ꤚꤥꤗꤢꤩ꤬ 11:17 - ลีเทส่อพ๊าอาเซ เร๊อ เห่ขุทวาลู๊

¹⁷ แกแยยิวพู๊ เออเต๊เห่ เนอหม่า อาแซ่เน๊อ อู จว๊า ย๊อเก่แก โต๊โฉ่แพ เด๊อ อู ช๊อแด๊ ลู เด๊อ เตเร๊กู เออเต๊เห่ อาแพ เร๊อ อู จว๊า ย๊อเก่กา เกอลาติ โต๊โฉ่แพ เด๊อ อา แด๊เร๊อดื่อ อาเหน่ เด๊อ หมิเกล เนอเต๊เห่ อาแพ เร๊อ อู กา บ่อทือ จิจือลู. ซี แกแยยิวพู๊ หม่าโต่ เต๊เห่ เนอหม่า อาแซ่เน๊อ โต๊โฉ่เหมาะ เด๊อ อา แด๊ เด๊อ หมิเกล เออเต๊เห่ เนอเฮ๊อ. กู๊แหน่เออ ซี พย๊าหนิ เกอเฮ๊อ เตบุ๊ยเตเตอเรอ เด๊อ จอแปแหร่ เด๊อะบุ๊ยเด๊อะเตอเรอ แกแยยิวพู๊ เพอโพ เด๊อ เนอเค เต๊เห่ เฮ๊อ. ซี พย๊าหนิ แซ่เน๊อ ส่อแพ เออเต๊เห่ จุ๊ยโอ หนิอ๊าหนิเหร่ เกอ ส่อแจเทอ เด๊อ อา โอ่ เด๊อ อาหรุ่ยกู เร๊อ อา แฮ เออเต๊เห่ เนอเฮ๊อ.

Eastern Kayah Shadaw Dialect

¹⁷ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤢꤨ꤭ ꤡꤝꤢ ꤛꤢꤪꤊ꤫ꤢꤩ꤬ꤊꤢꤧ꤭ ꤢꤪꤜꤤꤠꤢ꤬ꤖꤢꤧ꤭ ꤘꤣ ꤢꤨ꤭ ꤤ꤬ꤏꤢꤪꤘꤢꤧ ꤜꤢꤨ꤭ ꤘꤣ ꤊꤣꤧ꤬ꤚꤢꤩꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤖꤢꤧ꤭ ꤚꤣꤧ꤬ ꤢꤨ꤭ ꤡꤝꤢ ꤛꤢꤪꤊ꤫ꤢꤩ꤬ꤊꤢ꤬ ꤊꤣꤧ꤭ꤜꤢ꤭ꤒꤢꤩ꤬ ꤢꤪꤜꤤꤠꤢ꤬ꤖꤢꤧ꤭ ꤘꤣ ꤢ꤬ ꤘꤢꤧꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤘꤣ ꤗꤤ꤬ꤊꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤖꤢꤧ꤭ ꤚꤣꤧ꤬ ꤢꤨ꤭ ꤊꤢ꤬ ꤕꤣꤧ꤬ꤓꤢꤦ꤭ ꤡ꤫ꤢꤩ꤬ꤡꤢꤦ꤭ꤜꤢꤨ꤭꤯ ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤢꤪꤜꤤꤠꤢ꤬ꤗ꤫ꤢꤪ꤬ ꤘꤣ ꤢ꤬ ꤘꤢꤧ ꤘꤣ ꤗꤤ꤬ꤊꤜꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤔ꤫ꤤ꤬ꤙꤢꤩ꤬ ꤊꤣꤧ꤭ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ꤊꤢꤧ꤭ ꤛꤢꤨꤘꤢ꤬ꤖꤢꤨ ꤖꤣꤧ꤭ꤖꤥ꤭ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤤ꤭ ꤔ꤫ꤤ꤬ꤙꤢꤩ꤬ ꤞꤢꤧꤔꤢꤧ ꤞꤢꤪ꤬ꤖꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤡꤝꤤꤥ꤭ ꤔ꤫ꤤ꤬ꤟꤢꤧ꤭ꤔ꤫ꤤ꤬ꤚꤢꤩ꤬ ꤊꤣꤧ꤭ ꤞꤢꤪ꤬ꤡꤢꤧ꤭ꤓꤣꤧ꤭ ꤘꤣ ꤢ꤬ ꤥ꤬ ꤘꤣ ꤢ꤬ꤚꤝ꤫ꤤ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯

