ꤚꤥꤗꤢꤩ꤬ 1:1 - ลีเทส่อพ๊าอาเซ เร๊อ เห่ขุทวาลู๊

¹ แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

Eastern Kayah Shadaw Dialect

¹ ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ꤯ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤞꤤ꤭ ꤜꤤ꤬ ꤣꤧ꤭ꤒꤣ꤬ꤙꤢ꤬꤯ ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬꤯ ꤢ꤬ ꤢꤩ ꤠꤢꤧ꤭ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤠꤢꤧ꤭ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯

ꤚꤥꤗꤢꤩ꤬ 1:1 ပူးပေါင်းရင်းမြစ်များ

ꤗꤢ꤬ꤊꤢꤨ 1:14

เบ๊อะอู ปื่อด๊อตา คูยอห์น เด๊อ ทอกู เบ๊อะเนอ, เหย่ซู่ จว๊า เด๊อ กาลิลีเก่ เร๊อ อา แด๊โฉ่โด่แน เป่ อู เร๊อ จอแปแหร่ อา เตซิครือซิลอมีลา เบ๊อะเนอ.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

ꤛꤥ꤭ꤟꤢ꤬ 15:15

แว เอ๊ ปา ซี เร๊อ หลู่ โต่ เฮ๊อ, เมเตเฮ๊เรอ หลู่ เฮ๊เนอหม่า อา ซิเง เกอเร๊อ เกอ อาแบ่เจ่ อาเตเม อาหรี่อาแก คยา โต่. แว เก่ เอ๊โค๊ เฮ๊อ ซี เน๊อ ซี หม่า แว โคแบ๊ซว๊า เต๊เห่ เฮ๊อ, เมเตเฮ๊เรอ ล๋อ แว หนิโฮ เต เด๊อ แวเพ อา โอ่ เต๊เห่เนอ, แว แด๊โฉ่โล เป่ลอเฮ๊อ ซี เฮ๊อ.

ꤛꤥ꤭ꤟꤢ꤬ 15:20

ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

เพรโด่แนพู๊ เต๊เห่ 13:9

เบ๊อะเนอ คูเซาโล (อู ซิเง เกอโป่ อามุย เร๊อ คูเปาโล) เออเตเพรเนอ, อา เล๊อบา เร๊อ แหย่โยบูโพ๊แบ่เจ่. เร๊อ อา แม๊ โตเด แกแย เมเต๊เปล่ อูเป๊เส่ เนอเตเพร.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 21:40

เร๊อ เกลอฮู๊ตีรี๊ อากู่กล๊อ เออเตเพร เด๊อะอา ค๊าขิ อาขว่าอาคยา, คูเปาโล ก๊อถ่อ เบ๊อะกู่โบลู เนอ, เร๊อ อา วื๊อแหว่จว๊า อากู๊ขุ เด๊อ แกแย เบ๊หมู่ เออเต๊เห่ อา โอ่. เบ๊อะเหย่ซี โอ่โส่เฮ๊อ อาเบ๊อะเนอ, คูเปาโล เฮ๊เบ่ตา เหย่ซี เร๊อ ฮีบรูโหง่.

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

เพรโด่แนพู๊ เต๊เห่ 22:7

แว แลคื๊อตา เด๊อ เห่ขุ เร๊อ แว หนิโฮ โหง่ พราแถ่ เร๊อ อา เฮ๊ แว เน๊อ, ‘คูเซาโล๋, คูเซาโล๋, หม่าเมเตเรอ เน จว๊า เมจาเมจือ แว เมเต?’

เพรโด่แนพู๊ เต๊เห่ 26:1

คุ๊ยดุ อากริปปา เฮ๊ คูเปาโล เน๊อ, “เน เก่ ซิเฮ๊เบ่ หม่า อาหนิ แพ๊.” เร๊อ คูเปาโล บ๊อแถ่ อากู๊ขุ เร๊อ อา เฮ๊เบ่แลเปล๊ เกอเร๊อ อาเหน่ ฮู๊เออ:

เพรโด่แนพู๊ เต๊เห่ 26:14

เป แลคื๊อตา ลอ เด๊อ เห่ขุ ปว๋า เตเพร เจ๊อ, เร๊อ แว หนิโฮ โหง่พราแถ่ เร๊อ ฮีบรูโหง่ ตือมื๊อ เร๊อ อา เฮ๊ แว เน๊อ, ‘เก๋อ คูเซาโล๋, คูเซาโล๋, เน เมจาเมจือ แว เมเต? เน ตอพอเช เกอเร๊อ คยาดื่อ เน กู๊โด่ เน๊อ ตอมอ เด๊อ อาแซ่เน๊อ ปู่ เตเป กาคยา เช เกอเร๊อ คยาแซ๊ดื่อ อา เหน่แบ่แจ่ อิปลี๊ เนอแพ๊,’ อา เฮ๊ แว เนอ ฮีบรูโหง่ ฮู๊เนอ.

