ꤚꤥꤗꤢꤩ꤬ 12:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

Eastern Kayah Shadaw Dialect

³ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤋꤝꤢ꤬ꤋꤛꤢ꤭ꤚꤣꤧ꤬ ꤢ꤬ ꤘꤢꤧ꤬ꤓꤢꤧ꤬ ꤠꤢꤧ꤭ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩ ꤜꤢꤪ꤭ꤕꤜꤤ꤭ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ, ꤒꤣꤧ꤬ꤔꤢꤩ꤬ꤘꤢꤨ꤬ ꤜꤣ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤔꤢꤧ ꤙꤢ ꤞꤤ꤭ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤞꤤ꤭ꤔ꤫ꤢꤩ꤬ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬ ꤞꤤ꤭ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ꤚꤣꤧ ꤞꤤꤔ꤫ꤢꤩ꤬ ꤙꤢ ꤢ꤬ꤊꤢꤪ꤬ꤢ꤬ꤙꤢꤩ꤬ ꤔꤣꤧ꤬ꤖꤢꤧ꤯ ꤘꤣꤧꤟꤣꤧ꤭ ꤜꤢꤧ꤬ꤗꤢꤧ ꤚꤣꤧꤘꤢꤦ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤ꤭ ꤔꤣꤧ꤬ꤗꤢ꤬ ꤢ꤬ꤘꤢꤨ꤬ ꤙꤢ꤮ ꤒꤢꤩ꤭ꤔꤣꤧ꤬ ꤒꤣꤧ꤬ꤔꤢꤩ꤬ꤞꤢꤧ ꤜꤢ꤭ꤋꤢꤧ꤭ ꤙꤢꤔꤣꤧ꤬ꤖꤢꤧ ꤔꤤ꤮꤯

ꤚꤥꤗꤢꤩ꤬ 12:3 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 6:3

แกแย เตเพรเพร เด๊อ อา เฮ๊ เกอเร๊อ อาเหน่ เน๊อ, แว หม่า แกแย เด๊อ อู โหล่ดุหนิเล๊อะ เตเพร อา เฮ๊ หม่าแน๊เรอ อา เก่ หม่า ฮู๊เนอ หม่าโต่ เฮ๊เนอหม่า อา แลโฮ แล เกอเร๊อดื่อ อาเหน่ แพ๊.

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

ꤚꤥꤗꤢꤩ꤬ 12:16

โอ่เซอเพร โหร่ลอ ลู เด๊อ ซิปล่อ เตเม๋ จือ อากู นี๋. พย๊าแถ่โล แต่ แลแค ซี ซิปล่อ แต่เหม่ นี๋. โท๊โต่ แบ๊ซว๊าเค๊โค หนิเกอ แลแค เร๊อ แกแย โซพ๊าโซแรพู๊ เนอเต๊เห่ นี๋. เตเนดุ เกอ เร๊อ เนเหน่ แต่เหม่ นี๋.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

ꤡꤛꤢꤩ꤭ꤗꤢ꤬ꤎꤣ꤬ 4:6

หม่าแน๊เรอ เตบุ๊ยเตเตอเรอ เด๊อ จอแปแหร่ เด๊อะตา เป เออเนอ, อาอ๊าอาเหร่ ฉว่าเล๊อ ปา เจ๊อ. ฮู๊เนอ อาขว่าอาคยา ลีเทส่อพ๊ากู เฮ๊ เน๊อ, “จอแปแหร่ เมตาตือ ฉื่อแก แกแย เด๊อ อา แด่แถ่โล อาซิปล่อ เนอเต๊เห่, หม่าแน๊เรอ อาบุ๊ยอาเตอเรอ เออเนอ อา เด๊อะตา เอ๊เล๊อ เด๊อ แกแย เด๊อ อา แด่หยว่า อาซิปล่อ เนอเต๊เห่ อาลู.”

