ꤚꤥꤗꤢꤩ꤬ 11:28 - ลีเทส่อพ๊าอาเซ เร๊อ เห่ขุทวาลู๊

²⁸ แกแยยิวพู๊ เต๊เห่ ย๋อ พย๊าฉื่อเกอ เตซิครือมีลา เออ โต่ อาขว่าอาคยา, เหย่ซี ทวาแถ่แก เพร เด๊อ อา ซิเถ่ จอแปแหร่ เต๊เห่ เฮ๊อ. หม่าแน๊เรอ ซิเง เกอลาติ เร๊อ จอแปแหร่ เด๊อะครา เฮ๊อ ซี เชหยู่ อาขว่าอาคยา, อา หนิบุ๊ยหนิเตอเรอ เด๊อ ซี แกแยยิวพู๊ หม่าโต่ เต๊เห่ อาเง เฮ๊อ. เก่ แม๊เกอลาติ เด๊อ แกแยยิวพู๊ ตากยา เฮ๊เรอ จอแปแหร่ ย๊อ นว๊าแถ่ โทเฮ๊อ เหย่ซี เร๊อ อาแกแย เฮ๊อ อาขว่าอาคยา, อา โม เกอเร๊อ เหย่ซี. เมเตเฮ๊เรอ อา อ๊อแล หนื่ออื่อ โทเฮ๊อ อาโหง่ เร๊อ เหย่ซี เพอโพ มู๋หนู่เค เต๊เห่ เฮ๊อ.

Eastern Kayah Shadaw Dialect

²⁸ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤜꤢ꤭ ꤖꤛꤢꤏꤢꤦ꤬ꤊꤣꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ꤊꤢꤧ꤭ ꤖꤚꤢꤩ꤬ ꤘꤣ ꤢ꤬ ꤞꤤꤓꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤞꤤꤑꤢꤩ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤋꤚꤢ꤭ ꤟꤣꤧ ꤞꤤ꤭ ꤏꤢ꤭ꤛ꤫ꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ꤯ ꤊꤢꤩ꤬ ꤗꤢꤧꤜꤢ꤭ꤒꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤣ꤬ꤊꤛꤢ꤭ ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤜꤢ꤭ ꤔꤝꤢꤓꤢꤧ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤥ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤢꤪꤜꤢꤧ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤛꤢꤩ꤬ꤞꤤ꤭ ꤖꤣꤧ꤭ꤖꤥ꤭ꤘꤢꤨ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 11:28 ပူးပေါင်းရင်းမြစ်များ

ꤚꤥꤗꤢꤩ꤬ 11:7

ฮู๊เนอเรอ, อาโหง่แลช๊า หม่า หม่าเฮ๊อ เต เด๊อ อิสราเอลพู๊ แม๊ปู เกอ เร๊อ เออเนอ, อา แม๊เถอะ เกอเร๊อ โต่. ตื๊อแพ๊ แกแย เด๊อ จอแปแหร่ นว๊าแถ่ เหย่ซี เออเต๊เห่ แม๊เถอะ แลแค แพ๊. ล๋อ อา โอ่แก เนอเต๊เห่ หม่า จอแปแหร่ นอ กู่กล๊อเพรอ ลอ แหน่เจ๊อ เหย่ซี เนอเต๊เห่ เฮ๊อ.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

ꤚꤥꤗꤢꤩ꤬ 11:11

ฮู๊เนอเรอ แว เก่ แด๊เฮอ เน๊อ, เบ๊อะแกแยยิวพู๊ เต๊เห่ ตอพอ แลคื๊อ เบ๊อะเนอ, อาปย๊าอาหลู่ ลา เจ๊อ แอ? อาปย๊าอาหลู่ ล๋ายโต่. เหย่ซี ย๋อ เมดื่อเง เตซื๊อ เรอ, จอแปแหร่ เมแลเปล๊กา ลาติ แกแยยิวพู๊ หม่าโต่ เต๊เห่, เร๊อ อา เม ซิเคว๊เกอ อิสราเอลพู๊ เต๊เห่ เร๊อ เหย่ซี แพ๊.

