ꤚꤥꤗꤢꤩ꤬ 10:9 - ลีเทส่อพ๊าอาเซ เร๊อ เห่ขุทวาลู๊

⁹ เก่ เน อ๊อแล เร๊อ เนกู๊อู่ เร๊อ เน เก่ เฮ๊ เร๊อ เหย่ซู่ หม่า แบ่เจ่ เตเพร เร๊อ เน เก่ หยื่อเอ่ เด๊อ เน ซิปล่อกู เน๊อ จอแปแหร่ เมเซอเพร กาคยา เหย่ซู่ เด๊อ เตเซอ เก่เฮ๊เนอ, เน เก่ พย๊าหนิ เตแลเปล๊กา ปา.

Eastern Kayah Shadaw Dialect

⁹ ꤊꤢꤩ꤬ ꤔꤢꤧ꤬ ꤢꤪꤜꤢꤧ꤬ ꤔꤢꤧ ꤔꤢꤧ꤬ꤊꤢꤨꤢꤨ꤬ ꤚꤣꤧ꤬ ꤔꤢꤧ꤬ ꤊꤢꤩ꤬ ꤟꤢꤩ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤚꤣꤧ꤬ ꤔꤢꤧ꤬ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤘꤣ ꤔꤢꤧ꤬ ꤞꤤꤕꤜꤢꤪ꤬ꤊꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤛꤢꤩ꤬ꤏꤛꤢꤨ ꤘꤣ ꤒꤢꤩ꤬ꤞꤣꤧ꤭ ꤊꤢꤩ꤬ꤟꤢꤩꤔꤣꤧ꤬, ꤔꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭꤯

ꤚꤥꤗꤢꤩ꤬ 10:9 ပူးပေါင်းရင်းမြစ်များ

ꤜꤢꤨꤊꤢ꤬ 12:8

“แว เฮ๊ ซี, อูเปเป๋ เบ่เบ่ อา เก่ อ๊อแล เด๊อ เหย่ซู่ครี๊ หม่า แว แบ่เจ่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ อ๊อแลเกอดื่อ อา ฮู๊เนอเด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา.

เพรโด่แนพู๊ เต๊เห่ 16:31

เร๊อ เหย่ซี เฮ๊ฉื่อ ลู เน๊อ, “หยื่อเอ่แลแค แบ่เจ่ เหย่ซู่ เออเนอ, เร๊อ เน เด๊อ แกแย เด๊อ อา จว๊า โอ่ลอเกอ เร๊อ เน เด๊อ เนหี่กู เต๊เห่เนอ, อา เก่ พย๊าหนิ ดื่อ เตเมแลเปล๊กา ปา.”

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤚꤥꤗꤢꤩ꤬ 14:11

เมเตเฮ๊เรอ, เด๊อ ลีเทส่อพ๊ากู เนอ, แบ่เจ่ เฮ๊ เนอ, “ฮู๊ แว เซอเพร หม่าแหน่ เนอ, แว อ๊อแล ซี เนอ, อูปว๋า เตเพร เก่ แฮ แด๊งือ ช๊าตากลุ๊ยตา ลอ เด๊อ แว เบ๊เง ปา เร๊อ อา เก่ อ๊อแล แลแค ปว๋า เตเพร เร๊อ แว หม่า จอแปแหร่ หม่าแหน่ เตเพร ปา.”

โครินธ์ อาเหร่อเล๊อ ต๊าบ่า 12:3

แว ซิหยื่อ นอซิเงโปล เกอ ซี เร๊อ แกแย เด๊อ อา อิชอ มู๊แหม่ เหย่ซู่ แตแค๋ โต่ เนอเต๊เห่ หม่า, ตื๊อแพ๊ แกแย เด๊อ แหย่โยบูโพ๊ แบ่เจ่ ยูแกล๊ยูโกล ลู เนอเต๊เห่ แพ๊. แหย่โยบูโพ๊ แบ่เจ่ เก่ ยูแกล๊ยูโกล แกแย เตเพรเพร โต่ เฮ๊เนอ, อา อ๊อแลเบ๊ แลแค เร๊อ เหย่ซู่ หม่า แบ่เจ่ เตเพร, ฮู๊เนอ เตเพร่ว โต่.

