เตเด๊อะโลแถ่ 9:14 - ลีเทส่อพ๊าอาเซ เร๊อ เห่ขุทวาลู๊

¹⁴ โหง่ เฮ๊ตาแล เตเน่วพู๊ อาเพร โซซว๊า เด๊อ อา ปื่อหม่าโอ่เร๊อ กวา เนอเตเพร เน๊อ, “ปลวาเถ่จว๊า เตเน่วพู๊ เนอซิลุย เด๊อ อู จอกลอหม่า เหย่ซี เด๊อ แลโหมะดุ ยูเฟรติส อากูเนอ.”

Eastern Kayah Shadaw Dialect

¹⁴ ꤍ꤫ꤥ꤬ ꤟꤢꤩꤒꤢ꤭ꤜꤢꤧ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢ ꤘꤣ ꤢ꤬ ꤕ꤫ꤢꤦ꤬ꤗꤢ꤬ꤥ꤬ꤚꤣꤧ ꤊꤝꤢ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤕꤜꤝꤢ꤭ꤓꤢꤩ꤬ꤡꤝꤢ ꤒꤣꤧ꤬ꤔꤢꤩꤖꤢꤨ ꤔꤣꤧ꤬ꤞꤤꤜꤝꤤ꤭ ꤘꤣ ꤢꤨ꤭ ꤡꤢꤪ꤭ꤊꤜꤢꤪ꤬ꤗꤢ꤬ ꤛꤢꤩ꤬ꤞꤤ꤭ ꤘꤣ ꤜꤢꤧ꤭ꤗ꤫ꤥ꤬ꤘꤢꤨ꤬ ꤛꤢꤨ꤬ꤠꤢ꤬ꤚꤢꤩꤒꤤ ꤢ꤬ꤊꤢꤨ꤭ꤔꤣꤧ꤬꤯”

เตเด๊อะโลแถ่ 9:14 ပူးပေါင်းရင်းမြစ်များ

เตเด๊อะโลแถ่ 16:12

โทเรอ เตเน่วพู๊ อาเพร โซซว๊า เออเตเพร จว๊า กลอตา เกอลาติ อาเบหล่อดุ เด๊อ เทอแลดุ เด๊อ อู เอ๊ เร๊อ ยูเฟรติส เออแตแล อากู. แซ่ฮู๊ อา เก่ เมจว่า เป่ คุ๊ย เด๊อ ซิเถ่ เต๊เห่ เก่ แฮ แกล๊ อาเงเนอเรอ, เทอแลดุ เออแตแล ซิคราแก เป่ เหย่ซี.

เตเด๊อะโลแถ่ 9:15

เตเน่วพู๊ อาเพร โซซว๊า เออเตเพรเนอ, อา จว๊า ปลวาเถ่แก เตเน่วพู๊ เออซิลุย เร๊อ เหย่ซี เออเนอ, อู ตี๊หรี่แตแร หนื่ออื่อ โค๊ดื่อ เหย่ซี เด๊อ อา เก่ เมเซอ โตตื๊อแก แกแย เห่ขุพู๊ โซปุ๊ยตูปุ๊ย เบ๊อะตือมือ อากู, เตอเนอ อากู, เตเล อากู เร๊อ ต๊าหน่า อากู เออเนอ ปา.

เห่ขุทวาลู่ 2:14

เทอแล โซแล แตแลเนอ อู เอ๊ ลูมุย เน๊อ ไทกริส, อา ทุ๊ยแฮโน รว๋า เด๊อ อัสซีเรียเก่กู เร๊อ อา ทุ๊ยเถ่โต่ เด๊อ เก่ซิเถ่ ตากยา. โทเร๊อ เทอแล ลุยแล แตแล เร๊อ อู เอ๊ เน๊อ ยูเฟรติส เทอแลโหมะดุ.

เตเด๊อะโลแถ่ 8:6

เบ๊อะเนออาเค เตเน่วพู๊ โซซว๊าเตเพร. เด๊อ อา ปื่อหม่าหนิเร๊อ เร๊อ อากวา โซซว๊าเตเม เออเต๊เห่เนอ โอ่ ตี๊หรี่แตแร หนื่ออื่อ แลแค อาเหน่ เด๊อ อา เก่ โอ๊แถ่ อากวา เต๊เห่.

เตเด๊อะโลแถ่ 7:1

เตเมอาเหน่ ฮู๊เออ โทเรอ เห่ขุเออ เบ่เบ่, เทอดุซาวา เออเต๊เห่ เบ่เบ่, ส่อเหมาะ เต๊เห่ เบ่เบ่, แซ่ฮู๊ เก่แลเซ๊ แฮเบ่ แต่ เหย่ซี แต่เหม่ เนอ, แว แม๊เถอะ เตเน่วพู๊ ซิลุย ก๊อถ่อโอ่ แลแค เด๊อ เห่ขุ ลุยเหนาะ เร๊อ อา เมตาตือ ฉื่อแกลอ เก่แลเซ๊ แกล๊.

เตเด๊อะโลแถ่ 8:2

เบ๊อะเนออาเค แว แม๊เถอะ เตเน่วพู๊ โซซว๊าเตเพร เด๊อ อา เม จอแปแหร่ อาเตเม เร๊อ อา ก๊อถ่อ โอ่ เด๊อ ลูเป๊เส่เง ปว๋า โตโพ๊, เร๊อ อู เด๊อ เหย่ซี กวา โซซว๊าเตเม.

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เตเด๊อะโลแถ่ 7:2

แว แม๊เถอะ เตเน่วพู๊ เด๊อ อาโรเตเพร โอ่ เด๊อ ซิเถ่ ตากยา แฮ เร๊อ อา พย๊าแฮหนิ แบ่เจ่ จอแปแหร่ เด๊อ อา เซอเพร เออเตเพร อา เตม๊าเตแด โต๊โก่. โทเรอ อา จ่าเพรอ เอ๊โทแถ่ เตเน่วพู๊ เออซิลุย เด๊อ จอแปแหร่ เด๊อะ โทเฮ๊อ เหย่ซี อาเตโพรฉว่าชอ เด๊อ อา เก่ เมปย๊าแก เห่ขุ เร๊อ เทอดุซาวา เออเต๊เห่.