่ เจ๊อดื่อ อา ปา.”
ကြော်ငြာတွေ