ꤚꤥꤗꤢꤩ꤬ 11:25 - ลีเทส่อพ๊าอาเซ เร๊อ เห่ขุทวาลู๊

²⁵ โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

Eastern Kayah Shadaw Dialect

²⁵ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤖꤛꤢ ꤓꤢꤧ꤬ꤜꤥ꤭ꤓꤢꤧ꤬ꤗꤢꤪ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤞꤤ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤕꤜꤥ꤭ꤔꤢꤪ ꤜꤢꤨ꤭ ꤒꤥ꤬ ꤣꤧ꤭ꤔꤣꤧ꤬ꤒꤣ꤬ꤡꤣ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ ꤊꤢꤨ꤬ꤊꤜꤢꤪꤖꤚꤣꤧ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤊꤢꤨ꤬ꤊꤜꤢꤪꤖꤚꤣꤧ꤭ ꤑꤢ꤭ꤒꤣꤧ꤬ꤘꤢꤦ꤬ ꤒ꤫ꤥ꤬ꤖꤢꤧ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤥ꤬ꤔꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤙꤢ꤭ꤖꤚꤢꤩ꤬ ꤟꤣꤧ ꤕꤢ꤭ ꤙꤣꤧꤔꤣꤧ꤬ ꤖꤢꤧ꤯

ꤚꤥꤗꤢꤩ꤬ 11:25 ပူးပေါင်းရင်းမြစ်များ

ꤜꤢꤨꤊꤢ꤬ 21:24

อู เก่ เมเซอ เหย่ซี เต๊เห่เห่ เร๊อ เน๊ ปา, เร๊อ เต๊เห่เห่เนอ, อู เก่ ปื่อจุ่ยจว๊าแก เหย่ซี เด๊อ เก่ปว๊าเต๊เก่ เด๊อ เห่ขุ เออเนอ ปา. แกแยยิวพู๊ หม่าโต่ เต๊เห่ เก่ เมจาเมจือ เป่เอ่ เป่โอ วีเยรูซาเล็ม เต๊เห่ ปา. เร๊อ อา เก่ เป๊อ โต่เด๊อ เหย่ซี แกแยยิวพู๊ หม่าโต่ เต๊เห่ เบ๊อะเล๊อแถ่บาแถ่ เฮ๊อ โตโพ๊ ปา.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

ꤚꤥꤗꤢꤩ꤬ 12:16

โอ่เซอเพร โหร่ลอ ลู เด๊อ ซิปล่อ เตเม๋ จือ อากู นี๋. พย๊าแถ่โล แต่ แลแค ซี ซิปล่อ แต่เหม่ นี๋. โท๊โต่ แบ๊ซว๊าเค๊โค หนิเกอ แลแค เร๊อ แกแย โซพ๊าโซแรพู๊ เนอเต๊เห่ นี๋. เตเนดุ เกอ เร๊อ เนเหน่ แต่เหม่ นี๋.

เตเด๊อะโลแถ่ 10:7

ช๋า เตเน่วพู๊ อาเพร โซซว๊าเตเพร เออเตเพร เก่ โอ๊แถ่ อากวา เบ๊อะเนอปาเนอ, จอแปแหร่ เก่ เมเล๊อบาแถ่ อาเต ตี๊หรี่แตแร หนื่ออื่อ เตอาจ่ออาแย ฮู๊ อา แด๊โฉ่ โทเฮ๊อ อาหลู่เล๊ เพรโพร เต๊เห่ เนอ ปา.”

เตเด๊อะโลแถ่ 7:9

เตเมอาเหน่ ฮู๊เออ โทเรอ แว แม๊เถอะ แกแย โอ่โหร่โอ่เอ๊ แหน่เจ๊อ ตู๊หมู่ เร๊อ อู แด๊ ลอเป่ เหย่ซี เตเพร่ว โต่. เหย่ซี โอ่ เด๊อ เมวเจอะ ปว๊าเต๊อเจ่อ, กลุยแล ปว๊าโต๊โหมะ, แกแย ปว๊าตู๊หมู่, เร๊อ โหง่ ปว๊า เต๊อเจ่อ แฮ เร๊อ เหย่ซี แฮก๊อถ่อโอ่ เด๊อ ซิหมิพู๊ เร๊อ อาจ๊อแผ่ กู่แกล๊เท แถ่โล อาเป๊เส่เง. โทเรอ เหย่ซี อากือแซ๊หนิ จาจวาบูทู เร๊อ ปื่อหม่าหนิ แลแค กอน๊อเหมาะแพ เต๊เห่.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.

โครินธ์ อาเหร่อเล๊อ ต๊าบ่า 10:1

แว โคแบ๊ซว๊า ซี๋! แว ซิหยื่อ นอซิเง เกอ ซี เร๊อ เปเพอเปโพ เด๊อ คูโมเสส ซูกา ลู เด๊อ เหร่อเคเนอ เต๊เห่ อาหรี่อาแก. อ๊อโหล่ เด๊อ อา เด๊อะโล เร๊อ จอแปแหร่ แฮแล โอ่เต่อเกอ เร๊อ เหย่ซี เออต๊าบ่า เนอ, อา เก๊โอ่กา เป่ เด๊อ เหย่ซีขุ. โทเรอ เหย่ซี กาจว๊า ตาลว๊าเบ๊ แร๊แร๊แหน่แหน่ ล๊อปลี เร๊อ เทอดุซาวา เด๊อ อู เอ๊ เร๊อ เทอลีดุ เออเนอ แตแล เจ๊อ.

