ꤚꤥꤗꤢꤩ꤬ 11:11 - ลีเทส่อพ๊าอาเซ เร๊อ เห่ขุทวาลู๊

¹¹ ฮู๊เนอเรอ แว เก่ แด๊เฮอ เน๊อ, เบ๊อะแกแยยิวพู๊ เต๊เห่ ตอพอ แลคื๊อ เบ๊อะเนอ, อาปย๊าอาหลู่ ลา เจ๊อ แอ? อาปย๊าอาหลู่ ล๋ายโต่. เหย่ซี ย๋อ เมดื่อเง เตซื๊อ เรอ, จอแปแหร่ เมแลเปล๊กา ลาติ แกแยยิวพู๊ หม่าโต่ เต๊เห่, เร๊อ อา เม ซิเคว๊เกอ อิสราเอลพู๊ เต๊เห่ เร๊อ เหย่ซี แพ๊.

Eastern Kayah Shadaw Dialect

¹¹ ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤟꤣꤧ꤭ ꤔꤢꤧ, ꤙꤣꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤖꤢꤪ꤭ ꤜꤣꤧ꤬ꤋꤢꤦ ꤢ꤬ꤋꤢꤩ꤭ꤔꤣꤧ꤬, ꤢ꤬ꤕꤛꤢꤢ꤬ꤜ꤫ꤢꤨ꤬ ꤜꤢ꤭ ꤡꤣꤧ ꤟꤢꤧ꤭? ꤢ꤬ꤕꤛꤢꤢ꤬ꤜ꤫ꤢꤨ꤬ ꤜꤢ꤭ꤒꤥ꤬꤯ ꤛꤢꤩ꤬ꤞꤤ꤭ ꤜꤢ꤭ ꤗꤢꤩ꤬ꤘꤢꤦ꤬ꤑꤢꤩ꤭ ꤒꤢꤩ꤬ꤞꤢꤦ ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢ꤭ꤒꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤗꤢꤩ꤬ ꤞꤤꤋꤝꤢꤩꤊꤣꤧ꤭ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤖꤢꤧ꤯

ꤚꤥꤗꤢꤩ꤬ 11:11 ပူးပေါင်းရင်းမြစ်များ

ꤚꤥꤗꤢꤩ꤬ 11:31

ฮู๊เนอเฮ๊อ, กู๊แหน่เออ แกแยยิวพู๊ เต๊เห่ หนิดา ปา จอแปแหร่ อาโหง่ โต่. เร๊อ จอแปแหร่ ย๊อ ซิยอเกอเร๊อ ซี อาขว่าอาคยา, เตอเนอเนอ ปาเนอ แกแยยิวพู๊ เต๊เห่ เก่ พย๊าหนิเกอ จอแปแหร่ อา เตซิยอ ปา.

ꤚꤥꤗꤢꤩ꤬ 11:12

เด๊อ เหย่ซี เม เตซื๊อเตปล๊า อาขว่าอาคยา, จอแปแหร่ เด๊อะบุ๊ยเด๊อะเตอ เรอ เอ๊แหน่เจ๊อ เฮ๊อ แกแย โอ่ เด๊อ เห่ขุ เออต๊าบ่า เฮ๊อ. เด๊อ เหย่ซี แลจู่แก จอแปแหร่ อา เตแม๊ดุ เหย่ซี อาขว่าอาคยา, แกแยยิวพู๊ หม่าโต่ เต๊เห่ พย๊าหนิ เล๊อบาแก เฮ๊อ จอแปแหร่ อา เตแม๊ดุหนิ เหย่ซี เฮ๊อ. ฮู๊เนอเรอ ช๋า ล๋อ แกแยยิวพู๊ เด๊อ จอแปแหร่ นว๊าแถ่ เหย่ซี เนอเต๊เห่ เก่ หยื่อเอ่กา ลอเฮ๊อ ครี๊ เบ๊อะเนอ ปาเนอ, จอแปแหร่ เก่ เด๊อะบุ๊ยเด๊อะเตอเรอ ลอ เจ๊อ อู บ๋า เต ปาเนอ, เตเนแม๊ แลแค เมอ.

ꤚꤥꤗꤢꤩ꤬ 10:19

แว เก่ แด๊เฮอ คยาแซ๊ เน๊อ, อิสราเอลพู๊ เต๊เห่ หม่า อา ซิเงโปลเกอ แหน่ อู โต่ แอ? แกแย เด๊อ อา เฮ๊ฉื่อ เหร่อเล๊อ อู เนอหม่า คูโมเสส เฮ๊อ เร๊อ อา เฮ๊ ฮู๊เออ, “เมวเจอะโร เด๊อ ซี เตเนดุ เกอ ลู โต่ เต๊เห่เนอ, แว เก่ เด๊อะบุ๊ยเด๊อะเตอเรอ เหย่ซี เร๊อ นอซิเคว๊เกอ เร๊อ ซี ปา. แว เก่ เด๊อะบุ๊ยเด๊อะเตอเรอ เมวจ่อโรพู๊ เด๊อ อา ซิเงโปลเบ๊ เกอ แว โต่ เต๊เห่ เร๊อ แว นอซิปล่อดุ เร๊อ ซี ปา.”

ꤚꤥꤗꤢꤩ꤬ 11:14

ฮู๊ จอแปแหร่ เมแร๊ โทเป่เฮ๊อ ซี แกแยยิวพู๊ หม่าโต่ เต๊เห่ อาเงเนอ, แว แม๊ชือ เน๊อ แซ่ฮู๊ แว เก่ เม ซิเคว๊ หนิเป่ เกอดื่อ แวโค แกแยยิวพู๊ เร๊อดื่อ เต๊เห่ อาเง, โท๊โต่ แซ่ฮู๊ แว เก่ อี๊ลอกาหนิ เกอ เหย่ซี เต๊เห่เห่ เน๊อ อา เก่ พย๊าหนิ เกออู เตเมแลเปล๊กา อาเง เนอเรอ, แว เตเนดุ เกอเร๊อ แหน่เจ๊อ เตเม เด๊อ จอแปแหร่ เด๊อ แว เออเนอ เจ๊อ.

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

ꤚꤥꤗꤢꤩ꤬ 11:1

ฮู๊เนอเรอ แว เก่ แด๊เฮอ แลแค ซี เน๊อ, หม่า จอแปแหร่ วีแก แก เฮ๊อ อา แกแยเมวเจอะพู๊ เร๊อดื่อ เออ เฮ๊อ แอ? อา วีแก เน๊อ เหย่ซี ตีกี๋โต่. เตเนแม๊ แลแค แม๊ แวเออ, แว หม๋า อิสราเอลพู๊ เตเพร แพ๊ กอกอ. แว หม่า เพอับราฮัม อากลุยอาแล, คูเบนยามิน อากลุย กาแล แพ๊.

เพรโด่แนพู๊ เต๊เห่ 13:42

เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่.

ꤜꤢꤨꤊꤢ꤬ 20:16

อา เก่ แฮ เมเซอแก ล๋อ แกแย เนอเต๊เห่ เร๊อ อา เก่ ปลวา เมเอ่โก๊ เต๊เปล่ติ แท๊ทือเผ่ เออเนอ เร๊อ แกแย เด๊อ อาโร เต๊เห่ ปา.” เบ๊อะแกแย โอ่โหร่ โอ่เอ๊ หนิโฮ เตเฮ๊เบ่เออ เบ๊อะเนอ, เหย่ซี เฮ๊ แลแค เน๊อ, “เป ซิหยื่อ นอทวาแถ่ อา ฮู๊เนอ โต่!”