ꤚꤥꤗꤢꤩ꤬ 11:30

อา แซ่เฮ๊อ เน๊อ ซี เด๊อ เหร่อเคเนอ เฮ๊อ เนอ, เด๊อ เหร่อเคเนอ หม่า ซี จูเอ่ หนิดา เกออู จอแปแหร่ อาลาอาโหง่ โต่ หม่าแน๊เรอ กู๊แหน่เออ เด๊อ แกแยยิวพู๊ เต๊เห่ จูเอ่ หนิดา เกออู จอแปแหร่ อาโหง่ โต่ อาขว่าอาคยา, จอแปแหร่ ซิยอเกอเร๊อ เฮ๊อ ซี แกแยยิวพู๊ หม่าโต่ เออเต๊เห่ เฮ๊อ.

ꤚꤥꤗꤢꤩ꤬ 5:10

เด๊อ อาเหร่อเค เนอหม่า, เป ทวา แกแย เด๊อ อา ซิเถ่ จอแปแหร่ เต๊เห่. เด๊อ อาพู๊คู ข่าเซอ อาซิปล่อ เด๊อ เปเง อาขว่าอาคยา, อา เม โครเกล กาคยา คยาแซ๊ เฮ๊อ เป เฮ๊อ. กู๊แหน่เออ เป ทวาเฮ๊อ อาโค แบ๊ซว๊า เฮ๊อ. เป ซิเง ตาเต เจ๊อเฮ๊อ. เร๊อ เป เหล่แลเปล๊เบ๊ แพ๊ เร๊อ อาพู๊คู อา เตโอ่เซอเพร อาคยา แพ๊.

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

เพรโด่แนพู๊ เต๊เห่ 14:2

หม่าแน๊เรอ แกแยยิวพู๊ เด๊อ อา หยื่อเอ่ เกออู โต่ เต๊เห่เนอ, อา นอฉว่านอชอ แฉ่ครวา แกแยยิวพู๊ หม่าโต่ เต๊เห่ เด๊อ อา เก่ เท๊แตแอฉื่อแก แกแย เด๊อ อา หยื่อเอ่แลแค เนอเต๊เห่.

ꤜꤢꤨꤊꤢ꤬ 1:54

อา เตเนแถ่ โต่เบ่เฮ๊อ เต เด๋อ อา อ๊อแล โทเฮ๊อ เร๊อ เปเพอเปโพ เด๊อ หนู่เค เนอเต๊เห่ เร๊อ อา แฮเมจว่า เฮ๊อ อาหลู่เล๊ อิสราเอล เต๊เห่ เฮ๊อ.

เห่ขุทวาลู่ 28:14

เนกลุยแลเออ อา เก่ โอ่โหร่โอ่เอ๊ แซ่เจ๊อเน๊อ เห่หมื่อ เบ๊อะ เห่ขุเออ เนอเต๊เห่ ปา. เหย่ซี เก่ โอ่ปีชี จว๊า ลอดื่อ เด๊อ ซิโท ซิแล ซิเถ่ ซิโน ปา. เร๊อ เด๊อ เน เน๊อ เนกลุยแลเออ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ เก่ พย๊าหนิ แฮเง เกอดื่อ เตบุ๊ยเตเตอเรอ ปา.

เห่ขุทวาลู่ 26:4

แว เก่ นอ โอ่เอ๊แถ่ ดื่อ เนกลุยเนแล แซ่เจ๊อเน๊อ เฉ่ โอ่ เด๊อ ม๊อเลเนอ เจ๊อ ปา, เร๊อ ล๊อ เห่ขุ เออเต๊เห่ เนอ แว เก่ เด๊อะ ลอดื่อ เน๊อ เหย่ซี ปา. เด๊อ เนกลุยเนแล เออ อาขว่าอาคยา เร๊อ ล๋อ เมวเจ่อ โอ่ เด๊อ เห่ขุ เออเต๊เห่ เก่ พย๊าหนิ แฮเงเกอ เตเด๊อะบุ๊ยเด๊อะเตอเรอ ปา.