ꤚꤥꤗꤢꤩ꤬ 1:28 - ลีเทส่อพ๊าอาเซ เร๊อ เห่ขุทวาลู๊

²⁸ โท๊โต่ เหย่ซี ซิเง โทเฮ๊อ จอแปแหร่ อาหรี่อาแก หม่าแน๊เรอ, อา พย๊าฉื่อ แลแค โต่, อา แด่ เต เตอเจ๋อ โต่ อาขว่าอาคยา, จอแปแหร่ นอเป๊อแก เหย่ซี เร๊อ เหย่ซี อาเหล่เตเน มู๊แหม่รีแจ่ เร๊อดื่อ เต๊เห่ เร๊อ อาปลวา เม แลแค เหย่ซี เร๊อ เต เด๊อ อา โต เมโต่ เนอเต๊เห่ เฮ๊อ.

Eastern Kayah Shadaw Dialect

²⁸ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤘꤢꤦꤚꤣꤧ꤬, ꤢ꤬ ꤖꤛꤢꤏꤢꤦ꤬ ꤜꤢ꤭ꤋꤢꤧ꤭ ꤒꤥ꤬, ꤢ꤬ ꤘꤢꤧ꤬ ꤒꤢꤩ꤬ꤒꤣ꤬ꤡꤣ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤕꤣꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤕꤜꤝꤢ꤭ꤗꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢ꤬ ꤊꤢꤪ꤬ ꤗꤢꤩ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 1:28 ပူးပေါင်းရင်းမြစ်များ

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

ꤚꤥꤗꤢꤩ꤬ 1:24

ฮู๊เนอ อาขว่าอาคยา, เหย่ซี ซิปล่อ ซิหยื่อ ปาต๊าเปอเตอ มู๊แหม่รีแจ่ ฮู๊เตเนอ, จอแปแหร่ ปลวา เมแก เหย่ซี แพ๊. เร๊อ เหย่ซี เม ซิเตเร เกอเร๊อ ลอ ลู เตเพร เร๊อ เตเพร.

ทิโมธี เนอบ่า ต๊าบ่า 3:8

อา เม แซ่ฮู๊ คูยันเนส เร๊อ คูยัมเบรส์ เม โตโมเต๊เก่ฉื่อ คูโมเสส เนอ เฮ๊อ. แกแย เนอเต๊เห่หม่า อา เท๊ฉื่อ เตหมะเตจ๊อ. เหย่ซีหม่า แกแย เด๊อ อา เตเน มู๊แหม่รีแจ่ เต เต๊เห่, เร๊อ อา เตหยื่อเตแหน่ ปย๊าแก ดื่อเง เนอเต๊เห่ แพ๊.

เธสะโลนิกา เนอบ่า ต๊าบ่า 1:8

อา เก่ เมจากาคยา แกแย เด๊อ อา ซิเง เกออู จอแปแหร่ โต่ เนอเต๊เห่ เร๊อ แกแย เด๊อ อา จูเอ่ เกอ เป แบ่เจ่ เหย่ซู่ อา เตซิครือมีลา โต่ เนอเต๊เห่ ปา.

โครินธ์ อาเหร่อเล๊อ ต๊าบ่า 15:34

เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

ꤚꤥꤗꤢꤩ꤬ 1:18

จอแปแหร่ อา เตซิปล่อดุ โอ่โลแถ่ เด๊อ ม๊อขุ. เร๊อ อา โอ่โลแถ่ เป่ ล๋อ แกแย เด๊อ อา เม เตซื๊อเตปล๊า เนอเต๊เห่ เร๊อ แกแย เด๊อ อา เม เตมู๊แหม่รีแจ่ เนอเต๊เห่. เด๊อ เหย่ซี เม เตมู๊แหม่รีแจ่ เต๊เห่ อาขว่าอาคยาเร๊อ, อา นอ ซิเง ปา อู เร๊อ เตหมะเตจ๊อ เออเนอ โต่ เฮ๊อ.

เอเฟซัส 5:4

เตเฮ๊เบ่ เด๊อ อู ซิรอซิเร, เตเฮ๊เบ่ เด๊อ อาโหง่แลช๊า โอ่โต่ เต๊เห่, เตเฮ๊เบ่ ปาต๊าเปอเตอ เต๊เห่เนอ, อาโตอาเบ่ โต่ อาขว่าอาคยา, เฮ๊เบ่ แลแค แต่เหม่ นี๋. พื๋อ เร๊อ ซี เตเร เฮ๊เบ่เต ฮู๊เนอ เต๊เห่เนอ เฮ๊บุ๊ยเฮ๊เตอเรอ แถ่เหร่อ เด๊อ จอแปแหร่ เนอ.