ꤚꤥꤗꤢꤩ꤬ 11:17 ပူးပေါင်းရင်းမြစ်များ

เอเฟซัส 3:6

จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

โคโลสี 2:13

เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ

เพรโด่แนพู๊ เต๊เห่ 2:39

จอแปแหร่ อา เตอ๊อแลนอแล เออเนอหมา, หม่า ซิเง เน๊อ ซีกลุยซีแล เด๊อคยา เต๊เห่ อาเง เน๊อ, ล๋อ แกแย เด๊อ อา โอ่ เด๊อ เทอเก่อายา เต๊เห่ อาเง เร๊อ ล๋อ แกแย อาโอ่ เด๊อ จอแปแหร่ เอ๊แฮ ลู เด๊อ อา โอ่ เนอเต๊เห่ อาเง เฮ๊อ.”

เตเด๊อะโลแถ่ 11:4

เพรข่าเฮ๊โล ซิเนอเออ เนอหม่า อา แซ่เฮ๊อ เร๊อ โต๊โฉ่เหมาะ เนอเหมาะ เร๊อ หมิเคว๊กอ เนอเม เด๊อ อา ก๊อถ่อโอ่ เด๊อ จอแปแหร่ เด๊อ อา เป๊อ เห่ขุ เออเตเพร อาเป๊เส่เง เนอ เฮ๊อ.

ꤛꤥ꤭ꤟꤢ꤬ 15:6

แกแย เตเพรเพร เด๊อ อา โอ่จิจือหมะ เด๊อ แวกู โต่ เนอ, อาแซ่เน๊อ ส่อแพ เด๊อ อู วีเถ่แก อา เด๊อ อากลอ, เร๊อ อา โน๊แกคราแก เต๊เห่ เนอแพ๊. ส่อแพ ฮู๊เนอ เต๊เห่เนอ, อูโถ่ปล๊อ อา เร๊อ อู วีโนแก ลู เด๊อ หมิกู เร๊อ อู ชื๊ออือแก อา แพ๊.

ꤊꤢ꤬ꤜꤢ꤬ꤒꤤ 2:15

แว เฮ๊ แฮเงโป่ คูเปโตร เน๊อ, “เป เร๊อ เป โอ่เป๊เจ่แล ฮู๊ แกแยยิวพู๊ เด๊อ อา ซิเง จอแปแหร่ อา เตซว๊าเตแส่ เออเต๊เห่เน๊อ. เป หม่า อาแซ่เน๊อ แกแยยิวพู๊ หม่าโต่ เด๊อ อา ซิเง เกอ อู เตซว๊าเตแส่ โต่ เนอเต๊เห่ หม่าโต่. โทเรอ แกแย ฮู๊เนอ เต๊เห่ หม่า เป เอ๊ เหย่ซี เร๊อ เพรเมเตซื๊อพู๊.

ꤛꤥ꤭ꤟꤢ꤬ 15:1

“แว หม่า แท๊ทือเหมาะ เด๊อ อา หม่าแหน่ เออต๊อเหมาะ, แวเพ หม่า เกเร๊แบ่เจ่.

ꤚꤥꤗꤢꤩ꤬ 11:24

ซี แกแยยิวพู๊ หม่าโต่ เต๊เห่เนอ อาแซ่เน๊อ โต๊โฉ่แพ เด๊อ อา แด๊ดื่อ อาเหน่ เด๊อ หมิเกล เนอเต๊เห่ เฮ๊อ. เร๊อ อู จว๊า ย๊อเก่กา บ่อทือ จิจือลู เร๊อ โต๊โฉ่เหมาะ เด๊อ อู ช๊อแด๊ อา เนอเต๊เห่ แพ๊. อา เบ่ เมทวา โค๊ดื่อ ซี เร๊อ อาเหล่โกล เมแด๊หนิ เออเนอเต๊เห่. ฮู๊เนอเรอ จอแปแหร่ เก่ บ่อทือจิจือ กาคยา ส่อแพ เด๊อ อา ปาแก เด๊อ เตเร๊กู เนอเต๊เห่ เฮ๊เนอหม่า อายูเล๊อ ปา เจ๊อ เร๊อ อา เมทวา ซี เออเนอ เจ๊อ.