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

โครินธ์ อาเหร่อเล๊อ ต๊าบ่า 7:17

ซี ปว๋า เตเพร โตเบ่ โอ่เซอเพร แฮเง แลแค ฮู๊ จอแปแหร่ เด๊อะตา ซี เบ๊อะอา เอ๊ ซี เบ๊อะเนอ. อา เม หนื่ออื่อ โท ลอ แหน่ เฮ๊อ เด๊อ เป เก่ โอ่เซอเพร ฮู๊เออ เนอ แหน่ เฮ๊อ. เตอิซว๊าอี๊แส่ ฮู๊เออเนอ, แว อิซว๊าตา ลอ โทเฮ๊อ เด๊อ เพรหยื่อเอ่ตู๊หมู่ตอกล๊อ อากู ปว๋า โต๊โผ่ เฮ๊อ.

ꤒꤤꤒꤢꤨ 2:12

จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ.

ꤒꤤꤒꤢꤨ 2:2

แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.

โครินธ์ เนอบ่า ต๊าบ่า 12:7

แซ่ฮู๊ แว เก่ เฮ๊เบ่ ถู่เซ๊ เกอเร๊อ แต่ แวเหน่ เร๊อ แว แม๊เถอะ เตแร๊ เด๊อ ม๊อขุ เนอเต๊เห่ แต่เหม่เนอ, จอแปแหร่ เด๊อะ เฮ๊อ แว เด๊อ แว เก่ ข่าเบ่ เตจาเตจือ เต๊อเจ่อ เด๊อ อา แซ๊ เร๊อ ส่อแซ๊ กีแซ๊ โอ่แต่ เด๊อ แว พ๊าเลเนอ. โลเน๊มู๊แหม่รีแจ่ กู่กล๊อ นอแฮ อา เตเน่วพู๊ โตโด เด๊อ อา เก่ แฮ เมจาเมจือ แว เร๊อ เตจาเตจือ เออเต๊อเจ่อ เฮ๊อ. เด๊อ เตแป่เตเช เออ อาขว่าอาคยาเร๊อ แว แด่แถ่โลแจ่ ปา แวเหน่ โต่ เฮ๊อ.

ꤚꤥꤗꤢꤩ꤬ 11:20

ซี เฮ๊ เออเนอหมา อา หม่าเฮ๊อ. หม่าแน๊เรอ เด๊อ เหย่ซี หยื่อเอ่ ครี๊ โต่ อาขว่าอาคยา, จอแปแหร่ ย๊อเก่แก ส่อแพ เด๊อ อา หม่า แกแยยิวพู๊ เออเนอ แพ๊. เด๊อ ซี เตหยื่อเตแหน่ อาขว่าอาคยาเร๊อ, จอแปแหร่ บ่อทือ จิจือ ซี เร๊อ ส่อเหมาะ เออเนอ แพ๊. ฮู๊เนอเรอ เตเนดุ เกอเร๊อ แต่ แลแค ซีเหน่ แต่เหม่.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

ꤒꤤꤒꤢꤨ 2:4

เหย่ซี เก่ เมฮู๊เนอ ตื๊อหม่า เพรเหมาะ โหมะเผระ เออเต๊เห่เนอ, อา อิซว๊าแจ่ เป่เกอ เพรเหมาะ หน่าเจ่ เต๊เห่ เนอ เหย่ซี โตเบ่ โม เกอเร๊อ แลแค อาเว เร๊อ อาพู๊อาเลอ เต๊เห่ ฮู๊เต แพ๊.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

ꤜꤢꤨꤊꤢ꤬ 18:11

ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน.

ꤒꤤꤒꤢꤨ 2:6

ฮู๊เนอเฮ๊อ, เด๊อะอ๊าเด๊อะเหร่ เป่เกอ เพรคู หน่าเจ่ เต๊เห่เนอ เร๊อ อา เก่ ค๊อเบ๊ หนิแจ่ เร๊อเกอ แลแค อาซิปล่อ.

ทิโมธี อาเหร่อเล๊อ ต๊าบ่า 2:15

หม่าแน๊เรอ เพรเหมาะ เต๊เห่เห่ เนอ, อา เก่ โอ่หม่าโอ่กลอ แลแค เด๊อ อา เตหยื่อเตแหน่ เน๊อ อาเตโม, เน๊อ อาเตโพ๊แปละ อากู เร๊อ อา เก่ โอ่ แลแค เน๊อ อา เต แด่ซิปล่อ ชาเผร่แน เจ่ เฮ๊เนอหม่า, จอแปแหร่ เก่ เมแลเปล๊กา เหย่ซี เบ๊อะเหย่ซี พู๊โอ่ เบ๊อะเนอ ปา.