ꤚꤥꤗꤢꤩ꤬ 1:26

เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตาแก เหย่ซี เด๊อ สุ่ยหย่าเทอ อา เตซิหยื่อซิลอ เด๊อ อา เมเตเร มู๊แหม่ เหย่ซี เออ อา กู๊ยากู. เพร เหมาะ เต๊เห่ เจ๊อ เบ่เบ่, อา วีแก อาเหล่โกล แบ๊ซว๊า โอ่เมอเต่อ เร๊อ เพรคู เร๊อ เหยีซี เร๊อ เหย่ซี จว๊า แบ๊ซว๊า โอ่เมอเต่อ เกอเร๊อ ลู.

เปโตร เนอบ่า ต๊าบ่า 3:5

มู๋หนู่เคเนอ, จอแปแหร่ เฮ๊ แพ๊ อา โหง่ ตือมือ เร๊อ ม๊อเล เน๊อ เห่ขุ ทวาแถ่, เร๊อ อา พย๊าแถ่ เทอ เต๊เห่ เด๊อ เทอเกล เร๊อ อา เม ทวาแถ่ เร๊อ เห่ขุ, เหย่ซี จ่าโชตาปา แลแค แพ๊.

ฟีเลโมน 1:8

เด๊อ เตเออ อาขว่าอาคยา, แว ซิหยื่อ กุย เร๊อ เตเมจว่า เต๊อเจ่อ. ครี๊ เด๊อะ เจ๊อ แว เตเตอเรอฉว่าชอ เด๊อ แว เก่ เบ่ เฮ๊เบ่บื่อ เฮ๊เบ่ฮา เจ๊อ แวโหง่ เร๊อ แว เบ่ นอเม เน เต เด๊อ อาแร๊ ฮู๊ เน โตเบ่ เมเนอ เจ๊อ ตื๊อดื่อเรอ,

โครินธ์ เนอบ่า ต๊าบ่า 10:5

เป เมตาพรอแก ลอ ล๋อ เตแด่ดุแด่แถ่โล เหน่ เด๊อ อา เมดู๊แด ตาตือฉื่อ เตซิเง จอแปแหร่ เนอเต๊เห่. ล๋อ แกแย อา เตเตเน เต๊เห่เนอ เป ปื่อด๊อโอ่ ลอ อา เร๊อ เป นอ จูเอ่ หนิดา อา เร๊อ ครี๊ อาโหง่.

เพรโด่แนพู๊ เต๊เห่ 17:32

เบ๊อะเหย่ซี หนิโฮ คูเปาโล แด๊โฉ่โด่แน เป่ เหย่ซี เร๊อ เตเซอ ก๊อถ่อกาคยา อาคยา เบ๊อะเนอ, เต๊เห่เรอ อา งยาโคร ลู, เต๊เห่เห่ ลาติเร๊อ อา เฮ๊ เน๊อ, “เป ซิหยื่อ หนิโฮ คยาแซ๊โป่ เน เฮ๊ เป่ เป เตหรี่เตแก เออเนอ.”

เพรโด่แนพู๊ เต๊เห่ 17:23

เมเตเฮ๊เรอ, เบ๊อะแว จว๊าเล เด๊อ ซี วีกู เนอ เร๊อ แว แม๊ ซี เตจ๊อบู่จ๊อเบ อาเหล่โอ่ เต๊เห่ เบ๊อะเนอ, แว แม๊เถอะ เตหลู่แต เบ๊อะเนอ โต๊โผ่ เด๊อ อู ราโอ่ ลู เน๊อ, ‘จอแปแหร่ เด๊อ อู ซิเง อา โต่ เตเพร อาเง’ ฮู๊เนอ. ฮู๊เนอ อาขว่าอาคยา, จอแปแหร่ เด๊อ ซี ซิเง ลู โต่ เร๊อ ซี จ๊อบู่จ๊อเบแถ่ เกอเร๊อ อา เออเตเพรเนอ, แว เก่ แด๊โฉ่โด่แน เป่ ซี เร๊อ อา อาหรี่อาแก กู๊แหน่.

เห่ขุทวาลู่ 6:5

จอแปแหร่ ตูจูเพร แม๊เถอะ แกแยเห่ขุพู๊ ซีเต๊เห่ เน๊อ อาจาอาจือ อา, มู๊แหม่รีแจ่ อาก่าอาแปล่ แหน่เจ๊อ, โทโต่ เหย่ซีซิปล่อ เต๊เห่เนอ อา เตเนเครเม โชชื่อ เตมู๊แหม่รีแจ่ ่ ปว๋า โตโพ๊ เจ๊อ.