ꤚꤥꤗꤢꤩ꤬ 1:13 - ลีเทส่อพ๊าอาเซ เร๊อ เห่ขุทวาลู๊

¹³ โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

Eastern Kayah Shadaw Dialect

¹³ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤊꤣꤧ꤭ ꤞꤤ꤭ ꤔꤢꤧ ꤠꤢꤧ꤭ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤕꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢꤩꤖꤥ ꤜꤥ꤬ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤗꤢꤩ꤬ ꤘꤤꤘꤢꤪ꤭ꤘꤤꤘꤢꤧ꤭ ꤠꤢꤧ꤭ ꤔꤣꤧ꤬ ꤢ꤬ꤥ꤬ ꤒ꤫ꤥ꤬ꤕꤢ꤬ ꤡꤣꤧ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ ꤡꤣꤧ꤯ ꤟꤢꤨ ꤠꤢꤧ꤭ ꤗꤢꤩ꤬ꤓꤥ꤭ꤟꤣꤧ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤞꤤ꤭ꤊꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤊꤣꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤧ꤭ ꤥ꤬ꤜꤢꤩ꤭ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤊꤣꤧ꤭ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤚꤥꤗꤢꤩ꤬ 1:13 ပူးပေါင်းရင်းမြစ်များ

เพรโด่แนพู๊ เต๊เห่ 19:21

เตเมอาเหน่ ฮู๊เออเต๊เห่ โทเรอ คูเปาโล แด่แล อาซิปล่อ เร๊อ อา เก่ เลจว๊ารว๊า มาซิโดเนียเก่ เร๊อ อาเคยาเก่ เร๊อ อา เก่ จว๊าตาลว๊า เด๊อ วีเยรูซาเล็ม ปา. โทเร๊อ อา เฮ๊ เน๊อ, “แว จว๊าโท เด๊อ วีเยรูซาเล็ม เร๊อ แว เบ่ จว๊า เป่แฮ โป่ เด๊อ วีโรม ปา.”

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

โป่แหว่ ซี, เป ซิหยื่อ นอซิเงเกอ ซี เร๊อ แกแย เด๊อ อา หยื่อเอ่แหน่เอ่เต เร๊อ อา เซอ โทเฮ๊อ เนอเต๊เห่ อาหรี่อาแก. ฮู๊ แกแย เด๊อ อา เตแม๊ชือ โอ่เกออู โต่ เนอเต๊เห่ ซิเปลซิหย่อ เนอ, เป ซิหยื่อ นอทวา เกอ ซี ฮู๊เนอโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:18

เป ซิหยื่อ แฮโอ่เล เกอโป่ลา ซี. แว หม่าดื่อ คูเปาโลเออ, แว แอ๊จื๊อ แฮ ตาโมโม เกอโป่ เจ๊อ เด๊อ ซีโอ่ หม่าแน๊เรอ โลเน๊มู๊แหม่รีแจ่ กู่กล๊อ เมดู๊แด ตาตือ เปแกล๊.

โครินธ์ เนอบ่า ต๊าบ่า 1:8

โป่แหว่ ซี๋, เป ซิหยื่อ เด๊อะ ซิเงโล เป่เกอ ซี เร๊อ เบ๊อะเป โอ่ เด๊อ เอเซียเก่ ดุกู เบ๊อะเนอ, เป ข่าเบ่ แหน่เจ๊อ เตจาเตจือ เต๊เห่ อาหรี่อาแก. เตจาเตจือ เด๊อ เป ข่าเบ่ เออเนอ, อาจาอาจือ ตาลว๊าซิลือ เจ๊อ อาขว่าอาคยา, เป เซอเจ๊อเฮ๊อ ปาก๋อ เป เตเน เจ๊อ ฮู๊เนอ.

โครินธ์ อาเหร่อเล๊อ ต๊าบ่า 12:1

โป่แหว่ ซี๋, กู๊แหน่เออ, แว ซิหยื่อ โด่แนโปล เป่ ซี เร๊อ เชหยู่ หนิครา เด๊อ แหย่โยบูโพ๊ แบ่เจ่ เด๊อะ ซี เตเพร เร๊อ เตเพร เนอเต๊เห่ อาหรี่อาแก.