เพรโด่แนพู๊ เต๊เห่ 27:23

เมเตเฮ๊เรอ, เออเตเซ, จอแปแหร่ เด๊อ แว ทวาเฮ๊อ อาเต เร๊อ แว เมเฮ๊อ อาเตเม เออเตเพร อา เตเน่วม๊อขุ แฮ ก๊อถ่อโอ่ เด๊อ แว ช๊า,

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

ꤚꤥꤗꤢꤩ꤬ 15:29

แว ซิเง เร๊อ ช๋า แว แฮโต่ เด๊อ ซี โอ่ปา เนอ, แว เก่ พย๊าแฮหนิ ครี๊ อา เด๊อะบุ๊ยเด๊อะเตอเรอ เด๊อ อาเล๊ออาบา เออเนอ ปา.

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

โครินธ์ อาเหร่อเล๊อ ต๊าบ่า 1:1

แว หม่า คูเปาโล. จอแปแหร่ ซิปล่อโอ่ แว เร๊อ อา นว๊าแถ่ แว เน๊อ เหย่ซู่ครี๊. อา เพรโด่แนพู๊ เต๊เห่ เตเพร. เร๊อ แว เน๊อ เป โป่แหว่ ครี๊พู๊ คูโสสเธเนส ราจว๊า เป่ ซี ลีเออต๊าบ่า.

โครินธ์ อาเหร่อเล๊อ ต๊าบ่า 9:1

แว หม่า เพรป่าลาพู๊ เตเพร หม่าโต่ แอ? แว หม่า เพรโด่แนพู๊ เต๊เห่ เตเพร หม่าโต่ แอ? หม่า แว แม๊เถอะน๊อ เกอ แหน่ เกอล๋าย เป แบ่เจ่ เหย่ซู่ครี๊ โต่ แอ? แว ครือเม แบ่เจ่ อาเตเม อาขว่าอาคยา, ซี หยื่อเอ่แหน่ เฮ๊อ ครี๊ เฮ๊อ เนอหม่า อาหม่าโต่ แอ?

โครินธ์ เนอบ่า ต๊าบ่า 1:1

แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.

โครินธ์ เนอบ่า ต๊าบ่า 11:5

ซี ดา เอ๊ เกอเร๊อ เหย่ซี เน๊อ, “เพรโด่แนพู๊ เต๊เห่ ซ๊าร๊าดุ” เนอเต๊เห่เนอ, อา แจ่ แถ่โลเล๊อแหน่ เร๊อ แว โต่.

โครินธ์ เนอบ่า ต๊าบ่า 11:7

เบ๊อะแว แด๊โฉ่โด่แน เป่ ซี เร๊อ เตซิครือมีลา เบ๊อะเนอ, แว กุยน๊อ เร๊อ ซี อาคว๊าอาเก่ ตาบ๋า โต่. แซ่ฮู๊ ซี เก่ พย๊าหนิ ซิปล่อเซอเพร ตูจูเพร อาเงเนอ, แว แด่แล แวเหน่ ฮู๊เนอ แพ๊. แว เมฮู๊เออเร๊อ หม่า อาซื๊อ แอ?

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ เนอบ่า ต๊าบ่า 2:12

เบ๊อะแว จว๊าโต่ เฮ๊อ เด๊อ วีโตรอัส อากู เร๊อ แว เก่ แด๊โฉ่โด่แน เป่ อู เร๊อ ครี๊ อา เตซิครือมีลา เบ๊อะเนอ, แว แม๊เถอะ เร๊อ แบ่เจ่ บ๊าโม หนื่ออื่อ เป่ โทเฮ๊อ แว กู่ดากู เร๊อ แว แม๊เถอะ เน๊อ อา ซิหยื่อ นอเม เฮ๊อ แว เตเม เบ๊อะวีเนอตีวี อากู.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 1:1

แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่.

