ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.
ꤚꤥꤗꤢꤩ꤬ 12:1 - ลีเทส่อพ๊าอาเซ เร๊อ เห่ขุทวาลู๊1 ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ. အခန်းကိုကြည့်ပါ။Eastern Kayah Shadaw Dialect1 ꤟꤢꤨꤔꤣꤧ꤬ꤚꤣꤧ꤬, ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛꤢꤪ꤬ ꤕꤢꤩ꤬ ꤔꤣꤧ꤬, ꤢ꤬ꤘꤢꤨ꤬ꤢ꤬ꤛꤢꤧ꤭ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤡꤣꤧ ꤘꤣ ꤕꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤘꤣꤧꤜꤢꤧ꤬ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤢꤨ ꤒꤢꤩ꤬ꤜꤢꤨ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬꤯ ꤙꤣꤧ ꤞꤤ꤭ ꤗꤢꤩ꤬ ꤟꤢꤨꤔꤣꤧ꤬ꤢ꤬ꤋꤢꤩ꤭ ꤔꤣꤧ꤬, ꤞꤤ꤭ ꤗꤢꤩ꤬ ꤟꤣꤧ ꤢ꤬ꤒꤢꤩ꤬ꤗꤢꤩ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤟꤣꤧ ꤚꤣꤧ꤬ ꤞꤤ꤭ ꤗꤢꤩ꤬ꤒꤥ꤭ ꤟꤣꤧ ꤢ꤬ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤟꤣꤧ꤯ ꤞꤤ꤭ ꤒꤥ꤭ ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤜꤢꤧ ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤒꤣ꤬ꤙꤥ꤭ ꤟꤣꤧ꤯ အခန်းကိုကြည့်ပါ။ |
ꤚꤥꤗꤢꤩ꤬ 12:1
49 ပူးပေါင်းရင်းမြစ်များ
เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.
แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.
โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.
ซี ซิเงเน๊อ แอ? เบ๊อะซี เด๊อะแล เฮ๊อ ซีเหน่ เด๊อ แกแย เตเพรเพร อา กู๊ยากู เร๊อ ซี เก่ ทวา เฮ๊อ ลู หลู่เล๊ เบ๊อะเนอ, ซี หนิดา อูโร อาโหง่ หม่า อา หนิปาโต่ เฮ๊อ. ซี เบ่ หนิดา แพ๊ตื๊อ อาโหง่ แพ๊, แวเฮ๊โต่? ฮู๊เนอเรอ เบ๊อะซี ทวา เตซื๊อ อาหลู่เล๊ เบ๊อะเนอ, อา เก่ ซูจว๊าแก ซี เด๊อ เตเซอ ปา. หม่าแน๊เรอ ซี เก่ หนิดา จอแปแหร่ อาโหง่ เฮ๊เรอ อา เก่ นอโอ่เซอเพร ซี เด๊อ ซี เก่ เมโต ลู ซิปล่อ ปา.
เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.
แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.
ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.
จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.
หม่าแน๊เรอ เพรเหมาะโอ่แคร๊ เตเพรเนอ อา เก่ พู๊โอ่, หม่าโต่เรอ อาเลอ เต๊เห่ เก่โอ่ เฮ๊เนอ, อาพู๊อาเลอ ซีเต๊เห่ โตเบ่ แม๊ตู่หนิ เร๊อเกอ อา โหมะโอ่แคร๊ อา เพอโอ่แคร๊ เออ ฮู๊ ครี๊พู๊ เหล่โกล เมเนอ. ฮู๊เนอ อาขว่าอาคยา, เมบุ๊ยเมเตอเรอ คยา โหมะเพเพอโพ เต๊เห่ เน๊อ แกล๊ ฮู๊เออ นี๋, เมเตเฮ๊เรอ เมเตฮู๊เออ เต๊เห่ เนอหม่า อาโต จอแปแหร่ อาซิปล่อ.
เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.
ကြော်ငြာတွေ