ꤚꤥꤗꤢꤩ꤬ 12:13 - ลีเทส่อพ๊าอาเซ เร๊อ เห่ขุทวาลู๊

¹³ จอแปแหร่ อาแกแย เต๊เห่ เก่ โซพ๊าโซแร เฮ๊เรอ, พย๊าจว่าเมจว่า เป่เร๊อ เกอ เหย่ซี นี๋. แม๊ เด๊อะเอ่เด๊อะโอฉื่อ แลแค ซิเผระซิแหม่ นี๋. เอ๊ โอ่เมอ โอ่เป่ แลแค เหย่ซี เด๊อ ซี หี่ด๊อกู นี๋.

Eastern Kayah Shadaw Dialect

¹³ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊꤢꤩ꤬ ꤏꤥ꤭ꤖꤢꤏꤥ꤭ꤚꤢꤧ꤬ ꤟꤢꤩꤚꤣꤧ꤬, ꤖꤛꤢꤡꤝ꤫ꤢ꤬ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤚꤣꤧ ꤊꤣꤧ꤭ ꤛꤢꤩ꤬ꤞꤤ꤭ ꤔꤤ꤮꤯ ꤗꤢꤧ ꤘꤣꤧꤢꤩ꤬ꤘꤣꤧꤥ꤭ꤏꤢꤦ꤬ ꤜꤢ꤭ꤋꤢꤧ꤭ ꤞꤤꤖꤚ꤫ꤢꤩ꤬ꤞꤤꤗꤢꤧ꤬ ꤔꤤ꤮꤯ ꤢꤩ ꤥ꤬ꤗꤣꤧ꤭ ꤥ꤬ꤕ꤫ꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤘꤣ ꤞꤤ꤭ ꤟꤤ꤬ꤘꤢꤪꤊꤢꤨ꤭ ꤔꤤ꤮꤯

ꤚꤥꤗꤢꤩ꤬ 12:13 ပူးပေါင်းရင်းမြစ်များ

ꤟꤤꤙꤚꤢꤨ 13:16

เมเตแร๊ เต๊เห่ เบ่เบ่, เตเมจว่า ลู เตเพร เร๊อ เตเพร เต๊เห่เนอ เบ่เบ่ โชตาปา แลแค แต่เหม่ นี๋, เมเตเฮ๊เรอ เออเต๊เห่ เนอหม่า เตหลู่เตแต เด๊อ อาโต จอแปแหร่ อาซิปล่อ.

โครินธ์ เนอบ่า ต๊าบ่า 9:12

เมเตเฮ๊เรอ เตเมหลู่เมแต เออเนอ อา เมจว่า เป่ จอแปแหร่ แกแย เด๊อ อา โซพ๊าโซแร เออเนอเต๊เห่ ตื๊อดื่อ หม่าโต่, อา ถู่แรแถ่ โต่ เจ๊อ อูซิปล่อ เด๊อ อู เก่ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:17

แกแย เด๊อ อา โอ่เร๊อ เห่ขุ อา เตดุแหย่แถ่เซ เตเพรเพร เนอ, เก่ อา แม๊เถอะ อาโป่แหว่ ครี๊พู๊ โหล่ เตเต๊อเจ่อเจ่อ หม่าแน๊เรอ อา เก่ ซิยอเกอเร๊อ ลู โต่ เฮ๊เนอหม่า, จอแปแหร่ อาเตโม โอ่ เด๊อ ลูเหน่กู โต่.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

เปโตร อาเหร่อเล๊อ ต๊าบ่า 4:9

เอ๊โมฉื่อ แลแค ซิเผระซิแม เด๊อ ซีหี่ด๊อ หี่แพกู นี๋, ตามวาเตเล แต่ แลแค เหม่ นี๋.

ꤊꤢ꤬ꤜꤢ꤬ꤒꤤ 6:10

ฮู๊เนอ อาขว่าอาคยา, เบ๊อะเกเต๋ เบ่เบ่, เบ๊อะเป พย๊าหนิ ตาโตตาเบ่ แร๊ เบ๊อะเนอ, เป เบ่ เมแร๊ เป่ อู ปว๋า เตเพร. หม่าแน๊เรอ ซี เมเตแร๊เนอ แม๊ดุเหร่อเล๊อ โค๊เป่ดื่อ เพรหยื่อเอ่ เออ เนอเต๊เห่ นี๋.

