เตเด๊อะโลแถ่ 8:7 - ลีเทส่อพ๊าอาเซ เร๊อ เห่ขุทวาลู๊

⁷ เบ๊อะเตเน่วพู๊ อาเหร่อเล๊อ เตเพร โอ๊แถ่ อากวา เบ๊อะเนอ, อู ปลวาตา ตื๊อครื่อจ่า. โทเรอ อู ฮ๊าตา สุ่ย เด๊อ อา ซีแล๊ เร๊อ หมิ เด๊อ เห่ขุเออ. เออโตโพ๊เรอ หมิ อือลอแก เห่ขุเออ โซปุ๊ยตูปุ๊ย, ส่อเหมาะ เต๊เห่ โซปุ๊ยตูปุ๊ย, โทเรอ อา อือ ลอปลี เจ๊อ มีออ เร๊อ ส่อตอเหมาะ ล๋อ ปลีเจ๊อ.

Eastern Kayah Shadaw Dialect

⁷ ꤙꤣꤧ ꤒꤣꤧ꤬ꤔꤢꤩꤖꤢꤨ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤡ꤫ꤢ꤬ꤒꤢ꤭ ꤒꤣꤧ꤬ꤋꤚꤢꤦ꤬ꤞꤢꤩ꤬꤯ ꤓꤥ꤭ꤚꤣꤧ꤬ ꤢꤨ꤭ ꤟꤢꤒꤢ꤭ ꤞꤝꤤ꤬ ꤘꤣ ꤢ꤬ ꤏꤤ꤭ꤜꤢꤧ ꤔꤢꤧ ꤗꤤ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤗꤤ꤬ ꤢꤦ꤭ꤜꤢꤪ꤭ꤊꤢꤧ꤭ ꤟꤢꤩ꤬ꤋꤢꤨ꤬ꤣꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤞꤢꤪ꤬ꤗ꤫ꤢꤪ꤬ ꤒꤣꤧ꤬ꤟꤢꤩ꤬ ꤞꤥ꤭ꤕꤝꤤꤒꤣ꤬ꤕꤝꤤ, ꤓꤥ꤭ꤚꤣꤧ꤬ ꤢ꤬ ꤢꤦ꤭ ꤜꤢꤪ꤭ꤕꤜꤤ꤭ ꤡꤣꤧ ꤗꤤ꤬ꤞꤢꤩ꤬ꤗ꤫ꤢꤪ꤬ ꤔꤢꤧ ꤞꤢꤪ꤬ꤒꤢꤪ꤭ꤗ꤫ꤢꤪ꤬ ꤜꤢꤪ꤭꤮ ꤕꤜꤤ꤭ꤡꤣꤧ꤯

เตเด๊อะโลแถ่ 8:7 ပူးပေါင်းရင်းမြစ်များ

เตเด๊อะโลแถ่ 9:4

อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.

เตเด๊อะโลแถ่ 9:18

หมิแกเถ่, หมิโข่เถ่, หย่าซู๊แบ เถ่ เด๊อ ตีซิ เออเต๊เห่ อาแกกู. เด๊อ เตเออโซเจ่อ เมจาเมจือ อู อาขว่าอาคยา, แกแย เซอ โซปุ๊ยตูปุ๊ย.

เตเด๊อะโลแถ่ 9:15

เตเน่วพู๊ อาเพร โซซว๊า เออเตเพรเนอ, อา จว๊า ปลวาเถ่แก เตเน่วพู๊ เออซิลุย เร๊อ เหย่ซี เออเนอ, อู ตี๊หรี่แตแร หนื่ออื่อ โค๊ดื่อ เหย่ซี เด๊อ อา เก่ เมเซอ โตตื๊อแก แกแย เห่ขุพู๊ โซปุ๊ยตูปุ๊ย เบ๊อะตือมือ อากู, เตอเนอ อากู, เตเล อากู เร๊อ ต๊าหน่า อากู เออเนอ ปา.

เตเด๊อะโลแถ่ 16:21

ตื๊อครื่อจ่า ปล่อดุ เตเม เตเม เนอ อา พื๋อ แล โถ่ เจ๊อ อาเจ่ว โซเฉอ เต๊เห่เนอ อา โอ่ เด๊อ ม๊อขุ จ่าตา เร๊อ อา แลตา เบ่จาเบ่จือ แหน่เจ๊อ แกแย เออเต๊เห่ อาขว่าอาคยา, อา อิซออี๊บ่า ลอปลี จอแปแหร่.

