ꤚꤥꤗꤢꤩ꤬ 12:6 - ลีเทส่อพ๊าอาเซ เร๊อ เห่ขุทวาลู๊

⁶ เป เก่ นอจ่อเอ่ เป เชหยู่ เด๊อ จอแปแหร่ เด๊อบุ๊ย เด๊อะเตอเรอ ลู เตเพร เร๊อ เตเพร เออเนอ. จอแปแหร่ เก่ นอแด๊โฉ่โด่แน แกแย เตเพรเพร เร๊อ อาลาอาโหง่ เก่เฮ๊เรอ, อา โตเบ่ แด๊โฉ่โด่แน บ๊า จอแปแหร่ เด๊อ ลู เตหยื่อเตแหน่ เนอแพ๊.

Eastern Kayah Shadaw Dialect

⁶ ꤕꤢꤩ꤬ ꤊ꤫ꤢꤦ꤬ ꤔꤢꤪ꤭ꤢꤩ꤬ ꤕꤢꤩ꤬ ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤙꤝꤤ ꤘꤣꤧꤒꤣꤧ꤬ꤚꤣꤧ꤭ ꤋꤥꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤔꤢꤪ꤭ꤟꤢꤩꤏꤥ꤬ꤘꤥ꤬ꤔꤢꤧ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤢꤧ ꤢ꤬ꤜꤢ꤭ꤢ꤬ꤍ꤫ꤥ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤒꤥ꤭ꤙꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤙꤢ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤣꤧ꤬ꤖꤢꤧ꤯

ꤚꤥꤗꤢꤩ꤬ 12:6 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 7:7

เก่ เฮ๊แหน่แหน่หม่า แว ซิหยื่อ นอโอ่ปาลา เกอ ลอ ซี ฮู๊ แวเออ. หม่าแน๊เรอ จอแปแหร่ เด๊อะตา เตเพร เร๊อ เตเพร เนอหม่า อา แซ่ลู โต่. เออเตเพร เร๊อ อา เด๊อะตา ลู เชหยู่ เออเต๊อเจ่อ เด๊อ เนอเตเพร เร๊อ อา เด๊อะตา ลู เชหยู่ เด๊อ อาโร เต๊อเจ่อ ลาติ อา เม ฮู๊เนอ.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ꤚꤥꤗꤢꤩ꤬ 1:11

เมเตเฮ๊เรอ แซ่ฮู๊ แว เก่ แฮ เด๊อะ เป่เกอ ซี จอแปแหร่ อา แหย่โยบูโพ๊ อาเชหยู่ เออเนอเรอ, แว ซิหยื่อ แฮ โอ่เล เกอ ลา ซี. จอแปแหร่ อา แหย่โยบูโพ๊ อาเชหยู่ เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

โครินธ์ อาเหร่อเล๊อ ต๊าบ่า 13:2

แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 14:1

ซี โตเบ่ จ่าเพรอ แอ๊จื๊อ โมเร๊อ เกออู. โทเรอ ซิหยื่อ พย๊าหนิ เกอ แลแค อู เชหยู่ เด๊อ แหย่โยบูโพ๊ แบ่เจ่ เด๊อะตาครา เออเนอ เต๊เห่. เชหยู่ หนิครา เด๊อ อาแร๊เล๊อ อู หม่า หม่าเฮ๊อ แด๊โฉ่โด่แน แจ่ เป่ อู เร๊อ จอแปแหร่ อาลาอาโหง่ ฮู๊ เพรโพร เตเพร เนอเฮ๊อ.

โครินธ์ เนอบ่า ต๊าบ่า 8:12

ซี เก่ ซิปล่อฉว่า เด๊อะ เกอเร๊อดื่อ หม่าแหน่แหน่ เฮ๊เรอ จอแปแหร่ ซิหยื่อ ฮู๊เนอ เฮ๊อ. ซี เด๊อะเบ๊ บ๋า เต บ๋า เต เนอ, อา โหล่ดุ ลา หม่าโต่. จอแปแหร่ ซิหยื่อ นอเด๊อะ ซี บ๊า ซี เด๊อะเบ๊ เนอแพ๊. เต เด๊อ ซี เด๊อะเบ๊โต่ เนอ อา กุย เร๊อ ซี ตีกี๋ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

เตเน ปีตี๊ แต่ เพรโพร อา เตเฮ๊โพร หนื่ออื่อ เนอเต๊เห่ แต่เหม่ นี๋.

โครินธ์ อาเหร่อเล๊อ ต๊าบ่า 14:29

ฮู๊เนอเฮ๊อ, แกแย เด๊อ อา เฮ๊โพร จอแปแหร่ อาลาอาโหง่ เต๊เห่เนอ, อา โต เฮ๊โพร แพ๊ ซิเนอ โต่หม่าแน๊ ซิโซ แพ๊. เหย่ซี เฮ๊โพร เออเต๊เห่ เนอหม่า จอแปแหร่ นอเฮ๊โพร หม่า เหย่ซี แอ, หม่าโต่ แอ เนอ, แกแย เด๊อ อา โอ่แก เต๊เห่ โตเบ่ หนิดา เร๊อ เตเนแม๊ ตาเต แลแค เหย่ซี อาเตเฮ๊โพร เออเต๊เห่.

เพรโด่แนพู๊ เต๊เห่ 15:32

คูยูดาส เร๊อ คูสิลาส เด๊อ อา หม่าดื่อ เพรโพร เออซิเนอเนอ, อา แช่ครวา เด๊อะอ๊าเด๊อะเหร่ งยากู๋ ลา เน๊อ เพรหยื่อเอ่แหน่พู๊ เบ๊อะเนอ เต๊เห่.