เอเฟซัส 1:1

แว หม่า คูเปาโล. จอแปแหร่ ซิปล่อโอ่ เด๊อ แว เก่ ทวา เหย่ซู่ครี๊ อา เพรโด่แน เตเพร. แว ราจว๊าเป่ ลีเออต๊าบ่า เด๊อ จอแปแหร่ อาแกแย เด๊อ อา โอ่ แลแค เด๊อ วีเอเฟซัส อากูเนอเต๊เห่อาโอ่. ซี หม่า แกแย เต๊เห่ เด๊อ อา ทวาแถ่ เฮ๊อ เตอเจ๋อโต เร๊อ ครี๊ เฮ๊อ เรอ, ซี วีแก ซี เตหยื่อเอ่ เหย่ซู่ครี๊ โต่.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

โคโลสี 1:1

แว หม่า คูเปาโล, แว เร๊อ เป โป่แหว่ ครี๊พู๊ คูทิโมธี รา เป่ ซี ลี เออต๊าบ่า. จอแปแหร่ ซิปล่อโอ่หนิเกอ แว เร๊อ แว เก่ ทวาแถ่ เหย่ซู่ครี๊ อา เพรโด่แนพู๊ เต๊เห่ เตเพร.

โคโลสี 1:25

แซ่ฮู๊ แว เก่ แด๊โฉ่โด่แน เล๊อบา เป่ ซี เน๊อ จอแปแหร่ อา เตหรี่เตแก อาเงเนอ, จอแปแหร่ เด๊อะแล เฮ๊อ แว เหล่เอ่เหล่แร เออ เด๊อ ซีเงเฮ๊อ. โท๊โต่ อา นอทวาแถ่ เฮ๊อ แว เน๊อ ล๋อ เพรหยื่อเอ่ ครี๊ เนอเต๊เห่ อา หลู่เล๊ เตเพร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

เป ย๋อ โม เกอเร๊อ แหน่เจ๊อ ซี, โทเรอ ซี ทวา เป โคแบ๊ซว๊า เด๊อ อา โมแหน่เจ๊อ เป เต๊เห่ อาขว่าอาคยา, เป ตี๊หรี่แตแร หนื่ออื่อ เปเหน่ เด๊อ เป เก่ แด๊โฉ่ ซิเง ตื๋อ เป่แพ๊ ซี เร๊อ จอแปแหร่ อา เตซิครือมีลา เออ อาหรี่อาแก เนอหม่าโต่. เป โอ่ ตี๊หรี่แตแร หนื่ออื่อ โป่ เจ๊อ เปเหน่ เร๊อ เป เก่ โอ่เต่อเกอ เร๊อ ซี เร๊อ, พย๊าจว่าเมจว่า เกอโป่ เจ๊อ ซี.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

ทิโมธี อาเหร่อเล๊อ ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ เด๊อ อา เมแลเปล๊กา เป เออเตเพร เน๊อ เหย่ซู่ครี๊ เด๊อ เป เตแม๊ชือ ซิเล เกอเร๊อ อา เออเตเพรเนอ, เหย่ซี เฮ๊ตา โทเฮ๊อ อาโหง่ เน๊อ อา นอทวาแถ่เฮ๊อ แว เน๊อ เหย่ซู่ครี๊ อา เพรโด่แนพู๊ เต๊เห่ เตเพร.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ꤒꤤꤒꤢꤨ 1:1

แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.

ꤟꤤꤙꤚꤢꤨ 5:4

เตเพร่ว หม่า อู แด่แถ่แจ่ เกอเร๊อดื่อ อูเหน่ เร๊อ อู เก่ ทวาแถ่ เพรหลู่แต กู่กล๊อดุเล๊อ เนอ เตเพร่ว โต่. ฮู๊ จอแปแหร่ แด่แถ่ เพอาโรน เร๊อ อา เก่ ทวา เพรหลู่แต กู่กล๊อดุเล๊อ เตเพรเนอ, แกแย เด๊อ อา เก่ ทวา เพรหลู่แต กู่กล๊อดุเล๊อ เตเพร เนอหม่า, อา เก่ หม่า แพ๊ตื๊อ จอแปแหร่ เตเพร เบ่ นว๊าแถ่ อา เนอแพ๊.