ยอห์น เนอบ่า ต๊าบ่า 1:7

เพรอิลออี๊โหล่ อู โอ่โลแถ่ เอ๊ลู เด๊อ เห่ขุ เออ เฮ๊อ. เหย่ซู่ครี๊ แฮแล เด๊อ เห่ขุเออ, อา แฮ เร๊อ แกแยเห่ขุพู๊ อา สุ่ยเทอพ๊าหย่า เนอ, เหย่ซี เนอเต๊เห่ หม่า อา อ๊อแล เกออู โต่. แกแย เด๊อ อา อ๊อแล เกออู ฮู๊เนอ โต่ เตเพรเพร เฮ๊เนอหม่า หม่าเฮ๊อ แกแย อิลออี๊โหล่ อู เฮ๊อ. เร๊อ อา หม่า หม่าเฮ๊อ แกแย เด๊อ อา ซิเถ่ ครี๊ เนอ เตเพร เฮ๊อ.

ꤛꤥ꤭ꤟꤢ꤬ 9:22

เบ๊อะเนอเค เนอ, แกแยยิวพู๊ ทวาดุทวาเต เต๊เห่ ซิปล่อ ส่อพ๊อเบ่ ลอ ลู เนอ, แกแย เตเพรเพร ดาเฮ๊เฮ๊อ เร๊อ เหย่ซู่ หม่า เมสิยาห์ หม่าเฮ๊อ เพรเมแลเปล๊กา เฮ๊เนอหม่า, เหย่ซี เหว่เถ่แก เจ๊อ แกแย เด๊อ อา เฮ๊ ฮู๊เนอ เตเพร เด๊อ เตจ๊อเบ โฮกลอ อาขว่าอาคยา, อาโหมะอาเพ เต๊เห่ ซิอิเช แกแยยิวพู๊ ทวาดุทวาเต เต๊เห่ อาเหล่ เนอ, อา เฮ๊ แลแค เน๊อ เป ซิเงเกอ โต่, อา เฮ๊ ฮู๊เนอ แพ๊.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.

เพรโด่แนพู๊ เต๊เห่ 2:32

จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก.

ꤚꤥꤗꤢꤩ꤬ 4:24

เตเฮ๊เบ่ เออตือมือ เนอหม่า, เปเง๋ หม่า อา โอ่โนเต่อ หม่าแหน่ เกอ เจ๊อ. เก่ เป หยื่อเอ่ เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เด๊อ เตเซอ เออเตเพร เฮ๊เนอหม่า, อา เก่ แด่เกอ เป ฮู๊ แกแยจ๊อแกแยเต เต๊เห่ ปา.

ꤚꤥꤗꤢꤩ꤬ 10:10

เมเตเฮ๊เรอ, แกแย เด๊อ อา หยื่อเอ่ เด๊อ อา ซิปล่อกู เต๊เห่เนอ, จอแปแหร่ เก่ แด่จ๊อแด่เต ลู. โทเรอ แกแย เด๊อ อา อ๊อแล เร๊อ อากู๊อู่ เต๊เห่เนอ, อา พย๊าหนิเฮ๊อ เตแลเปล๊กา เฮ๊อ.

ꤚꤥꤗꤢꤩ꤬ 14:9

เด๊อ เตหรี่เตแก เออเต๊เห่ อาขว่าอาคยา, แซ่ฮู๊ ครี๊ เก่ ทวาแถ่ แกแย เซอเพร เต๊เห่ เร๊อ แกแย เซอ เต๊เห่ อา แบ่เจ่ เร๊อ, อา เซอ โทเรอ อา ก๊อถ่อเซอเพร กาคยา คยาแซ๊ เฮ๊อ เด๊อ เตเซอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

แกแย เตเพร เก่ เฮ๊โฉ่ เถ่โล เร๊อ เหย่ซู่ เนอ, จอแปแหร่ อาพู๊คู เตเพร เก่เฮ๊เนอหม่า จอแปแหร่ โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ จอแปแหร่ อากู เฮ๊อ.