ꤚꤥꤗꤢꤩ꤬ 12:16 - ลีเทส่อพ๊าอาเซ เร๊อ เห่ขุทวาลู๊

¹⁶ โอ่เซอเพร โหร่ลอ ลู เด๊อ ซิปล่อ เตเม๋ จือ อากู นี๋. พย๊าแถ่โล แต่ แลแค ซี ซิปล่อ แต่เหม่ นี๋. โท๊โต่ แบ๊ซว๊าเค๊โค หนิเกอ แลแค เร๊อ แกแย โซพ๊าโซแรพู๊ เนอเต๊เห่ นี๋. เตเนดุ เกอ เร๊อ เนเหน่ แต่เหม่ นี๋.

Eastern Kayah Shadaw Dialect

¹⁶ ꤥ꤬ꤞꤣꤧ꤭ꤖꤚꤢꤩ꤬ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤘꤣ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤢ꤬ꤊꤢꤨ꤭ ꤔꤤ꤮꤯ ꤖꤛꤢꤓꤢꤧ꤬ꤜꤥ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤙꤢꤧꤞꤝꤢꤋꤢꤩꤋꤥ꤭ ꤚꤣꤧꤊꤣꤧ꤭ ꤜꤢ꤭ꤋꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤒꤣꤧ꤬ꤔꤢꤩ꤬ꤘꤢꤨ꤬ ꤚꤣꤧꤘꤢꤦ꤬ ꤔꤢꤧ꤬ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤚꤥꤗꤢꤩ꤬ 12:16 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:8

แว ซิหยื่อ เฮ๊ โป่ ซี เด๊อคยาเล๊อ เนอ, ซี ปว๋า เตเพร โตเบ่ โอ่ลู เร๊อ เหล่เตเน เต๊อเจ่อโต, เตแด่ซิปล่อสู่เทอ เตอเจ๋อโต นี๋. โม เกอเร๊อ เกอลู เตเพร เร๊อ เตเพร ฮู๊ โป่แหว่ เนอ นี๋. ซิยอ เกอเร๊อ ลู เตเพร เร๊อ เตเพร เร๊อ แด่หยว่า แลแค ซี ซิปล่อ เตเพร เร๊อ เตเพร นี๋.

ꤟꤤꤙꤚꤢꤨ 13:5

โอ่ตาพา แลแค เน๊อ เตโมเร๊อ รือ เต๊เห่ นี๋. ซิปล่อโป่เป่ เกอเร๊อ แลแค เร๊อ เต เด๊อ อา โอ่ เน๊อ เนเนอ เต๊เห่, เมเตเฮ๊เรอ จอแปแหร่ เฮ๊ เน๊อ, “แว แด่โอ่แก เน๊อ เน ตีกี๋ โต่, แว วีแก เร๊อ เน แตแค๋ โต่,” อา เฮ๊ ฮู๊เนอ.

ꤚꤥꤗꤢꤩ꤬ 15:5

แว กุยจ๊อเบ เร๊อ จอแปแหร่ เด๊อ อา เด๊อะ ซี เตแด่ทูซิปล่อ เออ เร๊อ เตเหร่เตแบ เออเตเพรเนอ, อา เก่ เมจว่า เร๊อดื่อ ซี แซ่ฮู๊ ซี เตเพร เร๊อ เตเพร เก่ โอ่เต่อ ลู เร๊อ ซิปล่อ เตเม่วโต ฮู๊ ซี แม๊บือเกอ เหย่ซู่ครี๊ อา เตโอ่เซอเพร เนอเต๊เห่ นี๋.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

โครินธ์ อาเหร่อเล๊อ ต๊าบ่า 3:18

แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤜꤢꤨꤊꤢ꤬ 14:13

หม่าแน๊เรอเบ๊อะเน เมป่วย เบ๊อะเนอ, เซเร เหล่เอ่เหล่โอ เร๊อ เอ๊ เป่ แกแย เด๊อ อา โซพ๊าโซแร เนอเต๊เห่, แกแยด๊าโอ่ตือรือ เนอเต๊เห่, แกแย กู๊โด่ด๊า เนอเต๊เห่ เด๊อ แกแย เป๊เส่คี๊ เนอเต๊เห่ นี๋.

โครินธ์ อาเหร่อเล๊อ ต๊าบ่า 8:2

แกแย เด๊อ อา เตเน เกอเร๊อ อาเหน่ เร๊อ แว ซิเง เอ๊ลู เฮ๊อ เต๊เห่เนอ, เต เด๊อ อา โตเบ่ ซิเง เต๊เห่เนอ, อา ซิเง เตอเจ๋อ โต่.