เตเด๊อะโลแถ่ 16:2

เตเน่วพู๊ อาเหร่อเล๊อ เตเพร จว๊า กลอตา อา เบหล่อดุ เด๊อ เห่ขุ. เออโตโพ๊เร๊อ แกแย เด๊อ อา พย๊าฉื่อ เตมีเตแหม่ อา เตม๊าเตแด เร๊อ จ๊อเบแถ่ ลูแหย่โย เออเต๊เห่เนอ, อา เถ่ซิเถ่วา โซพ๊าโซแร แหน่เจ๊อ.

เตเด๊อะโลแถ่ 12:4

อา จุ่ย แลตา เฉ่ โซปุ๊ยตูปุ๊ย เด๊อ ม๊อเล เร๊อ อากู๊หมิ เร๊อ อา วีตา ลอ เฉ่ เออเต๊เห่ เด๊อ เห่ขุ. แปล เออโตโบ เนอ, อา ก๊อถ่อโอ่ เด๊อ เพรเหมาะ เด๊อ อา เตเร พู๊โอ่ ตีลี๊เฮ๊อ เออเตเพร อาเป๊เส่เง เร๊อ อา เก่ พู๊โอ่โอ่ เร๊อ อา เตเร ปื่อเอ่แก ลูพู๊.

เตเด๊อะโลแถ่ 6:8

แว แม๊ เร๊อ แว แม๊เถอะ ตีซิ แบบูเล โตโด. เร๊อ แกแย เด๊อ อา แถ่แด๊ อา เตเพรเนอ อู เอ๊ ลูมูย เร๊อ เตเซอ. เร๊อ โลเก่เน๊ดอ ครวาต๊อต่อ เกอ ลูคยา. อู เด๊อะ เหย่ซี อาเตอเรอฉว่าชอ เด๊อ อา เก่ เมปย๊าแก เห่ขุ ลุยปุ๊ยตูปุ๊ย ปา. ฮู๊เนอเรอ อา เก่ เมเซอ อู เร๊อ เตช๊าเตปา, เตโอ่วีโอ่กอ, เตชุ๊ยเตเช เร๊อ เตมีเตแหม่ เต๊เห่ ปา.

เปโตร อาเหร่อเล๊อ ต๊าบ่า 1:24

ฮู๊ ลีเทส่อพ๊า เฮ๊ เน๊อ, “แกแย เห่ขุพู๊ ล๋อ ปลี เนอ อาแซ่เน๊อ มีออเส่โพ เต๊เห่ เนอแพ๊. อา เตเตอดุเตอเรอทู เต๊เห่ เร๊อ อา เตตว่าเตแร๊ เต๊เห่เนอ, อาแซ่เน๊อ เตโพเตกี่ แด๊แถ่ เด๊อ ตอกู เนอเต๊เห่ แพ๊. มี ออ ซี เต๊เห่เนอ อา เก่ เซอคราแก ลอ ปา เร๊อ เตโพเตกี่ ซี เต๊เห่เนอ อา เก่ ตาโซแก ลอ ปา.

ꤡꤛꤢꤩ꤭ꤗꤢ꤬ꤎꤣ꤬ 1:11

ต๊อเหมาะแถ่ เร๊อ อากู่ลว๊าครา เซอแก มีออ เต๊เห่ อาขว่าอาคยา, อาโพ เต๊เห่ ตาโซแกลอ, เร๊อ อา เตตว่าเตแร๊ เต๊เห่ โอ่เหม่แก ลอ แพ๊. ฮู๊เนอเฮ๊อ เบ๊อะแกแย ดุแหย่แถ่เซ เต๊เห่ จว๊า เมเก่เมค๊า เต เบ๊อะเนอปาเนอ, อา เก่ เซอแก เกอดื่อ ฮู๊เนอ ปา.

เตเด๊อะโลแถ่ 7:1

เตเมอาเหน่ ฮู๊เออ โทเรอ เห่ขุเออ เบ่เบ่, เทอดุซาวา เออเต๊เห่ เบ่เบ่, ส่อเหมาะ เต๊เห่ เบ่เบ่, แซ่ฮู๊ เก่แลเซ๊ แฮเบ่ แต่ เหย่ซี แต่เหม่ เนอ, แว แม๊เถอะ เตเน่วพู๊ ซิลุย ก๊อถ่อโอ่ แลแค เด๊อ เห่ขุ ลุยเหนาะ เร๊อ อา เมตาตือ ฉื่อแกลอ เก่แลเซ๊ แกล๊.