เตเด๊อะโลแถ่ 9:20 - ลีเทส่อพ๊าอาเซ เร๊อ เห่ขุทวาลู๊

²⁰ แกแย เด๊อ อาโอ่ แลเปล๊แก เร๊อ เตเมจาเมจือ อาเต เซอหร่า เออเต๊เห่เนอ, อา เม แฮเง ตื๊อดื่อ หนิเร๊อปา อา เตมู๊แหม่รีแจ่ เนอเต๊เห่. อาถู่แหล่แต๊แกละกา เป่ แลแค อาซิปล่อ โต่. เหย่ซี จ๊อเบ ตื๊อดื่อปา แลแค โลเน๊มู๊แหม่รีแจ่, เตแหย่โย เด๊อ อู เมเร๊อ เท, อู เมเร๊อ รือ, อู เมเร๊อ ตีลี เร๊อ หล่อ เร๊อ ส่อ เด๊อ อา แม๊เถ่แจ่โต่, โทเรอ อา หนิโฮ แจโต่, อา จว๊าแจ่โต่ เนอเต๊เห่.

Eastern Kayah Shadaw Dialect

²⁰ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤜꤣꤧ꤬ꤕꤜꤢꤩꤊꤢꤧ꤭ ꤔꤢꤧ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤢ꤬ꤒꤢꤩ꤬ ꤞꤣꤧ꤭ꤚ꤫ꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤚꤣꤧꤘꤢꤦ꤬ꤕꤢ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ ꤛꤢꤧ꤬ ꤚꤣꤧ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤒꤥ꤬꤯ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤜꤢ꤭ꤋꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬, ꤖꤚꤢꤩ꤬ꤛꤥ꤬ ꤘꤣ ꤢꤨ꤭ ꤗꤢꤩ꤬ꤔꤢꤧ ꤓꤢꤩ꤭, ꤢꤨ꤭ ꤗꤢꤩ꤬ꤔꤢꤧ ꤚꤢꤦ꤭, ꤢꤨ꤭ ꤗꤢꤩ꤬ꤔꤢꤧ ꤒꤣꤧ꤬ꤜꤤ꤭ ꤔꤢꤧ ꤜ꤫ꤢꤪ꤬ ꤔꤢꤧ ꤞꤢꤪ꤬ ꤘꤣ ꤢ꤬ ꤗꤢꤧꤓ꤫ꤣꤧ꤬ꤡ꤫ꤢꤧ꤬ꤒꤥ꤬, ꤓꤥ꤭ꤚꤣꤧ꤬ ꤢ꤬ ꤔ꤫ꤤ꤬ꤟꤥ꤭ ꤡ꤫ꤢꤧ꤬ꤒꤥ꤬, ꤢ꤬ ꤡꤝꤢꤡ꤫ꤢꤧ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 9:20 ပူးပေါင်းရင်းမြစ်များ

เตเด๊อะโลแถ่ 9:21

โท๊โต่ เหย่ซี อาเตเมเซอ แกแยเห่ขุพู๊, อาเตเม โลเน๊ ซ๊าร๊า เอ่ อูแหย่โย เต๊เห่, อา เตจว๊าซื๊อ เพรเหมาะเพรคู เร๊อ อา เตเอ่โห่เอ่ฮี๊ เต๊เห่เนอ, อา ถู่แหล่แต๊แกละ เป่ แลแค อาซิปล่อ โตโพ๋ โต่.

ทิโมธี อาเหร่อเล๊อ ต๊าบ่า 4:1

แหย่โยบูโพ๊ แบ่เจ่ แด๊โฉ่ ตาเต เฮ๊อ เร๊อ ช๋า ม๊อเนอ เด๊อคยา เต๊เห่ อากู ปาเนอ, แกแย เต๊เห่เห่ เก่ วีแก แลแค อา เตหยื่อเตแหน่ ปา เร๊อ เหย่ซี เก่ หนิดา โลเน๊มู๊แหม่รีแจ่ เด๊อ อา แลโฮ ดื่อเง เนอเต๊เห่ ปา. เร๊อ อา เก่ ครวาเกอ โลเน๊มู๊แหม่รีแจ่ เด๊อ อา แลโฮแลแห่ เต๊เห่ อา เตอิซว๊าอี๊แส่ เต๊เห่ ปา.