โครินธ์ อาเหร่อเล๊อ ต๊าบ่า 6:5

ซิเตเร แหน่ เจ๊อ. เด๊อ ซี เพรหยื่อเอ่เต ตู๊หมู่ตอกล๊อ อาเกล เร๊อดื่อ เนอ แกแย เด๊อ อาโอ่ เร๊อ เตเตเนแจ่ เร๊อ อา เฮ๊เบ่ เมจากาคยาแจ่ เป่ ครี๊พู๊ เออเต๊เห่ อา เตกย๊างา ลู เออ เบ๊อะอาเปล่กู เนอ ปีตี๊ตื๊อดื่อ เตเพร เนอหม่า อาเกล๊ โอ่ แหน่ แพ๊.

ฟีลิปปี 4:2

เหมาะยูโอเดีย เร๊อ เหมาะสินทิเค ซี๋, ซี โป่เร๊อแหม่ เฮ๊อ ลู เด๊อ ครี๊ อากู อาขว่าอาคยา, แว กุยซิยอ ซี เร๊อ ซี เก่ ซิปล่อโต เกอลู เตเพร เร๊อ เตเพร.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

ꤜꤢꤨꤊꤢ꤬ 6:20

เหย่ซู่ แม๊ตาเต๋า เด๊อ อา โคเจ่ เต๊เห่ เร๊อ อา เฮ๊ เหย่ซี เนอ, “ซี เด๊อ อา โซพ๊าโซแร เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ เฮ๊อ ซี เฮ๊อ, เมเตเฮ๊เรอ จอแปแหร่ เทอเลเก่กู เนอหม่า แกแย ฮู๊เนอเต๊เห่ อาเต เฮ๊อ.

มัทธิว 26:11

แกแย โซพ๊าโซแรพู๊ เต๊เห่ โอ่เต่อเกอ เร๊อ ซี ปว๋า โตโพ๊ เจ๊อ, หม่าแน๊เรอ แวเออเนอ แว โอ่เต่อตี๊ตี๊ เกอ เร๊อ ซี โต่.

มัทธิว 11:5

แกแย เป๊เส่คี๊ เต๊เห่ แม๊เถอะ แจ่เฮ๊อ, แกแย กู๊โด่ด๊า เต๊เห่ จว๊าแจ่เฮ๊อ, แกแย จุมู๊แหม่ เต๊เห่ โอ่เหม่ กาคยา ลอเฮ๊อ, แกแยกู๊หลิโกะ กอออ เต๊เห่ หนิโฮกาคยาเฮ๊อ, แกแยเซอ เต๊เห่ ก๊อถ่อเซอเพร กาคยา คยาแซ๊เฮ๊อ, แกแย โซพ๊าโซแรพู๊ เต๊เห่ หนิโฮเบ่ เกอเฮ๊อ เตซิครือซิลอมีลา เฮ๊อ.

เปโตร อาเหร่อเล๊อ ต๊าบ่า 5:3

เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

ฟีลิปปี 3:16

ฮู๊เตเต๋ เบ่เบ่, เป เก่ จว๊า โหร่ลู เด๊อ เง ฮู๊ เป ซิเง โทเฮ๊อ เนอเต๊เห่ โป๋.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

เพรโด่แนพู๊ เต๊เห่ 4:32

เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.

ยอห์น โซบ่า ต๊าบ่า 1:9

แว ราจว๊า เป่ โทเฮ๊อ ลี เด๊อ เพรหยื่อเอ่ตู๊หมู่ตอกล๊อ อา โอ่ ต๊าบ่า หม่าแน๊เรอ คูดิโอเตรเฟส เด๊อ อา ซิหยื่อ ทวา เหย่ซี กู่กล๊อ เออเตเพรเนอ, อา หนิดา เกออู เป ราเฮ๊โฉ่จว๊า ลีเนอ เต๊เห่ โต่.

ꤚꤥꤗꤢꤩ꤬ 6:2

ฮู๊เนอ หม่าโต่. เป หม่า อาแซ่เน๊อ แกแย เด๊อ อา เซอ เร๊อ อา เม แฮเง แจ่ปา เตซื๊อ โต่ เออเนอ เตเพร เฮ๊อ. ฮู๊เนอเรอ เป จว๊า โอ่เซอเพร เม แฮเง แจ่ปา เตซื๊อ ฮู๊เต?

ꤚꤥꤗꤢꤩ꤬ 11:20

ซี เฮ๊ เออเนอหมา อา หม่าเฮ๊อ. หม่าแน๊เรอ เด๊อ เหย่ซี หยื่อเอ่ ครี๊ โต่ อาขว่าอาคยา, จอแปแหร่ ย๊อเก่แก ส่อแพ เด๊อ อา หม่า แกแยยิวพู๊ เออเนอ แพ๊. เด๊อ ซี เตหยื่อเตแหน่ อาขว่าอาคยาเร๊อ, จอแปแหร่ บ่อทือ จิจือ ซี เร๊อ ส่อเหมาะ เออเนอ แพ๊. ฮู๊เนอเรอ เตเนดุ เกอเร๊อ แต่ แลแค ซีเหน่ แต่เหม่.