ꤚꤥꤗꤢꤩ꤬ 10:3 - ลีเทส่อพ๊าอาเซ เร๊อ เห่ขุทวาลู๊

³ จอแปแหร่ แด่จ๊อแด่เต อู อาแกล๊อาโกล เนอ เหย่ซี ซิเงโปล โต่. โท๊โต่ เหย่ซี แม๊ปู เมแถ่ เกอเร๊อดื่อ แลแค เร๊อ เหย่ ซีแกล๊เหย่ซีโกล แพ๊. ฮู๊เนอเรอ จอแปแหร่ แด่จ๊อแด่เต อู อาแกล๊อาโกล เออเนอ, เหย่ซี ซิปล่อซิหยื่อ ครวาเม เกออู ตีกี๋โต่.

Eastern Kayah Shadaw Dialect

³ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤢꤨ꤭ ꤢ꤬ꤊꤜꤢꤧꤢ꤬ꤊꤜꤥ꤭ ꤔꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤕꤜꤥ꤭ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤗꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤛꤢꤩ꤬ꤞꤤ꤭ꤊꤜꤢꤧꤛꤢꤩ꤬ꤞꤤ꤭ꤊꤜꤥ꤭ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤢꤨ꤭ ꤢ꤬ꤊꤜꤢꤧꤢ꤬ꤊꤜꤥ꤭ ꤣꤧ꤭ꤔꤣꤧ꤬ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤞꤤꤛ꤫ꤢꤦ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤢꤨ꤭ ꤒꤣꤧ꤬ꤊꤤ꤬꤮ꤒꤥ꤬꤯

ꤚꤥꤗꤢꤩ꤬ 10:3 ပူးပေါင်းရင်းမြစ်များ

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤜꤢꤨꤊꤢ꤬ 10:29

หม่าแน๊เรอ อา ซิหยื่อ เด๊อะโล อาเหน่ ฮู๊ แกแย จ๊อ เตเพรเนอ อาขว่าอาคยา อา แด๊เฮอ เหย่ซู่ เน๊อ, “แกแย โอ่ เด๊อ แวหี่ หี่แพหี่ช๊า เต๊เห่ เร๊อ หม่า อูเปเป?”

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤚꤥꤗꤢꤩ꤬ 3:26

หม่าแน๊เรอ กู๊แหน่เออ อา เก่ เด๊อะโล เร๊อ อา เม เตเออ อาโต แพ๊ อาเงเนอ, อา นอแฮ เหย่ซู่ เร๊อ อา เก่ แฮ ข่าเซอ เด๊อ อู ปว๋า เตเพร อาเง. ฮู๊เนอ อาขว่าอาคยา, จอแปแหร่ อาเหน่ แบ่เจ่ เร๊อดื่อ อา เด๊อะโล เร๊อ อา เมจ๊อเมเต แพ๊. เร๊อ อา แด่จ๊อแด่เต แกแย เด๊อ อา หยื่อเอ่ เหย่ซู่ เนอเต๊เห่ เร๊อ อาเหน่ เร๊อดื่อ.

ꤚꤥꤗꤢꤩ꤬ 10:2

แว ซิเง ตาเต ลอ เหย่ซี อาหรี่อาแก อาขว่าอาคยา, แว เก่ แด๊โฉ่โล เป่ ซี เน๊อ เหย่ซี อาหรี่อาแก เฮ๊เนอหม่า อาหนิ แพ๊. เหย่ซี ซิปล่อฉว่า แม๊ปู ลือครวา เมโต แหน่เจ๊อ จอแปแหร่ ซิปล่อ หม่าแน๊เรอ เบ่โต ลือครวา เม ฮู๊เตเนอ, เหย่ซี ซิเง แลแค โต่.

ꤚꤥꤗꤢꤩ꤬ 10:20

เด๊อคยา เร๊อ เพรโพร อิสยาห์ เฮ๊คือเฮ๊ฮา เล๊อโป่ เจ๊อ เร๊อ อา เฮ๊ เน๊อ, “แกแยยิวพู๊ หม่าโต่ เด๊อ อา แอ๊จื๊อ แม๊ปูเกอ แว โต่ เต๊เห่เนอ, อา แม๊เถอะเฮ๊อ แว เฮ๊อ, เร๊อ แว โอ่โลแถ่ เป่ แกแยยิวพู๊ หม่าโต่ เต๊เห่ เด๊อ อา แม๊ปู แด๊เฮอเกอ แว โต่ เต๊เห่ เฮ๊อ.”

ꤚꤥꤗꤢꤩ꤬ 11:7

ฮู๊เนอเรอ, อาโหง่แลช๊า หม่า หม่าเฮ๊อ เต เด๊อ อิสราเอลพู๊ แม๊ปู เกอ เร๊อ เออเนอ, อา แม๊เถอะ เกอเร๊อ โต่. ตื๊อแพ๊ แกแย เด๊อ จอแปแหร่ นว๊าแถ่ เหย่ซี เออเต๊เห่ แม๊เถอะ แลแค แพ๊. ล๋อ อา โอ่แก เนอเต๊เห่ หม่า จอแปแหร่ นอ กู่กล๊อเพรอ ลอ แหน่เจ๊อ เหย่ซี เนอเต๊เห่ เฮ๊อ.