เพรโด่แนพู๊ เต๊เห่ 19:26

คูเปาโล เฮ๊เออ เตเพรเนอ อา เมแคร๋ อิเต เนอหม่า ซี แม๊เถอะหนิโฮ ลอดื่อเฮ๊อ เร๊อ ซิเหน่ เฮ๊อ. อา จว๊า อิลออี๊โหล่ ปย๊า ลอ อู เร๊อ จอแปแหร่ เด๊อ แกแย แบ๊ เร๊อ อากู๊ขุ เต๊เห่เนอ, จอแปแหร่ หม่า ตีกี๋ โต่, อา เฮ๊ ฮู๊เนอ. เร๊อ อา อิลออี๊โหล่ หนิ โหร่แหน่เจ๊อ อู ตื๊อ แกแย โอ่เบ๊อะวีเอเฟซัส อากูเออ เต๊เห่เนอ หม่าโต่, อา ผือ อิลออี๊โหล่ หนิลอ เจ๊อเฮ๊อ เอเอเชีย เต๊เก๋เล เจ๊อเฮ๊อ.

เพรโด่แนพู๊ เต๊เห่ 7:41

โทเรอ เบ๊อะเนอเค เหย่ซี แบ๊ ปู่เพฮู๊แหย่โย โตโด เร๊อ อา หลู่แตแถ่ ลู เร๊อ เหย่ซี ซิครือซิลอ เมโป่ เอ่โอ เกอิเนอ, เร๊อ ถู่เซ๊แถ่ เกอเร๊อ แลแค เต เด๊อ อา เม เกอเร๊อ แลแค เร๊อ อากู๊ขุ เออเต๊เห่.

โครินธ์ เนอบ่า ต๊าบ่า 12:21

เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.

เพรโด่แนพู๊ เต๊เห่ 17:29

“ฮู๊ เป ทวาเฮ๊อ จอแปแหร่ อาพู๊อาเลอ เต๊เห่เนอ, จอแปแหร่ หม่า อาแซ่เน๊อ รือ, เท, หม่าโต่เร๊อ หล่อ เต๊เห่ เป โตเบ่ เตเนหนิ ฮู๊เนอโต่. จอแปแหร่ หม่า เพรแบ๊ทวา เมแจ่หี่ เต๊เห่, เพรเมแจ่ จู๊โกจู๊เบ เร๊อ กู๊ขุ เต๊เห่ แบ๊ ทวาแถ่ แจ่ อา ฮู๊ แหย่โย เนอเต๊เห่ หม่าโต่.

มัทธิว 21:32

เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่.

เตเด๊อะโลแถ่ 16:8

เออโตโพ๊ ลาติ เร๊อ เตเน่วพู๊ ลุยเพร เตเพร จว๊า กลอตา ลาติ อา เบหล่อดุ เด๊อ ต๊อเหมาะลู เร๊อ จอแปแหร่ นอกู่ช๊าแฮ ต๊อเหมาะ เร๊อ อากู่ลว๊า ลอปลี แกแยเห่ขุพู๊ เออเต๊เห่.

เตเด๊อะโลแถ่ 9:19

เมเตเฮ๊เรอ ตีซิ เต๊เห่ อา อาเตอเรออาฉว่าซอ เด๊อ อา เก่ เมเชอู เนอ, อา โอ่ เด๊อ เหย่ซี แกกู เร๊อ อากู๊หมิ อาลูเนอ. อากู๊หมิ เต๊เห่เนอ อา กู่กล๊อโอ่ เร๊อ อากู๊หมิ เออเต๊เห่เนอ, อาแซ่เน๊อ หรู่ กู่กล๊อ, เร๊อ อา เมชุ๊ยเมเช ล๊อปลี อู เร๊อ อากู๊หมิ เออเต๊เห่.

เตเด๊อะโลแถ่ 15:1

ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.