ꤚꤥꤗꤢꤩ꤬ 11:7 - ลีเทส่อพ๊าอาเซ เร๊อ เห่ขุทวาลู๊

⁷ ฮู๊เนอเรอ, อาโหง่แลช๊า หม่า หม่าเฮ๊อ เต เด๊อ อิสราเอลพู๊ แม๊ปู เกอ เร๊อ เออเนอ, อา แม๊เถอะ เกอเร๊อ โต่. ตื๊อแพ๊ แกแย เด๊อ จอแปแหร่ นว๊าแถ่ เหย่ซี เออเต๊เห่ แม๊เถอะ แลแค แพ๊. ล๋อ อา โอ่แก เนอเต๊เห่ หม่า จอแปแหร่ นอ กู่กล๊อเพรอ ลอ แหน่เจ๊อ เหย่ซี เนอเต๊เห่ เฮ๊อ.

Eastern Kayah Shadaw Dialect

⁷ ꤟꤢꤨꤔꤣꤧ꤬ꤚꤣꤧ꤬, ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ ꤘꤣ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤗꤢꤧꤕꤢꤨ꤭ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤚꤣꤧꤘꤢꤦ꤬ ꤒꤥ꤬꤯ ꤒꤢꤦꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤜꤢ꤭ꤋꤢꤧ꤭ ꤖꤢꤧ꤯ ꤜꤢꤪ꤭ ꤢ꤬ ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ ꤊꤢꤨ꤬ꤊꤜꤢꤪꤖꤚꤣꤧ꤭ ꤜꤢꤪ꤭ ꤔꤢꤧ꤭ꤟꤣꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 11:7 ပူးပေါင်းရင်းမြစ်များ

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

ꤚꤥꤗꤢꤩ꤬ 9:18

เมฮู๊เนอเรอ จอแปแหร่ ซิยอเกอเร๊อ อู จู๋ ดื่อ อา ซิยอ เนอ, อา เม กู่กล๊อเพรอ แกแย เด๊อ จู๋ ดื่อ อา ซิหยื่อ เมกู่กล๊อเพรอหนิ อู เนอเต๊เห่ แพ๊.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤚꤥꤗꤢꤩ꤬ 11:5

กู๊แหน่เออ เบ่เบ่ อา แซ่ ฮู๊เนอเฮ๊อ, จอแปแหร่ นว๊าแถ่ เฮ๊อ เป เร๊อ อาบุ๊ยดุอาเตอเรอทู เออเต๊เห่เนอ, อา โอ่แกปา ตี๊กิ.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

โครินธ์ เนอบ่า ต๊าบ่า 3:14

เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.

ꤚꤥꤗꤢꤩ꤬ 9:23

แซ่ฮู๊ จอแปแหร่ เก่ เด๊อะโลเร๊อ เป่ แกแย เด๊อ อา ซิยอ เกอเร๊อ ลู เนอเต๊เห่ เร๊อ อา เม โค๊ตีกลี๊ เป่ แหน่เจ๊อ เหย่ซี, เร๊อ อา แด่ทูซิปล่อ เป่ แหน่เจ๊อ เหย่ซี เจ๊อ. อา นว๊าแถ่ หนื่ออื่อ เหร่อ เฮ๊อ เหย่ซี เฮ๊อ เร๊อ อา เก่ เด๊อะ เป่ เหย่ซี เร๊อ อา เตอเรอดุทู เออเนอ ปา.

ฟีลิปปี 1:18

แกแย เต๊เห่เห่เนอ, อา เก่ แด๊โฉ่โด่แน เป่ อู เร๊อ อา เตแด่ซิปล่อสู่เทอ เด๊อ อาซื๊อ เจ๊อ เบ่เบ่, เต๊เห่เห่เรอ อา เก่ แด๊โฉ่โด่แน เป่ อู เร๊อ อา เตแด่ซิปล่อสู่เทอ เด๊อ อาโต เจ๊อเบ่เบ่, อา เม แลแค เบ๊อะเต๊อเจ่อ เบ่เบ่, อา เหล่เฮ่ว โอ่ เน๊อ เตอเจ๋อ โต่. เต เด๊อ อา โหล่ดุเล๊อ เต๊อเจ่อ หม่า หม่า เฮ๊อ เหย่ซี แด๊โฉ่โด่แน เป่ อู เร๊อ ครี๊ อาหรี่อาแก เออเนอเฮ๊อ. แกแย เนอหมู่ลอ อา แด๊โฉ่โด่แน แลแค ครี๊ อาหรี่อาแก อาขว่าอาคยา, แว ซิครือซิลอ แพ๊. แว เก่ ซิครือ แฮเง ตื๊อดื่อ โป่แหน่ ปา แพ๊,