โครินธ์ อาเหร่อเล๊อ ต๊าบ่า 10:1

แว โคแบ๊ซว๊า ซี๋! แว ซิหยื่อ นอซิเง เกอ ซี เร๊อ เปเพอเปโพ เด๊อ คูโมเสส ซูกา ลู เด๊อ เหร่อเคเนอ เต๊เห่ อาหรี่อาแก. อ๊อโหล่ เด๊อ อา เด๊อะโล เร๊อ จอแปแหร่ แฮแล โอ่เต่อเกอ เร๊อ เหย่ซี เออต๊าบ่า เนอ, อา เก๊โอ่กา เป่ เด๊อ เหย่ซีขุ. โทเรอ เหย่ซี กาจว๊า ตาลว๊าเบ๊ แร๊แร๊แหน่แหน่ ล๊อปลี เร๊อ เทอดุซาวา เด๊อ อู เอ๊ เร๊อ เทอลีดุ เออเนอ แตแล เจ๊อ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

ꤚꤥꤗꤢꤩ꤬ 11:25

โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

เธสะโลนิกา เนอบ่า ต๊าบ่า 2:7

เตโอ่โอ๊โอ่บี๊ เด๊อ อา หม่าเฮ๊อ เตมู๊แหม่รีแจ่ เออเต๊เห่เนอ, อา เมเฮ๊อ เตเด๊อ เห่ขุเออ เฮ๊อ. หม่าแน๊เรอ แกแย เด๊อ อา เมดู๊แด ตาตือ เตมู๊แหม่รีแจ่ เออเตเพรเนอ, อา เก่ เมดู๊แด ตาตือ แฮเง โต่เด๊อ จอแปแหร่ พย๊าตาพาแก อา เออเนอ ปา.

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

โครินธ์ อาเหร่อเล๊อ ต๊าบ่า 9:2

แกแย อาโร เต๊เห่ แด่เกอ แว ฮู๊ เพรโด่แนพู๊ เต๊เห่ เตเพร โต่ หม่าแน๊เรอ ซี เร๊อ ซี โตเบ่ แด่ แว ฮู๊ เพรโด่แนพู๊ เต๊เห่ เตเพรเนอ. เมเตเฮ๊เรอ ซี เร๊อ ครี๊ ทวาแถ่ เฮ๊อ ลู เต๊อเจ๊อ แพ๊ อาขว่าอาคยา, ซี เด๊อะโล ตาเต เฮ๊อ เร๊อ แว หม่า เพรโด่แนพู๊ เต๊เห่ อา หม่าแหน่ เจ๊อ เฮ๊อ เตเพร เฮ๊อ.

เพรโด่แนพู๊ เต๊เห่ 21:19

คูเปาโล เฮ๊โมเฮ๊แร๊ โท เหย่ซี เร๊อ, อา แด๊โฉ่ โลปวาโลดวา เป่ ลอ เหย่ซี เร๊อ เตหรี่เตแก เด๊อ จอแปแหร่ เมโท เป่ ลอแคร๋ เฮ๊อ ลู เตเอ่เตแร เด๊อ แกแยยิวพู๊ หม่าโต่ เต๊เห่ อาเกล ฮู๊เต เนอเต๊เห่.

เพรโด่แนพู๊ เต๊เห่ 15:12

เบ๊อะคูเปาโล เร๊อ คูบารนาบัส อาโอ่ เด๊อ แกแยยิวพู๊ หม่าโต่ เต๊เห่ อาเกล เบ๊อะเนอ, จอแปแหร่ เม เมป่าเหย่ซีซิเนอ เตโค๊ตีกลี๊คยา อา เตเมม๊าเมแด เร๊อ เตเม อาตาปา คย๊ายื๊อ เต๊เห่. เบ๊อะคูเปาโล เร๊อ คูบารนาบัส แด๊โฉ่โล เป่ แกแย แฮโอ่กู๊โอ่แก๊ เออเต๊เห่ เร๊อ เตหรี่เตแก เออ เบ๊อะเนอ, โส่โส๋ อา หนิดา แลแค เจ๊อ.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

