ꤚꤥꤗꤢꤩ꤬ 11:31 - ลีเทส่อพ๊าอาเซ เร๊อ เห่ขุทวาลู๊

³¹ ฮู๊เนอเฮ๊อ, กู๊แหน่เออ แกแยยิวพู๊ เต๊เห่ หนิดา ปา จอแปแหร่ อาโหง่ โต่. เร๊อ จอแปแหร่ ย๊อ ซิยอเกอเร๊อ ซี อาขว่าอาคยา, เตอเนอเนอ ปาเนอ แกแยยิวพู๊ เต๊เห่ เก่ พย๊าหนิเกอ จอแปแหร่ อา เตซิยอ ปา.

Eastern Kayah Shadaw Dialect

³¹ ꤟꤢꤨꤔꤣꤧ꤬ꤟꤣꤧ, ꤊꤢꤨꤔ꤫ꤢꤧ꤬ꤣꤧ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤘꤢ꤭ ꤕꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤜꤢ꤭ ꤞꤤꤛꤢꤪ꤬ꤚꤣꤧ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤣ꤬ꤔꤣꤧ꤭ꤔꤣꤧ꤭ ꤕꤢ꤭ꤔꤣꤧ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛꤢꤪ꤬ ꤕꤢ꤭꤯

ꤚꤥꤗꤢꤩ꤬ 11:31 ပူးပေါင်းရင်းမြစ်များ

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤚꤥꤗꤢꤩ꤬ 11:15

จอแปแหร่ วีแก เหย่ซี อาขว่าอาคยา, ล๋อ แกแย เห่ขุพู๊ เด๊อ อาโร เต๊เห่เนอ อา ทวาแถ่ เต๊เปล่โป่ เฮ๊อ ลู โคแบ๊ซว๊า เฮ๊อ. เก่เฮ๊ฮู๊เนอ เร๊อ ช๊า จอแปแหร่ เอ๊โมฉื่อ คยาแซ๊ เฮ๊อ แกแยยิวพู๊ เออเต๊เห่ เบ๊อะเนอปาเนอ, อา เก่ แซ่เน๊อ หม่าอิเต ปาเนอ เตเนแม๊มอ แลแค. อา เก่ แซ่เจ๊อเร๊อ แกแยเซอ โทเรอ อา เซอเพร กาคยา คยาแซ๊ เนอ เจ๊อ ปา.

ꤚꤥꤗꤢꤩ꤬ 10:16

หม่าแน๊เรอ อิสราเอลพู๊ เต๊เห่เนอ, อา พย๊าฉื่อลอ เตซิครือมีลา ปว๋า เตเพร โต่. เมเตเฮ๊เรอ, เพรโพร อิสยาห์ เฮ๊ เน๊อ, “เก๋อ แบ่เจ่, หม่าอูเป เตเร หยื่อเอ่เกอ เป เตหรี่เตแก เออเนอ เป?”

ꤚꤥꤗꤢꤩ꤬ 11:30

อา แซ่เฮ๊อ เน๊อ ซี เด๊อ เหร่อเคเนอ เฮ๊อ เนอ, เด๊อ เหร่อเคเนอ หม่า ซี จูเอ่ หนิดา เกออู จอแปแหร่ อาลาอาโหง่ โต่ หม่าแน๊เรอ กู๊แหน่เออ เด๊อ แกแยยิวพู๊ เต๊เห่ จูเอ่ หนิดา เกออู จอแปแหร่ อาโหง่ โต่ อาขว่าอาคยา, จอแปแหร่ ซิยอเกอเร๊อ เฮ๊อ ซี แกแยยิวพู๊ หม่าโต่ เออเต๊เห่ เฮ๊อ.

ꤚꤥꤗꤢꤩ꤬ 11:32

เมเตเฮ๊เรอ แซ่ฮู๊ จอแปแหร่ เก่ ซิยอเกอเร๊อ ลออู ปว๋า เตเพร เนอเร๊อ, อา ด๊อโน โอ่แซ๊ ล๊อปลี อู ปว๋า เตเพร เด๊อ เตหนิดา โหง่ โต่ อาทอกู เออเนอ เฮ๊อ.