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

โครินธ์ อาเหร่อเล๊อ ต๊าบ่า 12:1

โป่แหว่ ซี๋, กู๊แหน่เออ, แว ซิหยื่อ โด่แนโปล เป่ ซี เร๊อ เชหยู่ หนิครา เด๊อ แหย่โยบูโพ๊ แบ่เจ่ เด๊อะ ซี เตเพร เร๊อ เตเพร เนอเต๊เห่ อาหรี่อาแก.

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤚꤥꤗꤢꤩ꤬ 9:18

เมฮู๊เนอเรอ จอแปแหร่ ซิยอเกอเร๊อ อู จู๋ ดื่อ อา ซิยอ เนอ, อา เม กู่กล๊อเพรอ แกแย เด๊อ จู๋ ดื่อ อา ซิหยื่อ เมกู่กล๊อเพรอหนิ อู เนอเต๊เห่ แพ๊.

ꤚꤥꤗꤢꤩ꤬ 11:12

เด๊อ เหย่ซี เม เตซื๊อเตปล๊า อาขว่าอาคยา, จอแปแหร่ เด๊อะบุ๊ยเด๊อะเตอ เรอ เอ๊แหน่เจ๊อ เฮ๊อ แกแย โอ่ เด๊อ เห่ขุ เออต๊าบ่า เฮ๊อ. เด๊อ เหย่ซี แลจู่แก จอแปแหร่ อา เตแม๊ดุ เหย่ซี อาขว่าอาคยา, แกแยยิวพู๊ หม่าโต่ เต๊เห่ พย๊าหนิ เล๊อบาแก เฮ๊อ จอแปแหร่ อา เตแม๊ดุหนิ เหย่ซี เฮ๊อ. ฮู๊เนอเรอ ช๋า ล๋อ แกแยยิวพู๊ เด๊อ จอแปแหร่ นว๊าแถ่ เหย่ซี เนอเต๊เห่ เก่ หยื่อเอ่กา ลอเฮ๊อ ครี๊ เบ๊อะเนอ ปาเนอ, จอแปแหร่ เก่ เด๊อะบุ๊ยเด๊อะเตอเรอ ลอ เจ๊อ อู บ๋า เต ปาเนอ, เตเนแม๊ แลแค เมอ.

ꤚꤥꤗꤢꤩ꤬ 11:24

ซี แกแยยิวพู๊ หม่าโต่ เต๊เห่เนอ อาแซ่เน๊อ โต๊โฉ่แพ เด๊อ อา แด๊ดื่อ อาเหน่ เด๊อ หมิเกล เนอเต๊เห่ เฮ๊อ. เร๊อ อู จว๊า ย๊อเก่กา บ่อทือ จิจือลู เร๊อ โต๊โฉ่เหมาะ เด๊อ อู ช๊อแด๊ อา เนอเต๊เห่ แพ๊. อา เบ่ เมทวา โค๊ดื่อ ซี เร๊อ อาเหล่โกล เมแด๊หนิ เออเนอเต๊เห่. ฮู๊เนอเรอ จอแปแหร่ เก่ บ่อทือจิจือ กาคยา ส่อแพ เด๊อ อา ปาแก เด๊อ เตเร๊กู เนอเต๊เห่ เฮ๊เนอหม่า อายูเล๊อ ปา เจ๊อ เร๊อ อา เมทวา ซี เออเนอ เจ๊อ.

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

เอเฟซัส 1:9

เร๊อ อา เด๊อะโล เฮ๊อ เป เร๊อ อา เตตี๊หรี่โห่ เต๊หรี่เซ๊ เออเนอเฮ๊อ. อา แด่แล โทเฮ๊อ อาซิปล่อ เด๊อ อา เก่ เมเล๊อเมบาแถ่ อา เตเต๊หรี่โห่ เต๊หรี่เซ๊ เออเนอ เร๊อ ครี๊ เฮ๊อ. เออ หม่า หม่าเฮ๊อ เด๊อ อา ซิหยื่อ เด๊อะโล เป่ เป เร๊อ อา เตเต๊หรี่โห่ เต๊หรี่เซ๊ เออเนอเฮ๊อ.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

เตเด๊อะโลแถ่ 1:20

เฉ่ โซซว๊าเตเม เด๊อ เน แม๊เถอะ อา โอ่ เด๊อ แว กู๊ขุ จ๊อทว๊า อากู เออเนอ เร๊อ หมิกอเท โซซว๊าเตเมเออ อาโหง่แลช๊า อาจ่ออาแย หม่า ฮู๊เตเฮ๊เร๊อ เฉ่ โซซว๊าเตเม อาโหง่แลช๊า เนอหม่า หม่าเฮ๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ อา เตเน่วพู๊ เต๊เห่ เร๊อ หมิเคว๊กอ โซซว๊าเตเม อาโหง่แลช๊า หม่า หม่าเฮ๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เออเต๊เห่เนอ เฮ๊อ.”