ꤚꤥꤗꤢꤩ꤬ 1:18 - ลีเทส่อพ๊าอาเซ เร๊อ เห่ขุทวาลู๊

¹⁸ จอแปแหร่ อา เตซิปล่อดุ โอ่โลแถ่ เด๊อ ม๊อขุ. เร๊อ อา โอ่โลแถ่ เป่ ล๋อ แกแย เด๊อ อา เม เตซื๊อเตปล๊า เนอเต๊เห่ เร๊อ แกแย เด๊อ อา เม เตมู๊แหม่รีแจ่ เนอเต๊เห่. เด๊อ เหย่ซี เม เตมู๊แหม่รีแจ่ เต๊เห่ อาขว่าอาคยาเร๊อ, อา นอ ซิเง ปา อู เร๊อ เตหมะเตจ๊อ เออเนอ โต่ เฮ๊อ.

Eastern Kayah Shadaw Dialect

¹⁸ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤥ꤬ꤜꤥ꤭ꤓꤢꤧ꤬ ꤘꤣ ꤗꤢꤪꤋꤢꤨ꤬꤯ ꤚꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤔꤢꤪ꤭ ꤞꤤꤑꤢꤩ꤭ ꤕꤢ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤒꤥ꤬ ꤟꤣꤧ꤯

ꤚꤥꤗꤢꤩ꤬ 1:18 ပူးပေါင်းရင်းမြစ်များ

ꤚꤥꤗꤢꤩ꤬ 1:19

เมเตเฮ๊เรอ เหย่ซี เหล่ซิเงแจ่ จอแปแหร่ อาหรี่อาแก เนอ, อา โอ่โล ลอหล่าตี๊กลิ เจ๊อ เด๊อ เหย่ซีเง เจ๊อ, เมเตเฮ๊เรอ จอแปแหร่ อาเหน่แบ่เจ่ เร๊อดื่อ เด๊อะโล หล่าลี เป่ เจ๊อ เฮ๊อ เหย่ซี เจ๊อ เฮ๊อ.

ꤚꤥꤗꤢꤩ꤬ 1:28

โท๊โต่ เหย่ซี ซิเง โทเฮ๊อ จอแปแหร่ อาหรี่อาแก หม่าแน๊เรอ, อา พย๊าฉื่อ แลแค โต่, อา แด่ เต เตอเจ๋อ โต่ อาขว่าอาคยา, จอแปแหร่ นอเป๊อแก เหย่ซี เร๊อ เหย่ซี อาเหล่เตเน มู๊แหม่รีแจ่ เร๊อดื่อ เต๊เห่ เร๊อ อาปลวา เม แลแค เหย่ซี เร๊อ เต เด๊อ อา โต เมโต่ เนอเต๊เห่ เฮ๊อ.

ꤚꤥꤗꤢꤩ꤬ 1:32

จอแปแหร่ อา เตซว๊าเตแส่ เฮ๊ เร๊อ แกแย เด๊อ อา โอ่เซอเพร ฮู๊เนอ เต๊เห่ หม่า อา โตเซอ เนอ, อา ซิเง แพ๊ หม่าแน๊เรอ อา เม แฮเง ตื๊อดื่อดื่อโป่ แพ๊. โท๊โต่ อู เก่ เมเกอ ฮู๊เนอ เฮ๊เรอ เหย่ซี ซิปล่อโม แลแค แพ๊.

ꤚꤥꤗꤢꤩ꤬ 2:3

หม่าแน๊เรอ โคแบ๊ซว๊า, แกแย เม เตซื๊อ ฮู๊เนอ เต๊เห่เนอ, เน จว๊า เป๊อเจ่ออิแช๊หนิ อู เมเต? เน แหน่แบ่เจ่ เร๊อดื่อ เร๊อ เน เม เตซื๊อ แซ่เน๊อ เหย่ซี เนอ แพ๊แพ๊. ฮู๊เนอเรอ, เน เตเน เกอเร๊อ เนเหน่ เร๊อ เน เก่ แลเปล๊ เร๊อ จอแปแหร่ อา เตเมจากาคยา ปา ฮู๊เนอ แอ?

