เตเด๊อะโลแถ่ 9:4 - ลีเทส่อพ๊าอาเซ เร๊อ เห่ขุทวาลู๊

⁴ อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.

Eastern Kayah Shadaw Dialect

⁴ ꤢꤨ꤭ ꤟꤢꤩꤥ꤬ꤔꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤙꤢꤩ꤬ ꤗꤢꤩ꤬ꤕꤛꤢꤔ꤫ꤤ꤬ ꤗꤤ꤬ꤞꤢꤩ꤬ꤗ꤫ꤢꤪ꤬ ꤒꤣꤧ꤬ꤟꤢꤩ꤬ ꤒꤥ꤬, ꤞꤢꤪ꤬ꤒꤢꤪ꤭ꤗ꤫ꤢꤪ꤬ ꤞꤤꤞꤥ꤭ ꤒꤣꤧ꤬ꤟꤢꤩ꤬ ꤒꤥ꤬, ꤞꤢꤪ꤬ꤗ꤫ꤢꤪ꤬ꤠꤢꤩ꤬ꤙꤥ꤭ ꤞꤤ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤊꤤ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤙꤢꤩ꤬ ꤢ꤫ꤢ꤬ ꤖꤢꤧꤒꤢꤦ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤚꤣꤧꤘꤢꤦ꤬ ꤊꤣꤧ꤭ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤘꤣ ꤢ꤬ ꤗꤢ꤭ꤓꤢꤩꤜꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

เตเด๊อะโลแถ่ 9:4 ပူးပေါင်းရင်းမြစ်များ

เตเด๊อะโลแถ่ 14:1

เบ๊อะเนอเค, แว แม๊เถอะ ซิหมิพู๊ เนอโตโด ก๊อถ่อโอ่ เด๊อ ซีโยน โฉ่ขุ. เร๊อ อู ก๊อถ่อ โอ่เต่อเกอ เร๊อ อา อาเพร ตีซี เร๊อ ลุยซ๊อ เร๊อ ลุยรี๊. เด๊อ แกแย เออเต๊เห่ อา มาเท๊ลู เนอ, อู ราม๊าโอ่ ซิหมิ เออโตโด อามุย เร๊อ อาเพ อามุย.

เตเด๊อะโลแถ่ 8:7

เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ.

เตเด๊อะโลแถ่ 6:6

แว หนิโฮ เด๊อ เตเซอเพร เออลุยโด อาเกล เนอ, อา แซ่ เร๊อ โหง่พราแถ่ เต๊อเจ่อ, เร๊อ อา เฮ๊ เน๊อ, “แรเต เตอเน๋อ เหมาะเฮ๊ เนอ, อา หนิ แพ๊ อาคว๊าเก่ โบ๊กู่ลา เตเบ แพ๊, หม่าโต่เรอ โบ๊บ่าหลิ โซเบ แพ๊. เร๊อ เมปย๊าแก แต่ โต๊โฉ่เส่เทอ เร๊อ แท๊ทือเส่เทอแย เนอ แต่เหม่ นี๋.”

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

เตเด๊อะโลแถ่ 7:1

เตเมอาเหน่ ฮู๊เออ โทเรอ เห่ขุเออ เบ่เบ่, เทอดุซาวา เออเต๊เห่ เบ่เบ่, ส่อเหมาะ เต๊เห่ เบ่เบ่, แซ่ฮู๊ เก่แลเซ๊ แฮเบ่ แต่ เหย่ซี แต่เหม่ เนอ, แว แม๊เถอะ เตเน่วพู๊ ซิลุย ก๊อถ่อโอ่ แลแค เด๊อ เห่ขุ ลุยเหนาะ เร๊อ อา เมตาตือ ฉื่อแกลอ เก่แลเซ๊ แกล๊.