ꤟꤤꤙꤚꤢꤨ 13:2

โชตาปา เอ๊ฉื่อ แต่ แลแค ซิเผระซิแม แต่เหม่ นี๋. แกแย เต๊เห่เห่เนอ เหย่ซี เอ๊ฉื่อ แลแค ซิเผระ เร๊อ เด๊อ อา เตเตเน เต่อโต่ อากูเนอ, อา เอ๊ฉื่อ ตาโต ม๊อขุ เตเน่วพู๊ เต๊เห่.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

มัทธิว 25:35

เมเตเฮ๊เรอ เบ๊อะแว ซิกู๊ซิวี เนอ ซี เด๊อะเอ่เด๊อะโอ แว, เบ๊อะแว ซิโอเทอ เนอ ซี เด๊อะโอ แว, เบ๊อะแว จว๊าทวา ซิเผระ เบ๊อะเนอ, ซี เอ๊โอ่ โมฉื่อ แว.

ฟีเลโมน 1:7

โคแบ๊ซว๊า โม, เน เตโม เนอ, อา เม ซิครือซิลอ แหน่เจ๊อ แว เร๊อ อา เด๊อะ ชอแถ่ แหน่เจ๊อ แวอ๊าแวเหร่. เด๊อ หม่าเต อาขว่าอาคยา เฮ๊เร๊อ, เน เมโม โทเฮ๊อ ล๋อ แกแย หยื่อเอ่ จอแปแหร่ เนอเต๊เห่ อาซิปล่อ เฮ๊อ.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,

โครินธ์ เนอบ่า ต๊าบ่า 9:1

ซี โต เมจว่า จอแปแหร่ อาแกแย เด๊อ อา โซพ๊าโซแร เด๊อ อา โอ่ เด๊อ วีเยรูซาเล็ม อากู เนอเต๊เห่ อาหรี่อาแก เนอ, แว โหล่ รา แฮเง เป่ โป่ ปา เร๊อ ซี โต่.

เพรโด่แนพู๊ เต๊เห่ 10:4

อา แม๊ โอ่แต่ฉื่อ เตเน่วม๊อขุพู๊ เร๊อ อา ซิอิเช โกโน๋ โต่, เร๊อ “แบ่เจ่, เน ซิหยื่อ เฮ๊ แว อิเต?” อา แด๊เฮอ เตเน่วม๊อขุพู๊ ฮู๊เนอ, เร๊อ เตเน่วม๊อขุพู๊ เฮ๊ฉื่อ อา เน๊อ, “จอแปแหร่ ซิปล่อโอ่เฮ๊อ เน, เมเตเฮ๊เรอ เน เตกุยจ๊อเบ เต๊เห่ เร๊อ เน เตเมจว่า แกแย โซพ๊าโซแรพู๊ เต๊เห่เนอ, อา โต่แถ่เฮ๊อ เด๊อ จอแปแหร่ อา โอ่ แซ่เฮ๊อเร๊อ เน หลู่แถ่ อา เนอเฮ๊อ.

เพรโด่แนพู๊ เต๊เห่ 4:35

เร๊อ แฮเด๊อะตา แลแค รือเออ เด๊อ เพรโด่แนพู๊ เต๊เห่ อา กู๊ยากู เร๊อ เหย่ซี เบ เป่ เร๊อ แกแย เด๊อ อา โหล่รือโหล่เท เนอเต๊เห่.

โครินธ์ อาเหร่อเล๊อ ต๊าบ่า 16:15

คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

ꤚꤥꤗꤢꤩ꤬ 12:8

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู.

ꤒꤤꤒꤢꤨ 3:14

แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.

ยอห์น โซบ่า ต๊าบ่า 1:5

แว โคแบ๊ซว๊า โม๋, เน ซิปล่อจ๊อ แหน่เจ๊อ เร๊อ เตเม เด๊อ เน เมจว่า เป่ โป่แหว่ ครี๊พู๊ เนอ เต๊เห่. เหย่ซี หม่า ซิเผระ เด๊อ เน ซิเงน๊อ ลู โต่ เต๊เห่ หม่าแน๊เรอ เน เมจว่า เป่ เหย่ซี.