ꤚꤥꤗꤢꤩ꤬ 3:9

ฮู๊เนอเรอ, เป เก่ เฮ๊ ฮู๊เต? เป แกแยยิวพู๊ เต๊เห่ หม่า เป แร๊เล๊อ เร๊อ แกแยยิวพู๊ หม่าโต่ เต๊เห่ แอ? เป แร๊เล๊อ เน๊อ ตีกี๋โต่. เป เด๊อะโล โทเฮ๊อ เร๊อ แกแยยิวพู๊ เบ่เบ่, แกแยยิวพู๊ หม่าโต่ เบ่เบ่, เหย่ซี โอ่ลอปลี แพ๊ เด๊อ เตซื๊อเตปล๊า อา เตอเรอฉว่าชอ อาเล แพ๊.

ꤚꤥꤗꤢꤩ꤬ 4:15

เมเตเฮ๊เรอ เตซว๊าเตแส่ หม่า อา เมซิปล่อดุ แถ่ จอแปแหร่. แกแย ลือเบ๊ เตซว๊าเตแส่ ปว๋า โตโพ๊ โต่ อาขว่าอาคยา, อา เมซิปล่อดุ แถ่ จอแปแหร่ เร๊อ อา เก่ เมจากาคยา เหย่ซี ปา. เตซว๊าเตแส่ เก่ โอ่โต่ เฮ๊เนอ, แกแย เตเพร่ว หม่า อา เมซื๊อ เตซว๊าเตแส่ โต่.

ꤚꤥꤗꤢꤩ꤬ 5:6

เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง.

ꤚꤥꤗꤢꤩ꤬ 5:9

เป ทวาเฮ๊อ แกแยจ๊อแกแยเต เด๊อ จอแปแหร่ อา เป๊เส่เง เร๊อ ครี๊ อาสุ่ย ขว่าคยา เฮ๊อ. ฮู๊เนอเรอ ครี๊ เก่ เมแลเปล๊กา หม่าแหน่ เจ๊อ เป เร๊อ จอแปแหร่ อา เตเมจากาคยา เออเนอ ปา.

ꤚꤥꤗꤢꤩ꤬ 6:13

เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.

เอเฟซัส 5:6

นออิลออี๊โหล่ แต่ ซีเหน่ เร๊อ แกแย เด๊อ อา เฮ๊เบ่แลโฮ เร๊อ อาโหง่แลช๊า โอ่โต่ เต๊เห่เนอ แต่เหม่ นี๋. แกแย เด๊อ อา เม เตมู๊แหม่รีแจ่ ฮู๊เนอ เต๊เห่, เร๊อ อา หนิดา เกอ อู จอแปแหร่ อาโหง่ โต่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมเมจากาคยาเหย่ซี ปา.

โคโลสี 3:6

แกแย เด๊อ อา เม มู๊แหม่รีแจ่ เตฮู๊เนอ เต๊เห่เนอ, อา เก่ ป่อชิเต่อเบ่ เน๊อ จอแปแหร่ อา เตซิปล่อดุ ปา.

เธสะโลนิกา เนอบ่า ต๊าบ่า 2:10

แซ่ฮู๊ อา เก่ แลโฮแลแห่หนิ แกแย เด๊อ อา เตเร เซอ เด๊อ แหย่โย ตากยา เต๊เห่ อาเงเนอ, อา เก่ นอเอ่ เกอเร๊อ อา เตมู๊แหม่รีแจ่ เนอเต๊เห่ ปว๊า เต๊อเจ่อ ปา. เหย่ซี ซิครือซิลอ พย๊าฉื่อ เกออู เตหมะเตจ๊อ โต่ อาขว่าอาคยา, อา เก่ เซอ แลแค ปา. เหย่ซี เก่ พย๊าฉื่อ เฮ๊เรอ อา เก่ พย๊าหนิ แลแค เตแลเปล๊กา ปา.

เธสะโลนิกา เนอบ่า ต๊าบ่า 2:6

กู๊แหน่เออ เตเด๊อ อา เมดู๊แด ตาตือ ปา แกแย จามู๊แหม่ เออเตเพร อาแกล๊เนอ อา โอ่ เร๊อ หม่าอิเต เนอหม่า ซี ซิเงดื่อเฮ๊อ. ฮู๊เนอเรอ ช๋า ม๊อเนอม๊อเซแฮโต่เฮ๊อ ปาเนอ หม่า แกแยจามู๊แหม่ เนอเตเพร เก่ โอ่โลแถ่ ปา.