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

เปโตร อาเหร่อเล๊อ ต๊าบ่า 4:17

หม่าเมเตเฮ๊เรอ, เตม๊อเนอ ม๊อเซ แฮโต่เฮ๊อ เด๊อ จอแปแหร่ เก่ เป๊อแถ่ เมจากาคยาหนิ เหร่อเล๊อดื่อ อาแกแย เฮ๊อ. เก่ อา เป๊อแถ่ เมจากาคยา เหร่อเล๊อ เกอเร๊อ เป ปา เก่เฮ๊เรอ แกแย เด๊อ อา หนิดา เกอ จอแปแหร่ อา เตซิครือมีลา โต่ เต๊เห่เนอ อา เก่แป่เก่เช เก่จาเก่จือ เจ๊อ บ๋า เต ปา เจ๊อ.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤛꤢꤨꤘꤢ꤬ 1:1

แว หม่า คูยากอบ อาโป่ คูยูดาส, โท๊โต่ แว หม่า เหย่ซู่ครี๊ อาหลู่ เตเพร. แว ซิหยื่อ ราจว๊าเป่ แกแย เด๊อ เพ จอแปแหร่ เอ๊ เหย่ซี เร๊อ อา โม เกอเร๊อ เหย่ซี. โท๊โต่ เหย่ซู่ครี๊ โอ่ป่อ โฮ๊บี๊เตเก เกอเร๊อ เหย่ซี เนอเต๊เห่ อา โอ่.

เตเด๊อะโลแถ่ 1:1

ลี เออต๊าบ่า หม่า ลี เด๊อ อา ราม๊าราแด เตเมทวาแถ่ อาเหน่ เด๊อ เหย่ซู่ครี๊ เด๊อะโลแถ่ เต๊เห่ อาหรี่อาแก. แซ่ฮู๊ เหย่ซู่ครี๊ เก่ แด๊โฉ่โล เป่ หลู่เล๊ เต๊เห่ เร๊อ เต เตเร ทวาแถ่ ผื่อลาเฮ๊อ ปา เออเต๊เห่ อาเงเนอ, แบ่เจ่ จอแปแหร่ เด๊อะโล เป่ เตเด๊อะโลแถ่ เออเนอ เร๊อ คูยอห์น หม่าดื่อ เฮ๊อ แว เด๊อ อา ทวา เหย่ซู่ครี๊ อาหลู่เล๊ เออเตเพร เฮ๊อ. อา ซูแล อา ม๊อขุ เตเน่วพู๊ เด๊อ แวโอ่ เร๊อ อา เด๊อะซิเง เป่ แว เร๊อ เตหรี่เตแก เออเต๊เห่.

เตเด๊อะโลแถ่ 22:6

ฮู๊เนอโทเรอ เตเน่วพู๊ เฮ๊ แว เน๊อ, “โหง่ เออเต๊เห่ เนอหม่า โหง่ เด๊อ อาจ๊ออาเต เร๊อ เหล่ซิเล หยื่อเอ่หนิ แหน่เจ๊อ อา เต๊เห่. แบ่เจ่ จอแปแหร่ เด๊อ อา เด๊อ เพรโพร เต๊เห่ เร๊อ อา แหย่โยบูโพ๊ เออเตเพรเนอ, แซ่ฮู๊ อา เก่ เด๊อะโล เป่ เกอ อาหลู่เล๊ ซีเต๊เห่ เร๊อ งยาล๋ายโต่ ปา เต เก่ เมแคร๋ อาเหน่ ฮู๊เต ปา เนอ เร๊อ, อา นอแฮ เป่ เฮ๊อ อา เตเน่วพู๊ เฮ๊อ.”

เตเด๊อะโลแถ่ 22:9

หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว หม่า หลู่เล๊ เตเพร เด๊อ อา แซ่เกอดื่อ เน๊อ เน เน๊อ เน โป่แว เพรโพร เต๊เห่, เร๊อ ล๋อ แกแย เด๊อ อา จูเอ่ โหง่ เนอเต๊เห่ เด๊อ ลี เออต๊าบ่า อากู เนอเต๊เห่ แพ๊. จ๊อเบ แถ่เด๊อ จอแปแหร่ เนอ.”