ꤛꤥ꤭ꤟꤢ꤬ 12:24

แว เฮ๊จ๊อจ๊อ ซี, โบ๊กู่ลาปล่อ ต๊อปล่อเนอ, อู เก่ โหล่ตา ลู เด๊อ เห่ขุ โต่ เฮ๊เนอ, อา เพ๊แถ่ อา เส่แถ่ แจ่โต่. หม่าแน๊เรอ อู เก่ โหล่ตา ลู เฮ๊เนอ, อา เก่ เพ๊แถ่ เส่แถ่ เอ๊แหน่เจ๊อ ปา.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 28:14

เป แม๊เถอะฉื่อ เร๊อ เพรหยื่อเอ่ เบ๊อะเนอ เต๊เห่, เร๊อ เหย่ซี เอ๊โอ่แกโก๊ โป่เกอ เป เบ๊อะเนอ โซซว๊าเตอเนอ. เป โอ่แก โท เบ๊อะเนอ เร๊อ เป เถ่จว๊าแก เด๊อ วีโรม.

ꤚꤥꤗꤢꤩ꤬ 1:12

แว ซิหยื่อ เฮ๊ ฮู๊เต เฮ๊เรอ เป เด๊อะอ๊าเด๊อะเหร่ เมจว่าเลอ เมจว่าเก่ คยาแซ๊ลู ซี เตหยื่อ เร๊อ แว เตหยื่อ ฮู๊เนอ เต๊อะเจ่อแพ๊.

ꤚꤥꤗꤢꤩ꤬ 7:1

โป่แหว่ ซี๋, ล๋อ ซี เออเต๊เห่เนอหม่า, ซี ย๋อ ซิเง โทลอเฮ๊อ เตซว๊าเตแส่ อาขว่าอาคยา, เต เด๊อ แว เตเร เฮ๊ เป่ ซี เออเต๊เห่เนอ, ซี ซิเง ตาเต โท ลอดื่อเฮ๊อ. แกแย เตเพร เก่ เซอ ล๋ายโต่ เนอ, เตซว๊าเตแส่ เต๊เห่ เป๊อ ตื๊อดื่อ เกอเร๊อ ปา ลู แพ๊.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

โครินธ์ อาเหร่อเล๊อ ต๊าบ่า 14:26

แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.

ꤊꤢ꤬ꤜꤢ꤬ꤒꤤ 3:15

โป่แหว่ ซี๋, แว เก่ แด๊โฉ่โล เป่ ซี เน๊อ เต เด๊อ อู เหล่โกล เม เกอเร๊อ อา เหมาะเฮ๊เหมาะลี เต๊อเจ่อ. เบ๊อะแกแย ซิเนอ เอ่หม่า โทเฮ๊อ ลูโหง่ เบ๊อะเนอ, อูเปเป๋ เบ่เบ่, อา เก่ แฮ เมปย๊าแก หม่าโต่เรอ อา เก่ แฮ เมโค๊แก เฮ๊เนอ, อาหนิ ปา โต่ เฮ๊อ.

ꤊꤢ꤬ꤜꤢ꤬ꤒꤤ 6:18

โป่แหว่ ซี๋, แบ่เจ่ เหย่ซู่ครี๊ เก่ ฉู่โนดื่อ อาบุ๊ยอาเตอเรอ เด๊อ ซี ล๋อ ปลี อา ซิปล่อกู นี๋. อาเมน

ฟีลิปปี 1:22

แว เก่ โอ่เซอเพร แฮเงหนิโป่ เฮ๊เรอ, แว เก่ เม เต เด๊อ อาบุ๊ยอาเตอเรอ โอ่ เนอเต๊เห่ ปา. หม่าแน๊เรอ แว เก่ นว๊าพย๊า เบ๊อะเต๊อเจ่อเต เนอ, แว ซิเง ตาเต แล๋ โต่.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.