โครินธ์ อาเหร่อเล๊อ ต๊าบ่า 10:19

หม่า แว ซิหยื่อ เฮ๊ เร๊อ เตแหย่โย เด๊อ แกแย จ๊อเบ เกอเร๊อ อา เออเนอหมา อา โอ่ เร๊อ อา เตอเรอฉว่าชอ ฮู๊เนอ แอ? โต่เร๊อหม่า แว ซิหยื่อ เฮ๊ เร๊อ เตเอ่เตโอ เด๊อ อู หลู่แถ่ เร๊อ เตแหย่โย เออเนอหมา อา โหล่ดุ เล๊อ, แว ซิหยื่อ เฮ๊ ฮู๊เนอ แอ?

ꤚꤥꤗꤢꤩ꤬ 10:3

จอแปแหร่ แด่จ๊อแด่เต อู อาแกล๊อาโกล เนอ เหย่ซี ซิเงโปล โต่. โท๊โต่ เหย่ซี แม๊ปู เมแถ่ เกอเร๊อดื่อ แลแค เร๊อ เหย่ ซีแกล๊เหย่ซีโกล แพ๊. ฮู๊เนอเรอ จอแปแหร่ แด่จ๊อแด่เต อู อาแกล๊อาโกล เออเนอ, เหย่ซี ซิปล่อซิหยื่อ ครวาเม เกออู ตีกี๋โต่.

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.

ꤚꤥꤗꤢꤩ꤬ 3:9

ฮู๊เนอเรอ, เป เก่ เฮ๊ ฮู๊เต? เป แกแยยิวพู๊ เต๊เห่ หม่า เป แร๊เล๊อ เร๊อ แกแยยิวพู๊ หม่าโต่ เต๊เห่ แอ? เป แร๊เล๊อ เน๊อ ตีกี๋โต่. เป เด๊อะโล โทเฮ๊อ เร๊อ แกแยยิวพู๊ เบ่เบ่, แกแยยิวพู๊ หม่าโต่ เบ่เบ่, เหย่ซี โอ่ลอปลี แพ๊ เด๊อ เตซื๊อเตปล๊า อา เตอเรอฉว่าชอ อาเล แพ๊.

ꤛꤥ꤭ꤟꤢ꤬ 12:40

“แซ่ฮู๊ เหย่ซี เก่ กาคยาโต แต่ แลแค แบ่เจ่ แต่เหม่, โท๊โต่ แซ่ฮู๊ เหย่ซี นอแหย่โอ่เหม่ แต่ แลแค อาเหน่ เร๊อ แบ่เจ่ แต่เหม่ เนอเรอ, แบ่เจ่ เมคี๊เฮ๊อ เหย่ซี เป๊เส่, แบ่เจ่ เมเพรอเฮ๊อ เหย่ซี ซิปล่อ ขว่าคยา, เหย่ซี แม๊เถอะ แจ่ เร๊อ อาเป๊เส่ โต่, เหย่ซี เตเนโปลเบ๊ แลแค เร๊อ อาซิปล่อ โต่.” อา เฮ๊ ฮู๊เนอ.

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

ꤟꤤꤙꤚꤢꤨ 12:17

ฮู๊ ซี ซิเง โทดื่อ เนอเฮ๊อ, เด๊อคยา เร๊อ เบ๊อะอา ซิหยื่อ แฮ พย๊าเกอ เตเด๊อะบุ๊ยเด๊อะเตอเรอ เด๊อ อาเพ โอ่ เบ๊อะเนอ, อาเพ เด๊อะ ปา ลู โต่. อา แม๊ปู เจ๊อ เตเด๊อะบุ๊ยเด๊อะเตอเรอ เน๊อ อาเป๊เส่เทอ เจ๊อ ตื๊อดื่อเรอ, เด๊อ อิเชเอ่โทเฮ๊อ พู๊แหว่เพร่ว อา อู่เจเต๊เหย่ เออ อาขว่าอาคยา, อา ถู่แหล่ เต๊เปล่ โค๊แจ่ ปาโต่.

ꤗꤢ꤬ꤊꤢꤨ 6:52

เมเตเฮ๊เรอ เหย่ซี ย๋อ ซิปล่อชอ อาคยา. เหย่ซู่ แด๊โล เป เจ๊อ เหย่ซี เนอ เด๊อะเอ่ อู ค๊อมู อาเตเม อาโค๊ตีกลี๊ เออ เนอ เจ๊อ หม่าแน๊เรอ เหย่ซี ซิเงโปล แลแค โต่.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.