ทิโมธี อาเหร่อเล๊อ ต๊าบ่า 2:9

แว ซิหยื่อ เกอ เน๊อ ล๊อ เพรเหมาะ เต๊เห่ เก่ แด่โตแด่เบ่ แลแค อา เตกือเห่อแซ๊จา เต๊เห่. กือแซ๊ แลแค เต เด๊อ อาโตอาเบ่ เนอเต๊เห่, ตี๊หรี่ สู่เช๊เหน่ เร๊อ อี๊เส่อ แต่ กู๊โล แต่เหม่, กู๊ลาแถ่ แต่ กู๊ลาเท เร๊อ หล่อเซ๊หล่อโพร เต๊เห่ แต่เหม่, เร๊อ กือแซ๊แถ่ แต่ เห่อจา เด๊อ อางูดุงูชอ เนอเต๊เห่ แต่เหม่.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.

เอเฟซัส 3:4

ช๋า ซี แด๊ แวลีเออ ปา เบ๊อะเนอ, ซี เก่ ซิเงแฮ เร๊อ แว ซิเงโปลเบ๊ เตจ่อแย เร๊อ เตจ่อแย เออเนอหมา หม่าเฮ๊อ ครี๊ อาหรี่อาแก เออเนอ เฮ๊อ.

โครินธ์ เนอบ่า ต๊าบ่า 12:13

เพรหยื่อเอ่เต ตู๊หมู่ตอกล๊อ เด๊อ อาโร เต๊เห่ เร๊อ แว แม๊ดุโค๊เล๊อ ลู, ซี เร๊อ แว แม๊ ตาโผ่เบ๊ขุ แก ซี ฮู๊เนอ แอ? อา โอ่ แพ๊ เต๊อเจ่อ เด๊อ แว กุยเกอ ซี เตเมจว่า โต่ เนอแพ๊ กอกอ. แว กุยเกอ ซี เตเมจว่า โต่ เออเนอเร๊อ แด่ทูซิปล่อ เร๊อ ปลวาแกเหร่อ แว เตซื๊อ นี๋.

โครินธ์ อาเหร่อเล๊อ ต๊าบ่า 3:10

แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ยอห์น โซบ่า ต๊าบ่า 1:9

แว ราจว๊า เป่ โทเฮ๊อ ลี เด๊อ เพรหยื่อเอ่ตู๊หมู่ตอกล๊อ อา โอ่ ต๊าบ่า หม่าแน๊เรอ คูดิโอเตรเฟส เด๊อ อา ซิหยื่อ ทวา เหย่ซี กู่กล๊อ เออเตเพรเนอ, อา หนิดา เกออู เป ราเฮ๊โฉ่จว๊า ลีเนอ เต๊เห่ โต่.

โคโลสี 2:13

เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

เอเฟซัส 3:2

จอแปแหร่ อาบุ๊ยอาเตอเรอ อาขว่าอาคยาเร๊อ, อา เด๊อะแล แว เตเม เด๊อ แว เก่ เมจว่า เป่ ซี เออเนอหมา, แว หยื่อเอ่ เร๊อ ซี หนิโฮ โทดื่อเฮ๊อ.

โครินธ์ เนอบ่า ต๊าบ่า 10:13

หม่าแน๊เรอ, เป เร๊อ, เป เฮ๊เบ่แถ่โล ตาลว๊า เน๊อ บ๊า เป โตเบ่ เฮ๊เบ่ แถ่โล เนอ โต่. เป เฮ๊เบ่ แถ่โล แพ๊ตื๊อ เตเม เด๊อ จอแปแหร่ เด๊อะตา เฮ๊อ เป เออเต๊เห่ เนอแพ๊. เออเนอหมา อา โอ่เต่อเกอลอ เฮ๊อ เร๊อ เป เมเต เด๊อ ซีเกล เออเต๊เห่เนอ เฮ๊อ.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.