ꤚꤥꤗꤢꤩ꤬ 12:2 - ลีเทส่อพ๊าอาเซ เร๊อ เห่ขุทวาลู๊2 โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊. အခန်းကိုကြည့်ပါ။Eastern Kayah Shadaw Dialect2 ꤥ꤬ꤞꤣꤧ꤭ꤖꤚꤢꤩ꤬ ꤗꤢꤧꤙꤢꤦ꤭ꤊꤣꤧ꤭ ꤒ꤫ꤢꤧ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤥꤘꤢꤦ꤬ ꤔꤢꤧ ꤛꤢꤩ꤬ꤞꤤ꤭ꤔꤣꤧ꤬ ꤚꤣꤧ꤬, ꤔꤢꤪ꤭ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤞꤢꤩ꤭ ꤋꤥꤊꤢꤧ꤭ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤒꤢꤦꤗꤢ꤬ ꤞꤤ꤭ ꤞꤤꤑꤢꤩ꤭ꤟꤢꤧ꤭ꤙꤢꤩ ꤖꤢꤧ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤞꤤ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤒꤢꤦꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤒꤢꤩ꤬ꤚꤢꤧ, ꤒꤢꤩ꤬ꤗꤢꤩ꤬ꤗꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬, ꤔꤢꤧ ꤒꤢꤩ꤬ꤞꤤꤑꤢꤩ꤭ ꤜꤣꤙꤢ꤭ꤟꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ ꤕꤢ꤭ ꤖꤢꤧ꤯ အခန်းကိုကြည့်ပါ။ |
ꤚꤥꤗꤢꤩ꤬ 12:2
61 ပူးပေါင်းရင်းမြစ်များ
ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.
ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.
แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.
โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.
เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยา, อา เด๊อะแล โทเฮ๊อ เป อา เตอ๊อแล เด๊อ อางูดุ เร๊อ อาดุอาแย แหน่เจ๊อ เออเต๊เห่ เฮ๊อ. เด๊อ อา เด๊อะแล เตเออเต๊เห่ อาขว่าอาคยา, ซี เก่ แลเปล๊เถ่แก เร๊อ เหล่เตเน ปาต๊า มู๊แหม่รีแจ่ เด๊อ อา เมปย๊า ซี เด๊อ เห่ขุ เออเนอเต๊เห่ ปา. โท๊โต่ ซี เก่ ทวาแถ่ แซ่เกอดื่อ ฮู๊ จอแปแหร่ อาเหล่โกล เนอ ปา.
เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.
แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.
เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.
แกแย เห่ขุพู๊ เต๊เห่ เตเน เร๊อ เออ หม่า เตลีแมลีเพ๊ เฮ๊อ เต๊เห่เนอ, เด๊อ จอแปแหร่ อาเง เนอหม่า อา หม่า แพ๊ เตโอ่เล๊อโอ่กลอ แพ๊. ลีเทส่อพ๊ากู เฮ๊ เน๊อ, “เพรลีแมลีเพ๊ เต๊เห่ เตเน เกอเร๊อ แลแค อาเหน่ เน๊อ เป แจ่ ลา เฮ๊อ หม่าแน๊เรอ จอแปแหร่ ปื่อหนิแก เฮ๊อ เหย่ซี เร๊อ เหย่ซี อาเตแจ่แหน่ เออเนอเฮ๊อ. เหย่ซี อาเตเมแจ่เมแหน่ เต๊เห่ เนอหม่า หม่าแพ๊ แด๊ปา แพ๊.”
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.
ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.
ကြော်ငြာတွေ