ꤚꤥꤗꤢꤩ꤬ 11:33 - ลีเทส่อพ๊าอาเซ เร๊อ เห่ขุทวาลู๊

³³ จอแปแหร่ อา เตซิยอ, อา เตลีแมลีเพ๊ เร๊อ อา เตซิคว๊าซิเง เออเต๊เห่เนอ, อาดุอาแย แหน่เจ๊อ. อา ตี๊หรี่แตแร เมเต เออเต๊เห่เนอ, อู ซิเงทว๊า เบ๊ เจ๊อ เตเพร่ว โต่. อาแกล๊ เต๊เห่เนอ, อู ครวา ซิเง เบ๊ เจ๊อ เตเพร่ว โต่.

Eastern Kayah Shadaw Dialect

³³ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛꤢꤪ꤬, ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤔꤢꤧ ꤢ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤘꤢꤨ꤬ꤢ꤬ꤛꤢꤧ꤭ ꤔꤢꤧ꤬ꤡꤣꤧ꤯ ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤞꤤꤑꤢꤩ꤭ꤓꤝꤢ ꤙꤢꤩ ꤡꤣꤧ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤢ꤬ꤊꤜꤢꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤋꤚꤝꤢ꤭ ꤞꤤꤑꤢꤩ꤭ ꤙꤢꤩ ꤡꤣꤧ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤚꤥꤗꤢꤩ꤬ 11:33 ပူးပေါင်းရင်းမြစ်များ

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

เอเฟซัส 3:10

กู๊แหน่เรอ แซ่ฮู๊ เพรเป๊อเต เด๊อ ม๊อขุ เร๊อ ม๊อขุ อา เตอเรอฉว่าชอ เต๊เห่ เก่ แม๊เถอะ ซิเง จอแปแหร่ โอ่เร๊อ อา เตแจ่เตลีแม บ๋า เต, เร๊อ อา เด๊อะโล เป่ เหย่ซี เร๊อ อา เมทวา จิจือ โต่เฮ๊อ แกแยยิวพู๊ เด๊อ อา ทวา ครี๊พู๊ เต๊เห่ เร๊อ แกแยยิวพู๊ หม่าโต่ เร๊อ อา ทวา ครี๊พู๊ เต๊เห่เนอ อา เมทวาเฮ๊อ ลู ตู๊หมู่แพ๊ ฮู๊ อา เพรหยื่อเอ่ตู๊หมู่ตอกล๊อ ตู๊หมู่จือลู เนอเฮ๊อ.

เอเฟซัส 1:7

เด๊อ ครี๊ ข่าเซอ อาเหน่ เร๊อ อาสุ่ย ทุ๊ยแล อาขว่าอาคยา, จอแปแหร่ อี๊ถ่า เฮ๊อ เป, เร๊อ อา ปลวาแก ลอเฮ๊อ เป เตซื๊อ เฮ๊อ. จอแปแหร่ อาบุ๊ยอาเตอเรอ เออเนอ, อาดุอาแย แหน่เจ๊อ เด๊อ เปเง เจ๊อ.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

ꤚꤥꤗꤢꤩ꤬ 9:23

แซ่ฮู๊ จอแปแหร่ เก่ เด๊อะโลเร๊อ เป่ แกแย เด๊อ อา ซิยอ เกอเร๊อ ลู เนอเต๊เห่ เร๊อ อา เม โค๊ตีกลี๊ เป่ แหน่เจ๊อ เหย่ซี, เร๊อ อา แด่ทูซิปล่อ เป่ แหน่เจ๊อ เหย่ซี เจ๊อ. อา นว๊าแถ่ หนื่ออื่อ เหร่อ เฮ๊อ เหย่ซี เฮ๊อ เร๊อ อา เก่ เด๊อะ เป่ เหย่ซี เร๊อ อา เตอเรอดุทู เออเนอ ปา.

เอเฟซัส 2:7

จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.

เอเฟซัส 3:16

จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

เอเฟซัส 3:18

โทเรอ ครี๊ โม เจ๊อ ซี บ๋า เตเนอ, แว กุยจ๊อเบ เด๊อ ซี เร๊อ จอแปแหร่ อาแกแย บูโพ๊ เต๊เห่ เก่ ซิเงแฮ ตาเต เบ๊ลอ ปา. อาเตโม เป เออเนอ อาดุอาแย แหน่เจ๊อ, โท๊โต่ อา ตื๊อดื่อแจ่ ปา เจ๊อ โต่.

โครินธ์ อาเหร่อเล๊อ ต๊าบ่า 2:10

หม่าแน๊เรอ, จอแปแหร่ เด๊อะซิเง แฮเง เป่ เป เตเออเต๊เห่ เน๊อ แหย่โยบูโพ๊ แบ่เจ่. แหย่โยบูโพ๊ แบ่เจ่ เออเนอ อา ซิเง ลอ เตปว๊าเต๊อเจ่อ. อา ซิเง เต่อ ลอ เจ๊อ จอแปแหร่ อา เตเตเน เด๊อ อาจ่ออาแย เต๊เห่ เจ๊อ.