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

ฟีลิปปี 3:15

ล๋อ เป เด๊อ อา ดุตาซิเหน่เต แลแค เฮ๊อ เด๊อ แหย่โย ตากยา เออเต๊เห่เนอ, เป โตเบ่ แด่ แซ่ลู เป ซิปล่อสู่เทอ ฮู๊ แว เฮ๊เป่เฮ๊อ ซี เออเนอ. หม่าแน๊เรอ เด๊อ ซีเกล เต๊เห่เห่ เนอ, อา เก่ แด่ โค๊ดื่อ อา ซิปล่อสู่เทอ เก่เฮ๊เรอ, จอแปแหร่ เก่ เด๊อ ซิเงโปลแร๊ ดื่อ ซี เตเตเน เด๊อ อาโต เนอเต๊เห่ ปา.

เอเฟซัส 3:5

เตจ่อแย เออเนอ, จอแปแหร่ เด๊อะโล เป่ แกแย มู๋ หนู่เค เนอเต๊เห่ โต่. หม่าแน๊เรอ กู๊แหน่เออ เด๊อ แหย่โยบูโพ๊แบ่เจ่ อาขว่าอาคยาเร๊อ, อา เด๊อะโล เป่ เฮ๊อ อา เพรโด่แน เด๊อ อา บูโพ๊ เออเต๊เห่ เร๊อ อาเพรโพร บูโพ๊ เออเต๊เห่ เฮ๊อ.

เพรโด่แนพู๊ เต๊เห่ 13:1

เพรหยื่อเอ่ตู๊หมู่ตอกล๊อ เบ๊อะวีอันทิโอก อากูเนอ, เพรโพร เร๊อ ซ๊าร๊า โอ่ เต๊เห่. หม่าอูเป เฮ๊เนอหม่า คูบารนาบัส, คูสิเมโอน (เด๊อ อู เอ๊ ลู เร๊อ แกแยนิเกอร์) เร๊อ คูลูสิอัส (วีอันทิโอก), คูมานาเอล (อู โบ่ ดุแถ่ เต่อโหร่เกอ อา เร๊อ คุ๊ยเฮโรด) เน๊อ คูเซาโล เออเต๊เห่ เฮ๊อ.

ꤜꤢꤨꤊꤢ꤬ 11:49

เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

โครินธ์ อาเหร่อเล๊อ ต๊าบ่า 14:24

หม่าแน๊เรอ, เฮ๊โก๊หลื่อ, แกแย อาโร เด๊อ อา หนิโฮน๊อ เกออู โหง่โค๊ตีกลี๊ เออเต๊เห่ โตโพ๋โต่ เต๊เห่, หม่าโต่เรอ แกแย เด๊อ อา หยื่อเอ่ เกอล๋าย ครี๊ โต่ เต๊เห่ เก่ แฮจ๊อเบ เต่อเกอ ซี เฮ๊เรอ ซี เก่ เฮ๊โพร จอแปแหร่ อาลาอาโหง่ ปว๋า เตเพร เฮ๊เนอ, เหย่ซี เก่ ซิเงแล เกอเร๊อ แลแค อาเหน่ เร๊อ เหย่ซี หม่า เพรเมเตซื๊อ เต๊เห่ ปา. เด๊อ ซี เฮ๊โพร เออ อาขว่าอาคยาเร๊อ เหย่ซี เก่ ซิหยื่อ ถู่แหล่แต๊แกละกา แลแค อาซิปล่อ ปา.

เพรโด่แนพู๊ เต๊เห่ 21:9

อา พู๊เพรเหมาะ พู๊เส่โอ่ ซิลุย. เหย่ซี เฮ๊โพร หนื่ออื่อ เป่ อู เร๊อ จอแปแหร่ อาหรี่อาแก เต๊เห่.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

โครินธ์ อาเหร่อเล๊อ ต๊าบ่า 12:18

หม่าแน๊เรอ เหน่กล่อ อาครืออาขรว่า เต๊อเจ่อ เร๊อ เต๊อเจ่อ เนอ, จอแปแหร่ แด่ตาดื่อ เฮ๊อ ลู อาเหล่โอ่ เร๊อ อาเหล่โอ่ เร๊อ อา แด่ตา จู๋ ดื่อ ฮู๊ อาโต ลูซิปล่อ เนอ เฮ๊อ.

เปโตร เนอบ่า ต๊าบ่า 1:20

เต เด๊อ อา โหล่ดุเล๊อ หม่า, ซี โตเบ่ ซิเง เร๊อ จอแปแหร่ อาลี เด๊อ เพรโพร ราหนื่ออื่อแก เต๊เห่เนอหม่า, อา รา เกอเร๊อ แลแค เร๊อ อา เหล่เตเน เร๊อดื่อ เต๊เห่เนอ หม่าโต่.

มัทธิว 25:22

“แกแย เด๊อ อา พย๊าหนิ เท เนอโจ่ย เออเตเพรเนอ, อา พย๊าแฮ เอ๊แถ่โป่ เนอโจ่ย เร๊อ อา เฮ๊ อาแบ่เจ่ เน๊อ, ‘แบ่เจ่, เน เด๊อะ แว เท อารา เนอโจ่ย, เร๊อ เออเล๊, แว เม เถ่นี๋ เอ๊เล๊อโป่ เฮ๊อ เนอโจ่ย เฮ๊อ.’